2 Chronicles 6

Hausa Arabic 2020 (أَتَّوْرَتْ دَ أَنَّبَاوَا)

1سَيْ سُلَيْمَٰنُ يَثٜىٰ، «يَا يَهْوٜىٰهْ ، كَثٜىٰ غِذَغِظَيْ مَاسُ دُهُ سُنْ كَسَنْثٜىٰ وُرِنْ ذَمَنْكَ؞

2غَاشِ، نَغِنَ مَكَ غِدَا مَيْ دَرَجَ عِنْدَ ذَاكَ كَسَنْثٜىٰ حَرْ أَبَدَا؞»

3يَايِنْ دَ دُكَنْ تَارُوانْ جَمَعَرْ إِسْرَٰٓءِيلَ سُنَانَنْ ڟَيٜىٰ أَوُرِنْ، سَيْ سَرْكِے سُلَيْمَٰنُ يَجُويَ يَڢُسْكَنْثٜىٰسُ، يَسَا مُسُ أَلْبَرْكَ يَثٜىٰ،

4«أَلْبَرْكَ تَا تَبَّتَا غَ يَهْوٜىٰهْ اللَّهْ نَ إِسْرَٰٓءِيلَ! غَ يَهْوٜىٰهْ وَنْدَ تَهَنُّنْسَ يَثِكَ أَلْڧَوَرِنْ بَاكِنْسَ وَنْدَ يَيِ وَبَابَنَ دَاوُدَ؞

5«غَمَا يَهْوٜىٰهْ يَثٜىٰ وَبَابَنَ، ‹تُنْدَغَ رَانَرْدَ نَڢِتَرْدَ مُتَنٜىٰنَ دَغَ مَصَرْ، بَنْ تَٻَ ذَاٻٜىٰنْ وَنِ بِرْنِ عَثِكِنْ ذُرِيَرْ إِسْرَٰٓءِيلَ عِنْدَ ذَنْ غِنَا غِدَا دُواْمِنْ عَيِ سُجَّدَ دَ سُونَنَ بَ؞ بَنْ كُمَ ذَاٻِ وَنِ يَشُوغَبَنْثِ جَمَعَتَ إِسْرَٰٓءِيلَ بَ؞

6عَمَّا يَنْذُ نَذَاٻِ عُرُوشَلِيمَ تَكَسَنْثٜىٰ عِنْدَ ذَاعَيِ سُجَّدَ دَ سُونَنَ؞ نَكُمَ ذَاٻِ دَاوُدَ يَشُوغَبَنْثِ جَمَعَتَ إِسْرَٰٓءِيلَ؞›

7«بَابَنَ دَاوُدَ يَيِ نِيَّ يَغِنَ غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَ إِسْرَٰٓءِيلَ؞

8عَمَّا يَهْوٜىٰهْ يَثٜىٰ مَسَ، ‹يَنَ دَݣَوْ يَدَّ كَيِ نِيَّ كَغِنَ مِنِ غِدَا دُواْمِنْ أَغِرْمَمَ سُونَنَ،

9عَمَّا دُكْدَهَكَ، بَكَيْنٜىٰ ذَاكَ غِنَا غِدَنْبَ؞ طَنْكَ وَنْدَ ذَاعَ حَيْڢَ مَكَ نٜىٰ ذَيْ غِنَا غِدَنْ دُواْمِنْ أَغِرْمَمَ سُونَنَ؞›

10«غَاشِ كُوَ يَهْوٜىٰهْ يَا ثِكَ أَلْڧَوَرِنْ دَ يَيِ؞ يَوْ نَغَاجِ بَابَنَ دَاوُدَ، نَذَوْنَ عَكُجٜىٰرَرْ مُلْكٍ إِسْرَٰٓءِيلَ بِسَغَ أَلْڧَوَرِنْ يَهْوٜىٰهْ ، نَكُمَ غِنَا غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَ إِسْرَٰٓءِيلَ؞

11عَثِكِنْ غِدَنْ كُوَ نَأَجِيٜىٰ عَݣُوتِنْ يَرْجٜىٰجٜىٰنِيَرْ يَهْوٜىٰهْ وَنْدَ عَثِكِنْسَ أَݣَويْ أَ رُبُوتَثِّيَرْ يَرْجٜىٰجٜىٰنِيَرْ دَ يَهْوٜىٰهْ يَيِ دَ مُتَنٜىٰنْ إِسْرَٰٓءِيلَ؞»

12أَغَبَنْ تَارُوانْ جَمَعَرْ إِسْرَٰٓءِيلَ سَرْكِے سُلَيْمَٰنُ يَڟَيَ أَغَبَنْ بَغَدٜىٰنْ يَهْوٜىٰهْ ، يَمِيڧَ حَنُّوَنْسَ سَمَ؞

13دَا مَا سُلَيْمَٰنُ يَيِ وَنِ وُرِنْ ڟَيَاوَا مَيْ ڟَيِ دَ ڧَرْڢٜىٰنْ تَغُلَّ؞ ڢَاطِنْسَ ڧَڢَا بَݣَويْ دَ رَبِے، ڟَوُانْسَ ڧَڢَا بَݣَويْ دَ رَبِے، كُمَ ڟَيِنْسَ ڧَڢَا بَݣَويْ دَ رَبِے؞ يَكَڢَشِ أَڟَكِيَرْ ڢِيلِنْ غِدَنْ؞ سَيْ يَهَوْ وَنَّنْ وُرِنْ ڟَيَاوَرْ يَدُرْڧُسَ أَغَبَنْ تَارُوانْ جَمَعَ، يَمِيڧَ حَنُّنْسَ سَمَ يَدَّ كُواْوَ يَنَ عِيَ غَنِنْسَ؞

14سَيْ يَيِ أَدُّعَ يَثٜىٰ، «يَا يَهْوٜىٰهْ اللَّهْ نَ إِسْرَٰٓءِيلَ، بَابُوَنِ اللَّهْ كَمَرْكَ عَثَنْ سَمَ كُواْ أَنَنْ دُونِيَا! كَنَ كِيَايٜىٰ يَرْجٜىٰجٜىٰنِيَرْكَ، كَنَ كُمَ نُونَ ڧَوْنَرْكَ مَرَرْ ثَنْجَاوَا غَ دُكَنْ مَاسُ تَڢِيَ تَرٜىٰدَكَيْ دَ دُكَنْ ذُوثِيَارْسُ؞

15كَيْ كَثِكَ أَلْڧَوَرِنْدَ كَيِ وَبَابَنَ دَاوُدَ، وَنْدَ كَڢَطَا دَ بَاكِنْكَ كَكُمَ عَيْكَتَ يَوْ دَ حَنُّنْكَ؞

16«يَنْذُ يَا يَهْوٜىٰهْ اللَّهْ نَ إِسْرَٰٓءِيلَ، بَرِ كَثِكَ أَلْڧَوَرِنْدَ كَيِ وَبَاوَنْكَ بَابَنَ دَاوُدَ دَ كَثٜىٰ مَسَ، ‹عِدَنْ یَیَنْكَ مَظَا ذَاسُ لُورَ دَ رَايُوَرْسُ، سُكُمَيِ تَڢِيَ تَرٜىٰدَنِ كَمَرْ يَدَّ كَيْ كَيِ، تُواْ، كُلُّمْ ذَاعَ سَامِ وَنِ دَغَ ثِكِنْ عِيَلِنْكَ دَ ذَيْ غَاجِ كُجٜىٰرَرْ مُلْكٍ إِسْرَٰٓءِيلَ؞›

17يَنْذُ يَا اللَّهْ نَ إِسْرَٰٓءِيلَ، بَرِ كَتَبَّتَرْ دَ مَغَنَرْ أَلْڧَوَرِنْكَ وَدَّ كَيِ وَبَاوَنْكَ بَابَنَ دَاوُدَ؞

18«عَمَّا كُواْ ذَيْ يِوُ اللَّهْ يَذَوْنَ دَ مُتُمْ عَدُونِيَا؟ سَمَنْ سَمَّيْ مَا بَسُ إِشٜىٰكَبَ، بَلّٜىٰ مَا وَنَّنْ غِدَنْدَ نَغِنَ؞ أَيْ، بَيْ إِسَ كُواْمٜىٰبَ!

19دُكْدَهَكَ، جِ أَدُّعَ دَ ضُواْڧُوانْ دَنِے بَاوَنْكَ نَكٜىٰيِ مَكَ، يَا يَهْوٜىٰهْ اللَّهْ نَا؞ كَكَسَ كُنّٜىٰ غَ كُوكَا دَ أَدُّعَرْ دَنِے بَاوَنْكَ نَكٜىٰيِ مَكَ يَوْ؞

20بَرِ كَدِنْ‌غَ سَا عِدَنُونْكَ نَأَلْحٜىٰرِ عَكَنْ وَنَّنْ غِدَا دَرٜىٰ دَ رَانَ، وَتُواْ عِنْدَ كَثٜىٰ ذَاكَسَا عَيِ سُجَّدَ دَ سُونَنْكَ؞ بَرِ كَجِ أَدُّعَتَ سَعَدَّ نَڢُسْكَنْثِ وُرِنَّنْ إِنَ أَدُّعَ؞

21بَرِ كَجِ ضُواْڧٜىٰ ضُواْڧٜىٰنَ دَ نَجَمَعَرْكَ سَعَدَّ سُكَ ڢُسْكَنْثِ وُرِنَّنْ سُنَ أَدُّعَ؞ بَرِ كَجِيمُ دَغَ سَمَ عِنْدَ كَكٜىٰ ذَمَ، كَجِ كَغَاڢَرْتَا مَنَ؞

22«مَيْ يِوُوَ وَنِ يَظَرْغِ وَنِ عَكَنْ يَسَامٜىٰشِ دَ لَيْڢِے، حَرْ عَكَكَٰوُاْ مُتُمِنْ أَغَبَنْ بَغَدٜىٰنْكَ ثِكِنْ غِدَنْكَ دُواْمِنْ ضَنْڟُوَا؞ إِنْ كُوَ يَرَنْڟٜىٰ ثٜىٰوَ بَاشِ دَ لَيْڢِے،

23يَا يَهْوٜىٰهْ ، سَيْكَجِ دَغَ سَمَ؞ كَيِ وَبَايِنْكَ شَرِيعَ؞ كَحُكُنْتَ مَيْ لَيْڢِے، كَمَيْدَ لَيْڢِنْسَ عَكَنْسَ؞ مَيْ غَسْكِيَ كُمَ كَنُونَ شِے مَرَرْ لَيْڢِے نٜىٰ بِسَغَ غَسْكِيَرْسَ؞

24«مَيْ يِوُوَ أَبُواْكَنْ غَابَنْ جَمَعَرْكَ إِسْرَٰٓءِيلَ سُنْثِسُ دَ يَاڧِ سَبُواْدَ جَمَعَرْكَ سُنْيِ مَكَ ذُنُوبِ؞ عَمَّا عِدَنْ جَمَعَرْكَ سُكَ جُويُواْ غَرٜىٰكَ، سُكَ تَبَّتَرْ دَ غِرْمَنْ سُونَنْكَ، سُكَيِ أَدُّعَ، سُكَيِ ضُواْڧُواْ أَغَبَنْكَ أَوَنَّنْ غِدَا،

25سَيْكَجِ دَغَ سَمَ؞ كَغَاڢَرْتَا مُسُ ذُنُبَنْسُ، كَكُواْمَرْ دَسُو ذُوَا وَنَّنْ ڧَسَرْدَ كَبَاسُ، سُو دَ كَاكَنِّنْسُ؞

26«مَيْ يِوُوَ عَكَ كُلّٜىٰ سَرَرِنْ سَمَ، حَرْ ضُوً سَمَ بَيْ سَوْكُواْ بَ سَبُواْدَ مُتَنٜىٰنْكَ سُنْيِ مَكَ ذُنُوبِ؞ عِدَنْ سُكَيِ أَدُّعَ سُنَ ڢُسْكَنْتَرْ غِدَنَّنْ، سُكَ تَبَّتَرْ دَ غِرْمَنْ سُونَنْكَ، سُكَ جُويَا دَغَ ذُنُبَنْسُ سَبُواْدَ كَحُكُنْتَسُ،

27سَيْ كَجِ دَغَ سَمَ؞ كَغَاڢَرْتَ ذُنُبَنْ بَايِنْكَ وَتُواْ جَمَعَرْكَ إِسْرَٰٓءِيلَ؞ كَكُواْيَ مُسُ حَنْيَرْ رَايُوَا مَيْݣَوْ وَدَّ ذَاسُبِے؞ سَعَنً، يَا يَهْوٜىٰهْ ، كَعَيْكَ دَ ضُوً سَمَ عَڧَسَرْدَ كَبَا مُتَنٜىٰنْكَ تَذَمَ ڧَسَرْسُ تَغَادُواْ؞

28«مَيْ يِوُوَ عَكَيِ يُنْوَ عَڧَسَرْ، كُواْ بَلَعِ، كُواْ إِسْكَ مَيْ ذَاڢِ مَيْ يَنْڨُونٜىٰ أَمْڢَانِنْ غُواْنَ، كُواْ ڢُمْڢُنَ، كُواْ ڢَارِ، كُواْ كُمَ ڟُڟُواْڟِ سُنْ ڢَاطَوَ أَمْڢَانِنْ غُواْنَرْسُ، كُواْ كُوَ عِدَنْ أَبُواْكَنْ غَابَنْ مُتَنٜىٰنْكَ سُنْ شِغَ ڧَسَرْ سُكَ كٜىٰوَيٜىٰ غَرُرُوَنْسُ، كُواْ كُوَ أَݣَويْ ثُوتُتُّكَ دَ رَشِنْ لَاڢِيَ عَثِكِنْ مُتَنٜىٰنْ؞

29عِدَنْ وَنِ مُتُمْ كُواْ دُكَنْ جَمَعَرْكَ سُنْيِ أَدُّعَ كُواْ سُنْيِ ضُواْڧُواْ، سَبُواْدَ سُنْ غَانٜىٰ دَ دَامُوَرْ ذُوثِيَارْسُ حَرْ سُنَ مِيڧَ حَنُّوَنْسُ سُنَ ڢُسْكَنْتَرْ غِدَنَّنْ،

30سَيْكَجِ دَغَ سَمَ عِنْدَ كَكٜىٰ ذَمَ؞ كَغَاڢَرْتَا مُسُ، كَطَوْكِ مَتَاكِ، كَبِدَ كُواْوَ بِسَغَ يَدَّ يَثَنْثَنْتَ، غَمَا كَا سَنْ ذُوثِيَارْسَ، سَبُواْدَكَيْ كَطَيْ كَاسَنْ تُنَانِنْ ذُوثِيَارْ مُتُمْ؞

31تَهَكَ مُتَنٜىٰنْكَ ذَاسُجِڟُواْرُوانْكَ سُيِ تَڢِيَ عَثِكِنْ حَنْيَرْكَ دُكَنْ ݣُونَكِنْ دَ ذَاسُ كَسَنْثٜىٰ عَڧَسَرْدَ كَبَا كَاكَنِّنْمُ؞

32«مَيْ يِوُوَ بَڧُواْ وَنْدَ بَ دَغَ ثِكِنْ جَمَعَرْكَ إِسْرَٰٓءِيلَ بَ يَاذُواْ دَغَ وَتَ ڧَسَا مَيْ نِيسَ سَبُواْدَ يَجِ غَمٜىٰدَ غِرْمَنْ سُونَنْكَ دَ حَنُّنْكَ مَيْ إِيكُواْ دَ مَنْيَنْ أَيُّكَنْكَ نَبَنْ مَامَاكِ؞ عِدَنْ يَا ذُواْ يَيِ أَدُّعَ يَنَ ڢُسْكَنْتَرْ غِدَنَّنْ،

33سَيْ كَجِ دَغَ سَمَ عِنْدَ كَكٜىٰ ذَمَ؞ كَيِ دُكْ أَبِنْدَ بَڧُوانْ يَضُواْڧَا، دُواْمِنْ دُكَنْ ڧَبِيلُنْ دُونِيَا سُسَنْ سُونَنْكَ سُغِرْمَمَكَ، كَمَرْ يَدَّ جَمَعَرْكَ إِسْرَٰٓءِيلَ سُكٜىٰ غِرْمَمَكَ؞ ذَاسُ كُمَ سَنِ ثٜىٰوَ وَنَّنْ غِدَنْدَ نَغِنَ أَنْسَنْ شِ دَ سُونَنْكَ نٜىٰ؞

34«مَيْ يِوُوَ مُتَنٜىٰنْكَ سُكَ ڢِتَ يِنْ يَاڧِ دَ أَبُواْكَنْ غَابَنْسُ؞ دُكْ عِنْدَ ذَاكَ عُمَرْثٜىٰسُ سُتَڢِے، إِنْ سُنْيِ أَدُّعَ سُنَ ڢُسْكَنْتَرْ وَنَّنْ بِرْنِنْدَ كَذَاٻَا دَ كُمَ وَنَّنْ غِدَنْدَ نَغِنَ دُواْمِنْ أَغِرْمَمَ سُونَنْكَ،

35سَيْ كَجِ أَدُّعَرْسُ دَ ضُواْڧُوانْسُ دَغَ سَمَ؞ كَيِ مُسُ أَبِنْدَ يَدَاثٜىٰ؞

36«مَيْ يِوُوَ مُتَنٜىٰنْكَ سُكَيِ مَكَ ذُنُوبِ، غَمَا بَ طَنْ أَدَمْ دَ بَايَ ذُنُوبِ، كَكُمَيِ ڢُشِے دَسُو كَبَاشٜىٰسُ أَ حَنُّنْ أَبُواْكَنْ غَابَنْسُ، حَرْ عَكَ ݣُوشٜىٰسُ ذُوَا وَتَ ڧَسَا مَيْ نِيسَ كُواْ كُسَ؞

37مَيْ يِوُوَ كُمَ سُكَ ثَنْجَ ذُوثِيَارْسُ عَڧَسَرْدَ عَكَ كَيْسُ بَوْتَا، حَرْ سُكَ تُوبَ سُكَ ضُواْڧٜىٰكَ سُكَثٜىٰ، ‹مُنْيِ مَكَ ذُنُوبِ، بَمُيِ دَيْدَيْبَ، مُنْ عَيْكَتَ مُغُنْتَا›؞

38عِدَنْ كُمَ سُكَ تُوبَ دَ دُكَنْ ذُوثِيَارْسُ دَ حَنْكَلِنْسُ عَڧَسَرْدَ سُكٜىٰ بَوْتَا، سُكَيِ مَكَ أَدُّعَ سُنَ ڢُسْكَنْتَرْ ڧَسَرْدَ كَبَا كَاكَنِّنْسُ دَ بِرْنِنْدَ كَذَاٻَا دَ كُمَ غِدَنْدَ نَغِنَ دُواْمِنْ أَغِرْمَمَ سُونَنْكَ،

39سَيْ كَجِ أَدُّعَرْسُ دَ ضُواْڧُوانْسُ دَغَ سَمَ عِنْدَ كَكٜىٰ ذَمَ؞ كَيِ مُسُ أَبِنْدَ يَدَاثٜىٰ؞

40«يَنْذُ ڢَا، يَا اللَّهْ نَا، بَرِ كَسَا عِدَنُونْكَ نَأَلْحٜىٰرِ عَكَنْ وُرِنَّنْ، كَكُمَ كَسَ كُنّٜىٰ غَ أَدُّعُواْعِنْ دَ ذَاعَيِ أَوَنَّنْ وُرِے؞

41يَا يَهْوٜىٰهْ اللَّهْ ، كَتَاشِ ذُوَا وُرِنْ هُوتُنْكَ، كَيْ دَ عَݣُوتِنْ نُونَ إِيكُوانْكَ؞ يَا يَهْوٜىٰهْ اللَّهْ ، بَرِ ڢِرِسْتُواْثِنْكَ سُكَسَنْثٜىٰ دَ ثٜىٰتُوانْكَ؞ بَرِ مَاسُ ڧَوْنَرْكَ سُيِ ڢَضٍ ثِكِ سَبُواْدَ أَلْحٜىٰرِنْكَ؞

42يَا يَهْوٜىٰهْ اللَّهْ ، كَدَ كَڧِ سَرْكِنْدَ كَكٜىٰٻٜىٰ؞ كَتُنَ دَ ڧَوْنَرْكَ مَرَرْ ثَنْجَاوَا غَ بَاوَنْكَ دَاوُدَ؞»

← Chapter 5 Jump to: Chapter 7 →