Jude 1

Hausa Arabic 2020 (أَتَّوْرَتْ دَ أَنَّبَاوَا)

Jump to:

1دَغَ يَهُودَ بَاوَنْ عِيسَىٰ أَلْمَسِيحُ ، طَنْعُوَنْ يَعْڧُوبَ، ذُوَا غَرٜىٰكُ، كُو وَطَنْدَ اللَّهْ يَكِرَا، وَطَنْدَ اللَّهْ عُبَا يَكٜىٰ ڧَوْنَ، عِيسَىٰ أَلْمَسِيحُ كُمَ يَكٜىٰ كِيَايٜىٰوَا؞

2بَرِ جِنْڧَيْ دَ سَلَمَ دَ ڧَوْنَ سُذَمَ نَاكُ عَيَلْوَثٜىٰ؞

3يَا كُو وَطَنْدَ نَكٜىٰ ڧَوْنَ، دَا مَا نَيِ مَرْمَرِنْ رُبُوتَ مُكُ غَمٜىٰدَ ثٜىٰتُواْنَّنْ نَامُ دُكَ؞ عَمَّا دَغَ بَايَ نَغَ يَذَمَ دُواْلٜىٰنٜىٰ إِنْرُبُوتَ مُكُ إِنْ غَرْغَطٜىٰكُ كُدَاغٜىٰ سُواْسَيْ كُكِيَايٜىٰ بَنْ‌غَسْكِيَرْمُ وَدَّ اللَّهْ يَدَنْڧَوَ ڟَرْكَكَنْسَ، سَوْ طَيَ تَكْ، بَا ڧَارِ؞

4نَڢَطِ وَنَّنْ نٜىٰ سَبُواْدَ وَطَنْسُ مُتَنٜىٰنْ دَ سُكَ شِغَ ثِكِنْكُ عَٻُواْيٜىٰ، وَطَنْدَ تُنْدَا عَكَ ڧَدَّرَسُ غَ حُكُنْثِ؞ بَاسُدَ حَلِ إِرِنْ نَ اللَّهْ ، سُنَ كُمَ مَيْدَ أَلْحٜىٰرِنْ اللَّهْ يَا ذَمَ حَنْيَرْ نٜىٰمَنْ جِنْ دَاطِے نَرَشِنْ كُنْيَا؞ سُنَيِنْ مُسُونْ عِيسَىٰ أَلْمَسِيحُ وَنْدَ شِينٜىٰ كَطَيْ شُوغَبَنْمُ دَ كُمَ عُبَنْ‌غِجِنْمُ ؞

5كُواْدَيَكٜىٰ كُنْ رِغَا كُنْ سَنِ، إِنَ سُواْ إِنْتُنَ مُكُ يَدَّ عُبَنْ‌غِجِ يَثٜىٰثِ مُتَنٜىٰنْسَ دَغَ ڧَسَرْ مَصَرْ، عَمَّا دُكْدَهَكَ دَغَ بَايَ يَا هَلَّكَ وَطَنْدَ بَسُ بَادَ غَسْكِيَابَ؞

6كُتُنَ كُمَ دَ مَلاَىِٕكُنْدَ بَسُ كِيَايٜىٰ مَڟَيِنْسُ نَ إِيكُواْ بَ، عَمَّا سُكَ بَرْ عَيْنِحِنْ وُرِنْ ذَمَنْسُ؞ وَطَنَّنْ ڢَا عُبَنْ‌غِجِ يَا ڟَرٜىٰسُ أَدُهُ، أَطَوْرٜىٰ دَ سَرْڧَ تَهَرْ أَبَدَا سُجِرَا شَرِيعَ تَبَبَّرْ رَانَرْ نَنْ؞

7كَدَ كُمَنْتَادَ يَدَّ سُواْدُوامْ دَ غُواْمُواْرَ دَ غَرُضُوً دَسُكٜىٰ كٜىٰوَيٜىٰ دَسُو، سُو مَا سُنْ بَادَ كَنْسُ غَ رَايُوَرْ لَلَتَ دَ مُومُّنَرْ شَعَوَرْ جِكِے كَمَرْ وَدَّ بَتَيِ دَيْدَيْ دَحَلِتَّرْ اللَّهْ بَ؞ غَرُرُوَنَّنْ سُنْ ذَمَ مِصَالِنْ مَاسُ شَنْ حُكُنْثِ أَوُتَا تَهَرْ أَبَدَا؞

8حَكَ يَكٜىٰدَ مَاسُ دُواْغَضَ عَكَنْ مَڢَرْكَيْ، سُكَنْ ڧَظَنْتَرْدَ جِكِنْسُ، سُكَنْڧِ مِيڧَ كَنْسُ غَ مَاسُ إِيكُواْ، سُكُمَيِ وَحَلِتُّو مَاسُ دَرَجَ أَ سَمَ بَڧَرْ مَغَنَ؞

9كُواْ مِيكَآءِيلُ، شُوغَبَنْ مَلاَىِٕكُ مَا بَيْيِ إِرِنْ وَنَّنْ بَ؞ أَسَعَدَّ يَكٜىٰ جَيَيَّ دَ شَيْطَنْ، سُنَ غَرْدَمَ عَكَنْ غَاوَرْ مُوسَٰى، شِ مِيكَآءِيلُ بَيْيِ ڧَرْڢِنْ حَلِ يَيَنْكٜىٰ مَسَ حُكُنْثِ دَ بَڧَرْ مَغَنَبَ؞ يَا ثٜىٰ كَوَيْ، « عُبَنْ‌غِجِ يَڟَاوَتَا مَكَ!»

10عَمَّا وَطَنَّنْ مُتَنٜىٰ سُنَ ذَاغِ دَ بَڧَرْ مَغَنَ عَكَنْ دُكَنْ أَبِنْدَ بَسُغَانٜىٰبَ، كُمَ وَطَنَّنْ أَبُبُوَنْ دَ سُكَ سَنِ بِسَغَ جِكِے، كَمَرْ دَبُّواْبِے مَرَسَ حَنْكَلِ، إِرِنْ وَطَنَّنْ أَبُبُوَ نٜىٰ ذَاسُ كَيْسُ غَ هَلَّكَ؞

11كَيْتُوانْسُ! سُنْبِے حَنْيَرْ كَيِنُ؞ دُواْمِنْ نٜىٰمَنْ رِيبَ سُنْڢَاطَ ثِكِنْ كُسْكُرٜىٰ إِرِنَّ بَلَعَمْ، سُنْ كُمَ هَلَّكَ تَوُرِنْ تَاوَيٜىٰ إِرِنَّ ڧَارُونَ؞

12وَطَنَّنْ مُتَنٜىٰ كُوَ ذَمَنْسُ عَثِكِنْ تَارُوانْكُ نَڧَوْنَ أَبِنْ عَيْبِے نٜىٰ، سَعَدَّ سُكٜىٰثِ سُكٜىٰ كُمَ شَا تَرٜىٰدَكُو بَا كُنْيَا بَا ڟُواْرُواْ؞ سُو مَكِيَايَنٜىٰ وَطَنْدَ سُكٜىٰ ثِيَرْدَ كَنْسُ كَوَيْ؞ سُنَنَنْ كَمَرْ هَدَرِنْ دَ إِسْكَ تَكَنْ كُواْرَ، عَمَّا بَابُ ضُوَ عَثِكِ؞ سُنَ كَمَرْ عِتَتُوَ مَرَسَ یَیَ دَ رَانِ، كُواْ كَمَرْ عِتَتُوَنْ دَ عَكَ تُمْٻُكٜىٰ، كُمَ سُنْ مُتُ غَبَاطَيَ؞

13سُو كَمَرْ رَاڧُمَنْ ضُوً تٜىٰكُنٜىٰ مَاسُ تَاشِ سَمَ ثِكِنْ هَوْكَ، سُنَ تَاڧَمَ دَ أَبُبُوَنْ كُنْيَا وَطَنْدَ كُمْڢَ سُكٜىٰ كَوَيْ؞ سُو كَمَرْ تَوْرَرِنٜىٰ مَاسُ يَٰوُاْ بَرْكَتَيْ، وَطَنْدَ عَكَيِ مُسُ تَنَدِنْ بَڧِنْ دُهُ نَهَرْ أَبَدَا؞

14إِدْرِيسْ مَا، وَنْدَ يَكٜىٰ نَڟَارَ تَبَݣَويْ دَغَ ءَادَمُ، شِے مَا يَيِ أَنَّبْثِ عَكَنْ وَطَنَّنْ مُتَنٜىٰ ثٜىٰوَ «دُوبَ دَيْ، عُبَنْ‌غِجِ يَنَ ذُوَا دَ دُبَّنْ مَلاَىِٕكُنْسَ مَاسُ ڟَرْكِے،

15دُواْمِنْ يَعَيْكَتَ حُكُنْثِنْسَ عَكَنْ كُواْوَ؞ ذَيْ نُونَاوَ مَرَسَ حَلِ إِرِنَّ اللَّهْ دُكَنْ عَيْكِنْسُ نَرَشِنْ حَلِنْ اللَّهْ ؞ ذَيْ تُواْنٜىٰ دُكَنْ مُوغَيٜىٰنْ مَغَنْ‌غَنُنْ دَ مَاسُ ذُنُوبِ مَرَسَ حَلِ إِرِنَّ اللَّهْ سُكَ ڢَطَا غَمٜىٰدَشِ؞»

16وَطَنَّنْ مُتَنٜىٰ دَيْ مَاسُ غُنَغُنِ نٜىٰ، مَاسُ غَنِنْ لَيْڢِنْ وَطَنْسُ، مَاسُبِنْ مُوغُوَرْ شَعَوَرْسُ، مَاسُثِكٜىٰ دَ يَبُوانْ كَنْسُ، مَاسُ ذَاڧِنْ بَاكِ دُواْمِنْ سَامُنْ رِيبَ تَكَنْسُ؞

17عَمَّا يَا كُو وَطَنْدَ نَكٜىٰ ڧَوْنَ، كُتُنَ دَ أَبِنْدَ مَنْذَنِّےنْ عُبَنْ‌غِجِنْمُ عِيسَىٰ أَلْمَسِيحُ سُكَ ڢَطَا أَدَا ثٜىٰوَ ذَيْ ڢَرُ؞

18سُنْ ڢَطَا مُكُ ثٜىٰوَ «أَ زَامَانِنْ ڧَرْشٜىٰ ذَاعَيِ وَطَنْسُ مُتَنٜىٰ مَاسُ بَعَ، وَطَنْدَ ذَاسُبِے إِرِنْ تَاسُ شَعَوَ وَدَّ بَ تَحَلِ إِرِنَ اللَّهْ بَ؞

19سُونٜىٰ مُتَنٜىٰ وَطَنْدَ سُكَنْ كَٰوُاْ رَبُوَ، مَاسُبِنْ شَعَوَرْ جِكِے، سَبُواْدَ بَاسُ دَ رُوحٌ اللَّهْ ؞»

20عَمَّا يَا كُو وَطَنْدَ نَكٜىٰ ڧَوْنَ، كُيِ تَغِنَ كَنْكُ عَكَنْ بَنْ‌غَسْكِيَرْكُ نَنْ مَڢِے ڟَرْكِے؞ كُكُمَيِ أَدُّعَ تَوُرِنْ إِيكُوانْ رُوحُ مَيْ ڟَرْكِے ؞

21كُكِيَايٜىٰ كَنْكُ ثِكِنْ ڧَوْنَرْ اللَّهْ ، كُنَ جِضَانْ عُبَنْ‌غِجِنْمُ عِيسَىٰ أَلْمَسِيحُ وَنْدَ ثِكِنْ جِنْڧَنْسَ ذَيْ كَيْكُ غَ رَيْ نَهَرْ أَبَدَا؞

22كُدِنْ‌غَ نُونَ جِنْڧَيْ غَ وَطَنْدَ سُكٜىٰيِنْ شَكَّ؞

23كُثٜىٰثٜىٰ وَطَنْسُ كَمَرْ كُنَ ڢِظْغٜىٰسُ دَغَ ثِكِنْ وُتَا؞ وَطَنْسُ كُوَ كُنُونَ مُسُ جِنْڧَيْ، عَمَّا تَرٜىٰدَ ڟُواْرُواْ، حَرْ مَا كُنَ ڨَمَرْ تُڢَاڢِنْ دَ حَلِنْ مُتُنْتَكَرْسُ يَا ڧَظَنْتَرْ؞

24تُواْ، يَبُواْ يَا تَبَّتَا غَ وَنْدَ يَكٜىٰدَ إِيكُواْ يَڟَرٜىٰكُ دَغَ ڢَاطُوَ، يَكُمَ مِيڧَكُ مَرَسَ تَبُواْ أَغَبَنْ طَوْكَكَرْسَ دَ ڢَضٍ ثِكِ سُواْسَيْ؞

25غَرٜىٰشِ كُمَ، وَنْدَ شِ كَطَيْ يَكٜىٰ اللَّهْ مَيْ ثٜىٰتُوانْمُ، تَوُرِنْ عِيسَىٰ أَلْمَسِيحُ عُبَنْ‌غِجِنْمُ ، طَوْكَكَ دَ دَرَجَ دَ مُلْكِ دَ إِيكُواْ سُتَبَّتَا تُنْدَغَ ڢَرْكُوانْ ذَامَانَيْ دَ يَنْذُ دَ كُمَ حَرْ أَبَدَا! أَمِينْ؞

Jump to: