Malachi 4

Hakcipta © 2011, The Bible Society of Malaysia

← Chapter 3 Jump to:

1Hari deka datai, angat baka api, lalu semua orang ke sumbung enggau semua orang ke ngereja penyai, deka nyadi baka bangkai rumput. Sida deka ditunu lebuh hari nya, ku TUHAN ti Pemadu Bekuasa bejaku, ngambika sida nadai agi urat tauka dan.

2Tang ke kita ke nangika nama Aku, kuasa penyelamat Aku deka angkat atas kita baka mata hari, lalu ngeraika kita. Kita deka engkejuk baka anak sapi ti pansut ari bansal.

3Lalu kita deka ngindik orang ke jai, laban sida deka nyadi baka amau di baruh kaki kita, ba hari Aku ngereja utai nya, ku TUHAN ti Pemadu Bekuasa bejaku.

4“Kingatka ajar nembiak Aku Moses, adat enggau pesan ti udah diberi Aku ngagai iya ba Bukit Sinai ke semua orang Israel.

5“Tang Aku deka ngirumka nabi Elijah ngagai kita sebedau Hari TUHAN ti besai sereta balat ngenakut datai.

6Iya deka ngasuh apai enggau anak seati, ngambika Aku enda datai lalu ngerusak menua kita ngena sumpah.”

← Chapter 3 Jump to: