1 John 1

Gussi (EBIBILIA ENCHENU) 2020

Jump to: Chapter 2 →

1Eri riarengeo korwa omochakano, eri twaigwete, eri twaroche namaiso aito, eri twarigereretie, nonya namaboko aito akaribwata, eri nario Ring’ana ri’obogima togokwana.

2Obogima obwo bokaorokigwa, na intwe tokaborora na kobobera kirori; na intwe igo tokabarareria inwe obogima obwo bwa kare na kare, obwo bwarenge ase Tata na koorokigwa asetore.

3Eri twarorire na koigwa, eri naboigo tokobarareria inwe, erinde nainwe monyare kobwatana naintwe. Okobwatana gwaito nigo kore amo na Tata na Omwana oye Yeso Kristo.

4Nkobarikera tore aya, erinde omogoko oito oikeranigwe.

5Aya naro amang’ana twaigwete korwa asare, na tokobarareria inwe, ng’a Nyasae nomobaso, gose mosunte onde bwonsi tori ime asare.

6Onye togoteba ng’a twabwatanire nere, naende togendererete ase omosunte, igo twatebire oborimo, gose ayare ay’ekeene titori koyakora.

7Korende onye tokogenda ase omobaso, buna ere are ase omobaso, rirorio twabwatanire intwe ase intwe, na amanyinga a Yeso, Omwana oye, nigo agotosibia ebibe biaito bionsi.

8Onye togoteba ng’a titori na bibe, iga tokweng’aina, gose ekeene tikeri ime yaito.

9Gatorabiorokie ebibe biaito, ere nomwegenwa na omonyene oboronge, natwabere ebibe biaito, na atosibie korwa ase ogotaba boronge gwonsi.

10Onye togoteba ng’a titokoreti ebibe, twakorire Nyasae koba omonyaborimo, gose ring’ana riaye tiriri ime yaito.

Jump to: Chapter 2 →