bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Hebrews 13
Hebrews 13
ibibio
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
1
Ikaa iso edumakka keed aken nte nditọete.
2
Ikiitre adikama mme isenawo, sia ke adinam ntodo mme awo emaekama mme enyere isen ke una adidiọọñọ.
3
Itoiyo mbon e-ebaaha ke ufọk ñkpakọb nte akpedo ndufo ekeene ammọ edo mbon ñkpakọb, ye mbon e-ebọọhọ ndutʌkkọ nte a-ndufo ke idem ndufo ekpebaaha ke ukuud.
4
Akpena afịd awo ekpookpono ndọ, akpena enyʌñ enịm ñkpana ndọ asana, sia Abasi ayaakpe ikpe ye mme asịn efịbe ye mme asaña use.
5
Inịm uwem ndufo ikpọñ uma akʌk inyʌñ iyʌkkọ ke se ndufo enie sia Abasi amaabo, “Ami ndiikpọññọ ndufo; ndiiyʌññọ ifre ndufo ke nsi-nsi.”
6
Ke ntodo ñnyịn isọọñọ ida ibo: “Abọọñ ado andiñnwam miin; ndịk idiinamma miin. Nso-o ke awo akeme adinnam miin?”
7
Itoiyo mme adaiwuod ndufo, e-eketañña ikọ Abasi inọ ndufo. Ikere ibaña naña uwem ammọ aba inyʌñ idubọiyọ mbuọdidem ammọ.
8
Yisọs Krais ado ukem-ukem ñkpọñ, mfịn ye ke nsi-nsi.
9
Ikiiyak mme nsio-nsio isen ukpeebñkpọ enam ndufo edutịn usʌñ. Ado etiñkpọ esịd ñnyịn adisọọñọ nda ke mfọn, idooho ke mme ndidia usọrọ, e-mmiinieeghe udod inọ mbon e-ediaaha ammọ.
10
Ñnyịn inie itie uwa amme andinam utom ke tabanakịd idiinieeghe unen adidia ñkpọ ke esịd.
11
Akwa aku asiben iyiib mme unam adʌk ke esịd Nsana Mma Ata Adisana Itie nte uwa idiọọkñkpọ, ado efọọmọ mme idem ammọ ke esiin.
12
Ndin ke ukem usʌñ ado Yisọs akenyʌñ abọ ndutʌkkọ ke esiin inuaatob abio adinam mme awo esaana ato ke iyiib amọ.
13
Yak ñnyịn, ndin, ika ibịne anye ke esiin inuaatob abio; ibọ esuenne a-anye akebọọhọ.
14
Sia ke mmi ñnyịn inieeghe abio a-abaaha ke nsi-nsi, ado ñnyịn isʌk iyem abio a-adiidi.
15
Ato ke Yisọs, ndin, yak ñnyịn afịd ini inọ Abasi uwa itooro, mfịd ñkpọkinua e-ekoodo anyịñ amọ.
16
Ndin ikiifre adinam nti ñkpọ ñnyʌñ ñwuana se enie ye mbon mfen, sia utọ uwa ntodo asinem Abasi esịd.
17
Ikop item inọ mme adaiso ndufo inyʌñ isuuk iwuod inọ ukara ammọ. Ammọ ese ñkpọ ibaña ndufo nte mbon e-ediibọọrọ mbịme iwuod ndufo, ikop item inọ ammọ ma utom ammọ ado ñkpọ inemesịd, idooho mbiomo, sia ñkpọ ntodo idiibaaha ufọn inọ ndufo.
18
Ibọñ akam inọ ñnyịn. Ñnyịn imitʌm idiọọñọ ibo ke esịd ñnyịn anwaña, ñko iminie udọñ adidu uwem ukpono ke afịd usʌñ.
19
Ami mmikpeiye ndufo akpan-akpan mbo ebọñ akam nọ ekan emaana ensaana miin eyaak inọ ndufo usọp-usọp.
20
Yak Abasi emem, a-aketooho ke ntak iyiib nsi-nsi edioomo akemaana aben Yisọs Krais a-amaakekpa adi, akwa Andikpeme mme edọñ ado,
21
ibana ndufo idem ye afịd nti ñkpọ nọ ndufo enam uduak amọ, ñko yak anye anam ke idem ñnyịn ñkpọ a-anemme anye esịd, ato ke Yisọs Krais, a-anieeghe ubọọñ ke nsi-nsi, nsi-nsi. Amen.
22
Nditọete, mmikpeiye ndufo nte yak ekpañ utọñ ke mme ikọitem mmi, sia iwet ndufo ibio-ibio ñwed kpọd.
23
Ñyem ndufo ediọọñọ ke esio ayịnete ñnyịn Timoti ke ufọk ñkpakọb. Adieke anye asọppọ adisịm, ndiisaña ye anye ndikịt ndufo.
24
Kọọm afịd mme etubom ndufo ye mme afịd ikọd Abasi. Mbon e-etooho Itadi enọ ekọm isọk ndufo.
25
Mfọn Abasi aba ye afịd ndufo.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
All chapters:
1
2
3
4
5
6
7
8
9
10
11
12
13