Obadiah 1

Hausa Arabic 2020 (أَتَّوْرَتْ دَ أَنَّبَاوَا)

Jump to:

1غَا سَڧُوانْ عُبَنْ‌غِجِ يَهْوٜىٰهْ وَنْدَ أَنَّبِے عُواْبَدِيَ يَغَنِ عَثِكِنْ رُعُيَ غَمٜىٰدَ ڧَسَرْ عٜىٰدُوامْ؞ أَنْ عَيْكَ دَ طَنْ سَڧُواْ غَ أَلْعُمَّيْ، مُنْ كُمَجِ سَڧُوانْ دَغَ يَهْوٜىٰهْ ثٜىٰوَ «تَاشِ! مُهَوْرَ مُيَاڧِ عٜىٰدُوامْ!»

2إِنْجِ يَهْوٜىٰهْ ، «غَاشِ، ذَنْ مَيْدَكِ ڧَنْڧَنُوَ عَثِكِنْ سَوْرَنْ أَلْعُمَّيْ، ذَاعَ رٜىٰنَكِ بَكَطَنْبَ؞

3غِرْمَنْ كَنْكِ يَرُوطٜىٰكِ، يَا كٜىٰ عٜىٰدُوامْ، مَيْ ذَمَ أَ مَڢَكَا أَدُوڟٜىٰ، مَيْ ذَمَ عَكَنْ مَنْيَنْ تُدَّيْ؞ أَ ذُوثِيَا كِنَ ثٜىٰوَ ‹وَظَيْ عِيَ سَوْكَرْ دَنِے ڧَسَا؟›

4كُواْ دَ كِنْ تَاشِ سَمَ كَمَرْ غَغَّڢَ، كُواْ دَ كِنْ يِ غِدَاجٜىٰنْكِ ثِكِنْ تَوْرَرِنٜىٰ، دَغَ ثَنْ ذَنْجَاكِ ڧَسَا؞ نِے يَهْوٜىٰهْ نَا ڢَطَا!

5«عِدَنْ ٻَرَيِ سُنْ شِغَ غِدَنْكِ، عِدَنْ یَنْ ڢَشِ سُنْذُواْ دَ دَرٜىٰ، أَيْ، ذَاسُ طَوْكِ كَوَيْ أَبِنْدَ سُكٜىٰسُواْ نٜىٰ؞ عِدَنْ مَاسُ غِرْبِنْ یَیَنْ إِنَبِے سُنْيِ غِرْبِے، أَيْ، ذَاسُبَرْ وَطَنْسُ دُواْمِنْ مَتَلَوْتَ؞ عَمَّا كٜىٰ عٜىٰدُوامْ، تَاكِ تَا ڧَارٜىٰ!

6عَمَّا كُو مُتَنٜىٰنْ عٜىٰدُوامْ، ذُرِيَرْ إِسُوَ، أَنْهَلَكَاكِ، دُكَنْ أَرْزِڧِنْكُ أَنْݣُوشٜىٰ!

7دُكَنْ أَلْعُمَّنْ دَ كُكَيِ حَطِنْ ڠُوِوَ، ذَاسُ جُويَا مِكِ بَايَ؞ ذَاسُ كُواْرٜىٰكِ حَرْ كَنْ إِيَاكَرْ ڧَسَرْكِے؞ أَبُواْكَنْكِ دَ كِكَڢِے يَرْدَ دَسُو، سُنْ رُوطٜىٰكِ سُنْثِنْيٜىٰكِ دَ يَاڧِ، وَطَنْدَ سُكَثِ عَبِنْثِ دَكٜىٰ، سُنْ كَڢَ مِكِ تَرْكُواْ سُنَ ثٜىٰوَ ‹إِنَ دُكَنْ وَيُواْنَّنْ نَاتَ؟› »

8إِنْجِ يَهْوٜىٰهْ ، «أَ رَانَرْ نَنْ دَ ذَنْ هَلَّكَ عٜىٰدُوامْ، ذَنْ هَلَّكَ مَاسُ حِكِمَرْتَ؞ ذَنْ كَوَرْدَ مَاسُ ڢَهِمْتَ دَغَ تُدَّنْ ڧَسَرْ إِسُوَ؞

9يَا بِرْنِنْ تٜىٰمَنْ، مَاسُ عِيَ يَاڧِنْكِ ذَاسُڟُواْرَتَ، حَرْ كُواْوَ عَتُدَّنْ ڧَسَرْ إِسُوَ، ذَاعَ كَشٜىٰشِ؞»

10«سَبُواْدَ حَلِنْ مُغُنْتَارْ دَ كِكَ نُونَ وَ یَنْعُوَنْكِ مُتَنٜىٰنْ إِسْرَٰٓءِيلَ، كُنْيَا ذَاتَ رُڢٜىٰكِ، ذَاعَ كُمَ كَوَرْدَكٜىٰ حَرْ أَبَدَا؞

11أَ رَانَرْ نَنْ كِنْجَا بَايَ دَغَ یَنْعُوَنْكِ، دَ بَاڧِ سُكَ شِغَ ڧُواْڢُواْڢِنْسُ؞ كٜىٰ عٜىٰدُوامْ، كِنْ ذَمَ كَمَرْ طَيَ دَغَ ثِكِنْ أَبُواْكَنْ غَابَا سَعَدَّ سُكَ ݣُوشِ أَرْزِڧِنْ عُرُوشَلِيمَ سُكَ كُمَ جٜىٰڢَ ڧُرِعَ عَكَنْسُ!

12«بَدَيْدَيْ بَنٜىٰ، كِكَ ڟَيَ كِنَيِ وَیَنْعُوَنْكِ كَلُّوانْ رٜىٰنِ، أَ رَانَرْ دَ عَكٜىٰ كَيْسُ بَوْتَا أَوَتَ ڧَسَا؞ بَدَيْدَيْ بَنٜىٰ، كِكَيِ ڢَضٍ ثِكِ عَكَنْ وَهَلَرْ مُتَنٜىٰنْ يَهُودَ، أَ رَانَرْ دَ عَكَ هَلَكَاسُ؞ بَدَيْدَيْ بَنٜىٰ، كِكَيِ مَغَنَرْ دَارِيَا أَ رَانَرْ وَهَلَرْسُ؞

13بَ دَيْدَيْ بَنٜىٰ، كِكَ شِغَ بِرْنِنْ مُتَنٜىٰنَ إِسْرَٰٓءِيلَ، كِكَ ݣُوشِ كَايَ أَ لُواْكَثِنْ مَسِيڢَرْسُ؞ لَلَّيْ بَدَيْدَيْ بَنٜىٰ، كِكَيِ مُرْنَ أَ رَانَرْ مَسِيڢَرْسُ؞ بَدَيْدَيْ بَنٜىٰ، كِكَ ݣُوشِ كَايَنْسُ أَ رَانَرْ وَهَلَرْسُ؞

14بَدَيْدَيْ بَنٜىٰ، كِكَ ڟَيَ أَ عِنْدَ هَنْيُواْيِ سُنْ حَطُ كِنَ كَكَّشٜىٰ مَاسُ ڧُواْڧَرِنْ غُدُ؞ بَدَيْدَيْ بَنٜىٰ، كِكَ بَادَ وَطَنْدَ سُكَ غُدُ أَ حَنُّنْ أَبُواْكَنْ غَابَنْسُ، أَ رَانَرْ دَ مَسِيڢَ تَسَامٜىٰسُ؞»

15«رَانَرْ دَنِے يَهْوٜىٰهْ ذَنْ شَرْعَنْتَ دُكَنْ أَلْعُمَّيْ تَيِكُسَ؞ يَدَّ كِكَيِ وَ إِسْرَٰٓءِيلَ، حَكَ ذَاعَيِ مِكِ، دُكَنْ مُغُنْتَارْكِ ذَاتَكُواْمَ عَكَنْكِ؞

16كَمَرْ يَدَّ مُتَنٜىٰنَ سُكَشَا عَݣُوڢْ نَحُكُنْثِ مَيْ طَاثِ عَكَنْ تُدُنَ مَيْ ڟَرْكِے، حَكَ سَوْرَنْ أَلْعُمَّيْ ذَاسُ شَا وَهَلَ، ذَاسُيِ تَشَا حَرْ سُٻَثٜىٰ دَغَ دُونِيَا؞»

17«عَمَّا عَتُدُنْ سِهِيُواْنَ، ضَغُواْوَرْ مُتَنٜىٰ ذَاسُ ڟِيرَا، ذَيْ كُمَ ذَمَ وُرِے مَيْ ڟَرْكِے؞ ذُرِيَرْ يَعْڧُوبَ ذَاسُ سَاكٜىٰ مَلَّكِ أَبِنْ غَادُوانْسُ؞

18ذُرِيَرْ يَعْڧُوبَ ذَاتَ ذَمَ كَمَرْ وُتَا، غِدَنْ يُوسُڢَ كَمَرْ هَرْشٜىٰنْ وُتَا؞ عَمَّا عٜىٰدُوامْ ذَاتَ ذَمَ بُوسَشِّيَرْ ثِيَوَ، إِسْرَٰٓءِيلَ ذَاتَ ڧُواْنٜىٰسُ تَثِنْيٜىٰسُ؞ بَابُ مُتُمِنْ دَ ذَيْ ضَغٜىٰ دَغَ غِدَنْ إِسُوَ؞ نِے يَهْوٜىٰهْ نَا ڢَطَا؞»

19«مُتَنٜىٰنْ نٜىٰغٜىٰبْ عَكُدُ ذَاسُ مَلَّكِ تُدَّنْ إِسُوَ؞ وَطَنْدَ سُكٜىٰ عَڧأَنَانً تُدَّنْ يَهُودَ، ذَاسُ مَلَّكِ ڢِيلَيٜىٰنْ ڢِلِسْتِيَاوَا، سُكُمَ مَلَّكِ ڧَسَرْ إِڢْرَيِمْ دَ سَمَرِيَ؞ ذُرِيَرْ بِلِيَامِنُ كُمَ ذَاسُ مَلَّكِ يَنْكِنْ غِلٜىٰيَدْ؞

20طُمْبُنْ مُتَنٜىٰنْ إِسْرَٰٓءِيلَ وَطَنْدَ عَكَ كَيْ بَوْتَا، ذَاسُ دَاوُاْ سُمَلَّكِ ڧَسَرْ كَنْعَنِيَاوَا حَرْ ذُوَا يَنْكِنْ ظَرٜىٰڢَتْ؞ مُتَنٜىٰنْ عُرُوشَلِيمَ وَطَنْدَ عَكَ كَيْ بَوْتَا أَ سٜىٰڢَرَدْ ذَاسُ دَاوُاْ سُمَلَّكِ غَرُضُوً نٜىٰغٜىٰبْ عَكُدُ؞

21وَطَنْدَ سُكَثِ نَصَرَا ذَاسُ هَوْرَ تُدُنْ سِهِيُواْنَ أَ عُرُوشَلِيمَ سُمَلَّكِ تُدَّنْ إِسُوَ، يَهْوٜىٰهْ دَ كَنْسَ نٜىٰ ذَيْ ذَمَ مَيْ مُلْكٍ!»

Jump to: