Colossians 4

ibibio

← Chapter 3 Jump to:

1Mme eteufọk enọ nditọufọk ndufo se ifọn anyʌñ adod, sia ndufo emediọọñọ ke ndufo ñko emenie Eteufọk ke abio ubọọñ Abasi.

2Esịn idem ndufo ke akam, etịñ anyen, inyʌñ iba ke ekọọm.

3Ndin ebọñ akam ebaña ñnyịn ñko, ete Abasi akʌkkọ usʌñ anọ etop ñnyịn nọ ato do ñnyịn idiibʌk anwa-anwa ibaña mme ndedịbe ñkpọ Krais, a-adooho ntak ami nsịneke ñkpakọb.

4Ebọñ akam nọ ami ñkan nsuan eti etob anwa-anwa, naña akpena ami nnam.

5Enie ifiọk ebaña naña ndufo enam ñkpọ mme mbon a-mmiisịneke ke atu ndufo; itʌm idat afịd se enie inam ñkpọ.

6Eyak nneme ndufo afịd ini ayọhọ mme mfọn, asịneke inʌñ, nọ ato do ndufo ediọọñọ naña ekpebọọrọ mbiime afịd awo.

7Taikikọs ayaidọkkọ ndufo afịd mbʌk a-mbañake miin. Anye ado ata adima ayịnete, anam utom Abasi ke mbuọdidem ye awo nsaña ke Abọọñ.

8Ami ndọñ anye inọ ndufo ke ata akpan ntak nọ ndufo ediọọñọ naña ñkpọ aba mme ñnyịn ma ato do ñko anye idọñ ndufo esịd.

9Anye asʌk adi mme Onesimọs, awo mbuọdidem ye adima ayịnete ñnyịn, e-edoññoke keed ke atu ndufo. Ammọ eyaetañ enọ ndufo afịd-afịd ñkpọ se iba.

10Aristakus, awo ñkpakọb nte ami, adọñ ekọọm anọ ndufo, kpa naña Maak, ayịn ayịneka Banabas. (Ndufo emebọ ukpeebñkpọ ebaña anye; anye akpedi ibịne ndufo, edaara anye.)

11Yisọs, ekoodo Yọstus, ñko adọñ ekọọm. Mbon ami edoñño ukweeñe mme Yuu ke atu mbon e-enamma utom mme ami enọ abio ubọọñ Abasi, ndin ammọ ñko edoñño idọñesịd ennọ miin.

12Epafras, a-adooho keed ke atu ndufo mme ayịnufọk Krais Yisọs, adọñ ekọọm. Anye anwana afịd ini ke akam inọ ndufo, ate ndufo ekap esọọñọ eda ke afịd uduak Abasi, ekọt mfọn-mfọn, enyʌñ enie mbuọdidem ayọhọ-ayọhọ.

13Ami mmetie ubiọñ nnọ anye nte ke anye asʌk anam utom akpọsọñ-akpọsọñ inọ ndufo ye mbon e-ebaaha ke Daodisia mme Iedabodis.

14Adima ufan ñnyịn Duk, abiaibọk, mme Demas edọñ ekọọm.

15Enọ ekọọm mmi esọk mme nditọete ke Daodisia mme ke Nimfa mme ufọkabasi a-abaaha ke mme ufọk amọ.

16Emaekood deta ami ima inọ ndufo, ekịd ebo ke ekood ke ufọkabasi ke Daodisia ndin ndufo ñko enyʌñ ekood deta a-atooho Daodisia.

17Dọkkọ Akipus: “Kịt bo ke amekweeñe afịd utom a-akebọọghọ ke Abọọñ.”

18Ami, Bọọd, ñwed ekọọm ami ke ubọk mmi. Etoiyo ñkpakọb mmi. Mfọn aba mme ndufo.

← Chapter 3 Jump to: