2 Thessalonians 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to:

1عَڧَرْشٜىٰ، یَنْعُوَ، كُيِ مَنَ أَدُّعَ دُواْمِنْ كَلْمَرْ عُبَنْ‌غِجِ تَيَطُ دَ سَوْرِ، تَسَامِ طَوْكَكَ كَمَرْ يَدَّ تَسَامُ عَثِكِنْكُ؞

2كُكُمَيِ أَدُّعَ دُواْمِنْ عَثٜىٰثٜىٰمُ دَغَ مُوغَيٜىٰنْ مُتَنٜىٰ مَاسُ عَيْكَتَ مُغُنْتَا، غَمَا بَدُكَ سُكَ بَادَ غَسْكِيَابَ؞

3عَمَّا عُبَنْ‌غِجِ مَيْ أَمِنْثِ نٜىٰ، ذَيْ ڧَرْڢَڢَاكُ، يَڟَرٜىٰكُ دَغَ مُوغُنَّنْ، وَتُواْ، شَيْطَنْ؞

4مُنْ أَمِنْثٜىٰ دَ عُبَنْ‌غِجِ غَمٜىٰدَكُو ثٜىٰوَ كُنَ بِنْ عُمَرْنِنْ دَ مُكَيِ مُكُ، ذَاكُ كُمَ ثِيغَبَ دَبِے؞

5عُبَنْ‌غِجِ يَبِے دَ ذُوثِيَارْكُ ثِكِنْ ڧَوْنَرْ نَنْ تَ اللَّهْ دَ كُمَ جِمْرٜىٰوَ تَ أَلْمَسِيحُ ؞

6تُواْ، یَنْعُوَ، مُنَ بَاكُ عُمَرْنِ ثِكِنْ سُونَنْ عُبَنْ‌غِجِنْمُ عِيسَىٰ أَلْمَسِيحُ ، كُجَنْيٜىٰ دَغَ دُكْ طَنْعُوَنْ دَيَكٜىٰ رَايُوَرْ ڧِوِيَ، وَنْدَ بَايَ بِنْ كُواْيَرْوَرْ دَ كُكَ سَامُ أَوُرِنْمُ؞

7أَيْ، كُو مَا كُنْ سَنْ يَا كَمَاتَ كُيِ كُواْيِ دَمُو، غَمَا لُواْكَثِنْ دَمُكٜىٰ تَرٜىٰدَكُو، بَمُ نُونَ مُكُ حَلِنْ ڧِوِيَ بَ،

8بَمُ كُوَ ثِ عَبِنْثِ ݣَوْتَا أَ حَنُّنْ كُواْوَبَ؞ سَيْ دَيْ مُنْ شَا ڢَامَ دَ وَهَلَ، مُنَ عَيْكِ دَرٜىٰ دَ رَانَ، دُواْمِنْ كَدَ مُسَاوَ كُواْ طَيَنْكُ نَوْيِ؞

9بَا وَيْ دُوانْ بَا حَكِّنْمُ بَنٜىٰ، أَعَ، سَيْدَيْ دُوانْ مُذَمَ غُرْبِے أَغَرٜىٰكُ كَوَيْ، دُواْمِنْ كُيِ كُواْيِ دَمُو؞

10أَيْ، كُواْ دَا دَمُكٜىٰ تَرٜىٰدَكُو، مُنْ بَاكُ عُمَرْنِ ثٜىٰوَ دُكْ وَنْدَ يَڧِيِنْ عَيْكِ، كَدَ عَبَاشِ عَبِنْثِ؞

11غَمَا مُنْ جِلَابَرِ ثٜىٰوَ وَطَنْسُنْكُ مَاسُ ڧِوِيَنٜىٰ، بَاسَ عَيْكِنْ كُواْمٜىٰ، سَيْ شِغٜىٰ شِغٜىٰ ثِكِنْ أَلْعَمُرَنْ وَطَنْسُ كَوَيْ؞

12تُواْ، إِرِنْ وَطَنَّنْ مُتَنٜىٰنْ مُنَبَاسُ عُمَرْنِ، مُنَ كُمَيِ مُسُ غَرْغَطِے ثِكِنْ سُونَنْ عُبَنْ‌غِجِ عِيسَىٰ أَلْمَسِيحُ ، سُيِتَيِنْ عَيْكِ دَ نَڟُوَ، سُنَ ثِيَرْدَ كَنْسُ؞

13عَمَّا كُو یَنْعُوَ، كَدَ كُغَجِ دَ يِنْ أَبِنْدَ يَكٜىٰ نَغَرِ؞

14عِدَنْ وَنِ يَڧِ بِيَيَّ دَ أَبِنْدَ مُكَ ڢَطَا عَثِكِنْ وَسِيڧَرْ نَنْ، سَيْ كُلُورَ دَشِ، كُغُجٜىٰ مَسَ دُواْمِنْ يَجِ كُنْيَا؞

15عَمَّا كَدَ كُطَوْكٜىٰشِ كَمَرْ أَبُواْكِنْ غَابَا، سَيْدَيْ كُغَرْغَطٜىٰشِ كَمَرْ طَنْعُوَ؞

16تُواْ، عُبَنْ‌غِجِ مَيْ سَلَمَ، شِيدَ كَنْسَ يَبَاكُ سَلَمَ عَكُواْوَنٜىٰ لُواْكَثِ، عَكُواْوَنٜىٰ حَلِ؞ عُبَنْ‌غِجِ يَكَسَنْثٜىٰ تَرٜىٰدَكُو دُكَ؞

17نِے بُلُسْ، نَكٜىٰ رُبُوتَ وَنَّنْ غَيْسُوَا دَ هَنُّونَ؞ وَنَّنْ ثٜىٰ شَيْدَ عَكُواْوَثٜىٰ وَسِيڧَاتَ، حَكَ نَكٜىٰ رُبُوتُو؞

18أَلْحٜىٰرِنْ عُبَنْ‌غِجِنْمُ عِيسَىٰ أَلْمَسِيحُ يَكَسَنْثٜىٰ تَرٜىٰدَكُو دُكَ؞ أَمِينْ؞

← Chapter 2 Jump to: