Philemon 1

Hausa Arabic 2020 (أَتَّوْرَتْ دَ أَنَّبَاوَا)

Jump to:

1دَغَ بُلُسْ، نِے دَ نَكٜىٰ عَكُرْكُكُ سَبُواْدَ أَلْمَسِيحُ دَ كُمَ طَنْعُوَنْمُ تِمُواْتِ، ذُوَاغَ ڢِلِمُوانْ أَبُواْكِنْ عَيْكِنْمُ وَنْدَ مُكٜىٰ ڧَوْنَ،

2دَ كُمَ غَ أَڢِيَ یَرْعُوَرْمُ دَ أَرْكِبُسْ طَنْعُوَنْمُ ثِكِنْ ڢَامَ دَ كُمَ ذُوَاغَ جَمَعَرْ مَاسُبِنْ عِيسَىٰ وَطَنْدَ سُكٜىٰ تَارُوَ أَغِدَنْكَ؞

3أَلْحٜىٰرِ دَ سَلَمَ دَغَ اللَّهْ عُبَنْمُ دَ عُبَنْ‌غِجِ عِيسَىٰ أَلْمَسِيحُ سُكَسَنْثٜىٰ تَرٜىٰدَكُو؞

4نَكَنْ غُواْدٜىٰ وَ اللَّهْ نَا كُلُّمْ سَعَدَّ نَتُنَ دَكَيْ عَثِكِنْ أَدُّعَتَ؞

5غَمَا إِنَ جِنْ لَابَرِنْ بَنْ‌غَسْكِيَرْكَ ثِكِنْ عُبَنْ‌غِجِ عِيسَىٰ دَ كُمَ ڧَوْنَرْ دَ كَكٜىٰ نُونَ وَدُكَنْ ڟَرْكَكَا؞

6إِنَ أَدُّعَ ثٜىٰوَ ذَاكَ عَيْكَتَ أَلْحٜىٰرِ عَيَلْوَثٜىٰ، وَنْدَ يَڢِتُواْ دَغَ بَنْ‌غَسْكِيَرْكَ، وَنَّنْ مَا ذَيْ كَيْ غَ ظُرْڢِنْ غَانٜىٰوَ غَمٜىٰدَ دُكَنْ أَبُبُوَ مَاسُ ݣَوْ وَطَنْدَ سُكٜىٰ نَامُ ثِكِنْ أَلْمَسِيحُ ؞

7طَنْعُوَنَ، ڧَوْنَرْكَ تَا كَٰوُاْ مِنِ ڢَضٍ ثِكِ أَيْنُنْ دَ كُمَ ڧَرْڢَڢَاوَا سُواْسَيْ سَبُواْدَ ظُكَاتَنْ ڟَرْكَكَا سُنْ سَامِ ڧَرْڢَڢَاوَا تَوُرِنْكَ؞

8سَبُواْدَ يَدَّ كَكٜىٰ ڧَوْنَرْ مَاسُبِے، إِنَ عِيَيِنْ ڧَرْڢِنْ حَلِ ثِكِنْ أَلْمَسِيحُ إِنْ عُمَرْثٜىٰكَ كَيِ أَبِنْدَ يَكَمَاتَ؞

9عَمَّا سَبُواْدَ إِنَ ڧَوْنَرْكَ، نِے بُلُسْ نَڢِسُواْ إِنْضُواْڧٜىٰكَ، نِے دَ نَكٜىٰ ڟُواْهُواْ يَنْذُ كُمَ إِنَانَنْ عَثِكِنْ كُرْكُكُ سَبُواْدَ أَلْمَسِيحُ عِيسَىٰ ؞

10إِنَ ضُواْڧُوانْكَ أَمَدَدِنْ طَانَ عُواْنِسِمُسْ وَنْدَ نَذَمَ كَمَرْ بَابَ أَغَرٜىٰشِ سَعَدَّ نَكٜىٰ عَكُرْكُكُ؞

11أَ دَا بَاشِ دَ أَمْڢَانِ أَغَرٜىٰكَ، عَمَّا يَنْذُ يَذَمَ مَيْ أَمْڢَانِ أَغَرٜىٰكَ دَ كُمَ أَغَرٜىٰنِ؞

12إِنَ عَيْكَرْسَ يَنْذُ يَكُواْمَ غَرٜىٰكَ، شِے وَنْدَ ذُوثِيَاتَ دُكَ تَكٜىٰ عَكَنْسَ؞

13يَايِنْ دَ نَكٜىٰ أَنَنْ كُرْكُكُ سَبُواْدَ لَابَرِ مَيْ دَاطِے، نَڢِسُواْ إِنْرِڧٜىٰشِ أَوُرِينَ دُواْمِنْ يَدِنْ‌غَيِ مِنِ حِدِمَ أَمَدَدِنْكَ؞

14عَمَّا دَيْ بَانَسُواْ إِنْيِ وَنِ أَبُ بَاتَرٜىٰدَ نَسَامِ يَرْدَرْكَبَ، دُواْمِنْ كَدَ أَلْحٜىٰرِنْكَ يَذَمَ كَمَرْ نَتِلَسْنٜىٰ، بَا نَيَرْدَرْ رَيْبَ؞

15وَتَڧِيلَ عُواْنِسِمُسْ يَا رَبُ دَكَيْ نَطَنْ لُواْكَثِ كَطَنْ نٜىٰ دُواْمِنْ كَسَاكٜىٰ كَرْٻَرْسَ غَ ذَمَ نَهَرْ أَبَدَا؞

16بَوَيْ كَكَرْٻٜىٰشِ أَمَڟَيِنْ بَاوَبَ، عَمَّا حَرْ ڢِيٜىٰدَ حَكَ، وَتُواْ كَكَرْٻٜىٰشِ أَمَڟَيِنْ طَنْعُوَنْ دَ عَكٜىٰ ڧَوْنَ؞ إِنَ ڧَوْنَرْسَ سُواْسَيْ بَلّٜىٰ مَا كَيْ، أَيْ، ذَاكَ ڧَوْنَثٜىٰشِ ڢِيٜىٰدَ حَكَ، أَمَڟَيِنْسَ نَبَاوَ دَ كُمَ نَوَنْدَ يَبَادَ غَسْكِيَ غَ عُبَنْ‌غِجِ!

17دُواْمِنْ حَكَ عِدَنْ نِے أَبُواْكِنْ عَيْكِنٜىٰ أَغَرٜىٰكَ، تُواْ، كَكَرْٻٜىٰشِ دَيْدَيْ يَدَّ ذَاكَ كَرْٻٜىٰنِ؞

18عِدَنْ مَا عُواْنِسِمُسْ يَيِ مَكَ لَيْڢِے، كُواْ يَنَ رِڧٜىٰ دَ بَاشِنْكَ، كَلِسَّڢْتَ دُكَ عَكَيْنَ؞

19نِے بُلُسْ نَكٜىٰ رُبُوتَ وَنَّنْ دَهَنُّونَ ثٜىٰوَ نِے ذَنْ بِيَاكَ؞ كَدَ مَا إِنْيِ ذَنْثٜىٰنْ سَابُوانْ رَنَنْدَ كَسَامُ تَوُرِينَ؞

20دُواْمِنْ حَكَ طَنْعُوَنَ، إِنَ ضُواْڧُوانْكَ كَيِ مِنِ وَنَّنْ أَلْحٜىٰرِ سَبُواْدَ عُبَنْ‌غِجِ ؞ كَڢَرَنْتَ مِنِ رَيْ ثِكِنْ أَلْمَسِيحُ!

21نَتَبَّتَا ذَاكَيِ بِيَيَّ؞ شِيَسَا نَارُبُوتَ وَنَّنْ دَ سَنِ ثٜىٰوَ ذَاكَ عَيْكَتَ ڢِيٜىٰدَ يَدَّ نَڢَطَا؞

22هَرْوَيَوْ، إِنَ سُواْ كَشِرْيَ مِنِ طَاكِنْ دَ ذَنْ سَوْكَ، غَمَا إِنَسَا رَيْ ثٜىٰوَ تَوُرِنْ أَدُّعُواْعِنْكُ اللَّهْ ذَيْ مَيَرْ دَنِے غَرٜىٰكُ؞

23أَبَڢَرَسْ وَنْدَ يَكٜىٰ ثِكِنْ كُرْكُكُ تَرٜىٰدَنِ سَبُواْدَ أَلْمَسِيحُ عِيسَىٰ يَنَ غَيْشٜىٰكَ؞

24مَرْكُسْ دَ أَرِسْتَرْكُسْ دَ دٜىٰمَسْ دَ كُمَ لُكَّ وَطَنْدَ سُو دُكْ أَبُواْكَنْ عَيْكِنَنٜىٰ، سُو مَا سُنَ غَيْشٜىٰكَ؞

25أَلْحٜىٰرِنْ عُبَنْ‌غِجِ عِيسَىٰ أَلْمَسِيحُ يَكَسَنْثٜىٰ تَرٜىٰدَ رُوحُنْكُ؞ أَمِينْ؞

Jump to: