Revelation 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1«رُبُوتَ وَمَلاَىِٕكَنْ جَمَعَرْ مَاسُبِے أَعَڢِسَ ثٜىٰوَ «غَا سَڧُواْ دَغَ وَنَّنْ وَنْدَ يَكٜىٰ رِڧٜىٰ دَ تَوْرَرِنَّنْ بَݣَويْ أَ حَنُّنْ دَامَنْسَ، وَنْدَ كُمَ يَكٜىٰ تَڢِيَ ثِكِنْ سَنْدُنَنْ ظِينَارِيَ غُدَا بَݣَويْ مَاسُ رِڧٜىٰ ڢِتِلُ؞

2«نَاسَنْ أَيُّكَنْكَ؞ نَاسَنْ ڢَامَرْدَ كَيِ ثِكِنْ عَيْكِنْبِے دَكُمَ حَڧُرِنْ جِمْرٜىٰوَرْكَ؞ نَاسَنِ بَذَاكَ عِيَيِنْ حَڧُرِ دَ مُوغَيٜىٰنْ مُتَنٜىٰبَ؞ كَا كُمَ ڠُودَ وَطَنْدَ سُكٜىٰثٜىٰ دَكَنْسُ مَنْذَنِّے، عَمَّا بَهَكَسُكٜىٰبَ، كُمَ سَيْ كَتَرَرْ ثٜىٰوَ سُو مَنْذَنِّےنْ ڧَضْيَا نٜىٰ؞

3نَاسَنِ كَنَ حَڧُرِ، كَنَ كُمَ جِمْرٜىٰوَ ثِكِنْ وَهَلَ سَبُواْدَ سُونَنَ، كُمَ بَكَ غَجِبَ؞

4عَمَّا غَا لَيْڢِنْكَ، كَابَرْ ڧَوْنَرْكَ تَڢَرْكُواْ؞

5تُنَ دَ مَڟَيِنْكَ أَدَا كَاڢِنْ كَڢَاطِ! كَتُوبَ دَغَ ذُنُوبِنْكَ كَكُواْمَ كَنْ أَيُّكَنْكَ نَڢَرْكُواْ؞ إِنْ بَكَ تُوبَبَ، ذَنْذُواْ وُرِنْكَ إِنْطَوْكٜىٰ سَنْدَا مَيْ رِڧٜىٰ ڢِتِلَرْكَ دَغَ وُرِنْ ذَمَنْسَ؞

6عَمَّا أَوَنِ غٜىٰڢٜىٰ كَمْ كَݣَوْتَا يَدَّ كَڧِ أَيُّكَنْ نِكُواْلَتَاوَا كَمَرْ يَدَّ نِے مَا نَكٜىٰڧِنْسُ؞

7«دُكْ مَيْ كُنّٜىٰنْجِ، بَرِ يَجِ أَبِنْدَ رُوحُ يَكٜىٰثٜىٰ وَدُكَنْ جَمَعَرْ مَاسُبِے! دُكَنْ وَنْدَ يَثِنَصَرَا، ذَنْبَاشِ دَامَرْ ثِنْ یَیَنْ إِتَاثٜىٰ مَيْ بَادَ رَيْ وَنْدَ يَكٜىٰ ثِكِنْ غُواْنَرْ اللَّهْ ؞»

8«رُبُوتَ وَمَلاَىِٕكَنْ جَمَعَرْ مَاسُبِے نَ سِمِرْنَ ثٜىٰوَ «غَا سَڧُواْ دَغَ وَنْدَ يَكٜىٰ ڢَرْكُواْ دَ كُمَ ڧَرْشٜىٰ، وَنْدَ يَمُتُ يَكُمَ سَاكٜىٰ رَايُوَا؞

9«نَسَنْ عَذَابَرْ دَ كَكٜىٰ ثِكِ؞ نَكُمَسَنْ تَلَوْثِنْكَ، عَمَّا كَنَدَ أَرْزِڧِ نَ رُوحُ ؞ نَسَنْ دَ مَغَنَرْ ٻَاتَ سُونَ تَوَطَنْدَ سُكٜىٰثٜىٰوَ سُو يَهُودَاوَا نٜىٰ عَمَّا كُوَ بَهَكَبَ، سُو ڧُنْ‌غِيَرْ شَيْطَنْ نٜىٰ؞

10كَدَ كَجِڟُواْرُوانْ وَهَلَرْ دَ ذَاكَشَا؞ غَاشِ، مُوغُنَّنْ ذَيْسَا أَجٜىٰڢَ وَطَنْسُنْكُ ثِكِنْ كُرْكُكُ دُواْمِنْ أَڠُودَكُ؞ ذَاكَشَا عَذَابَرْ نَنْ ݣُونَ غُواْمَ؞ عَمَّا كَيِ أَمِنْثِ ثِكِنْ بَنْ‌غَسْكِيَ كُواْ دَ ذَاعَ كَشٜىٰكَ، نِے كُوَ ذَنْبَاكَ رَيْ وَنْدَ شِينٜىٰ هُولَرْ لَادَ نَرَيْ؞

11«دُكْ مَيْ كُنّٜىٰنْجِ، بَرِ يَجِ أَبِنْدَ رُوحُ يَكٜىٰثٜىٰ وَجَمَعَرْ مَاسُبِے! دُكْ وَنْدَ يَثِ نَصَرَا، مُتُوَ تَبِيُ بَذَاتَ تَٻَشِيبَ كُواْ كَطَنْ؞»

12«رُبُوتَ وَمَلاَىِٕكَنْ جَمَعَرْ مَاسُبِے نَ بِرْغَمُمْ ثٜىٰوَ «غَا سَڧُواْ دَغَ وَنَّنْ وَنْدَ يَكٜىٰ رِڧٜىٰ دَ تَكُواْبِے مَيْ بَاكِ بِيُ مَيْثِ سُواْسَيْ؞

13«نَسَنِ ثٜىٰوَ كَنَ ذَمَ أَ عِنْدَ شَيْطَنْ يَكٜىٰ مُلْكِ؞ دُكْدَهَكَ كَرِڧٜىٰ سُونَنَ دَ ڧَرْڢِے، كُمَ بَكَ تَٻَ دَيْنَ غَسْكَتَاوَ دَنِے بَ؞ كَا دَاغٜىٰ ثِكِنْ بَنْ‌غَسْكِيَ عِنْدَ شَيْطَنْ يَكٜىٰ مُلْكِ كُواْدَيَكٜىٰ عَثِكِنْكُ أَنْكَشٜىٰ أَنْتِڢَسْ وَنْدَ يَشَيْدَا نِے دَ أَمِنْثِ؞

14عَمَّا غَا وَطَنْسُ لَيْڢُواْڢِنْدَ نَسَامٜىٰكَ دَسُو؞ أَݣَويْ وَطَنْسُ مُتَنٜىٰ عَثِكِنْكُ وَطَنْدَ سُكٜىٰبِنْ كُواْيَرْوَرْ بَلَعَمْ، وَنْدَ يَكُواْيَاوَ بَلَكْ يَا سَا إِسْرَٰٓءِيلَاوَا سُنْيِ لَيْڢِے، سُنْثِ عَبِنْثِنْ دَ عَكَيِ وَغُمَكَ هَدَايَ، سُنْ كُمَيِ لَلَتَ؞

15حَكَ مَا كَيْ كَكٜىٰ دَ مُتَنٜىٰ وَطَنْدَ سُكٜىٰبِنْ كُواْيَرْوَرْ نِكُواْلَتَاوَا؞

16سَيْ كَتُوبَ يَنْذُ! إِنْ بَهَكَبَ كُوَ، بَدَدَطٜىٰوَبَ ذَنْذُواْ مَكَ إِنْكُمَ يَاڧٜىٰكَ دَتَكُواْبِنْ دَيَكٜىٰ ڢِتُواْوَ دَغَ بَاكِنَ؞

17«دُكْ مَيْ كُنّٜىٰنْجِ، بَرِ يَجِ أَبِنْدَ رُوحُ يَكٜىٰثٜىٰ وَجَمَعَرْ مَاسُبِے؞ دُكْ وَنْدَ يَثِنَصَرَا، ذَنْبَاشِ دَغَ مَنَّ دَ عَكَ ٻُواْيٜىٰ؞ ذَنْ كُمَ بَاشِ ڢَضٍ دُوڟٜىٰ وَنْدَ عَكَ رُبُوتَ سَابُوانْ سُونَ عَكَنْسَ وَنْدَ بَابُوَنِ وَنْدَ يَسَنْ سُونَنْ، سَيْ وَنْدَ يَكَرْٻِ دُوڟٜىٰنْ؞»

18«رُبُوتَ وَمَلاَىِٕكَنْ جَمَعَرْ مَاسُبِے نَ تَيَتِرَ ثٜىٰوَ «غَا سَڧُواْ دَغَ طَنْ اللَّهْ ، مَيْ إِدَانُو كَمَرْ هَرْشٜىٰنْ وُتَا، وَنْدَ ڧَڢَاڢُنْسَ سُنَ ڨَلِّ كَمَرْ تَغُلَّرْ دَ عَكَغُواْغٜىٰ؞

19نَاسَنْ أَيُّكَنْكَ دَ ڧَوْنَرْكَ دَ أَمِنْثِنْكَ؞ نَاسَنْ حِدِمَرْكَ دَ جِمْرٜىٰوَرْكَ؞ نَاسَنِ ثٜىٰوَ أَيُّكَنْكَ نَيَنْظُ سُنْڢِے نَڢَرْكُوانْ؞

20عَمَّا غَا لَيْڢِنْدَ نَسَامٜىٰكَ دَشِ، كَنَ حَڧُرِ دَ مَثٜىٰنَّنْ يٜىٰظٜىٰبٜىٰلْ، وَدَّ تَكٜىٰثٜىٰ دَ كَنْتَ أَنَّبِيَ؞ تَوُرِنْ كُواْيَرْوَرْتَ تَنَ رُوطِنْ بَايِنَ حَرْ سُكَيِ لَلَتَ سُكَ كُمَثِ عَبِنْثِنْ دَ عَكَ مِيڧَا وَغُمَكَ هَدَايَ؞

21نَا بَاتَ ظَرَڢِ دُواْمِنْ تَتُوبَ دَغَ كَارُوَنْثِنْتَ عَمَّا تَڧِے؞

22غَاشِ، ذَنْسَا تَيِ مُوغُنْ ثِيوُاْ، إِنْكُمَسَا وَطَنْدَ سُكٜىٰ ظِنَ دَ عِتَ سُشَا عَذَابَ مَيْ ذَاڢِ، عِدَنْ بَسُ تُوبَ دَغَ مُوغَيٜىٰنْ أَيُّكَنْ دَسُكٜىٰيِ تَرٜىٰدَ عِتَبَ؞

23ذَنْ كَشٜىٰ وَطَنْدَ سُكٜىٰبِنْ كُواْيَرْوَرْتَ؞ دُكَنْ جَمَعَرْ مَاسُبِے كُوَ ذَاسُسَنِ ثٜىٰوَ نِنٜىٰ مَيْبِنْثِكٜىٰنْ تُنَانِ دَ ذُوثِيَارْ كُواْوَ، ذَنْ كُوَ سَاكَ وَكُواْوَ ڠُورْڠُودُوانْ أَيُّكَنْسَ؞

24«عَمَّا سَوْرَنْكُ أَ تَيَتِرَ بَكُبِے مُوغُوَرْ كُواْيَرْوَرْتَبَ؞ بَكُ كُواْيِ أَبِنْدَ مَاسُبِنْتَ سُكٜىٰثٜىٰ دَشِ، ‹أَسِيرَنْ شَيْطَنْ مَاسُ ظُرْڢِ› بَ؞ إِنَثٜىٰ مُكُ، بَذَنْ سَا مُكُ وَنِ نَوْيِبَ،

25سَيْدَيْ كُرِڧٜىٰ بَنْ‌غَسْكِيَرْكُ دَ ڧَرْڢِے، سَيْ نَا سَاكٜىٰ دَاوُاْوَ؞

26دُكَ وَنْدَ يَثِنَصَرَا، يَكُمَ ثِيغَبَدَ يِنَبِنْدَ نَكٜىٰسُواْ حَرْ ڧَرْشٜىٰ، ذَنْبَاشِ إِيكُواْ يَيِ مُلْكِ عَكَنْ أَلْعُمَّيْ؞

27ذَيْ يِمُلْكِ عَكَنْسُ دَ سَنْدَنْ ڧَرْڢٜىٰ، ذَيْ ڢَرْڢَشٜىٰسُ كَمَرْ تُݣُونٜىٰنْ لَاكَ؞

28«كَمَرْ يَدَّ نِے مَا نَكَرْٻِ إِيكُواْ دَغَ وُرِنْ عُبَانَ، ذَنْبَاشِ إِيكُوانْ؞ ذَنْ كُمَ بَاشِ تَوْرَرُوانْ سَڢٜىٰ؞

29«دُكْ مَيْ كُنّٜىٰنْجِ، بَرِ يَجِ أَبِنْدَ رُوحُ يَكٜىٰثٜىٰ وَجَمَعَرْ مَاسُبِے!»

← Chapter 1 Jump to: Chapter 3 →