bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Philemon 1
Philemon 1
ibibio
Jump to:
Chapter 1
1
Bọọd, awo ñkpakọb Krais Yisọs, mme Timoti ayịneka ñnyịn ewed enọ, Fidimọn, adima ufan ñnyịn ye andikeene nsaña utom,
2
Ye Afia, ayịneka ñnyịn awonwaan, ye Akikpọs, nsaña awo ekọñ ñnyịn, ye ufọkabasi e-esisooboke ke ufọk mfo:
3
Mfọn ye emem ato ke ubọk Abasi Ete, ye Abọọñ ñnyịn Yisọs Krais, ikeene ndufo.
4
Mmesikọọm Abasi ubaña fiin afịd ini mbọññọ akam.
5
Sia mmekop mbaña mbuọdidem a-afo a-anieeghe ke Abọọñ Yisọs, ye ima a-anieeghe anọ afịd ikọd amọ.
6
Mmebeeñe Abasi mbo unọ fiin ukeme edika iso ke utom ima ami, ye mfọnido; anyʌñ unọ fiin ifiọk ke utom Krais, nọ awo adiọọñọ ukeed nti ñkpọ se iba ke idem mfo ato Krais.
7
Ima mfo annọ mien ata idadesịd ye nsọọñọnda, sia afo, ayịnete, amedemme esịd ikọd Abasi.
8
Akpesʌk ado ami mmenie ayọhọ unen ke Krais adubo fiin anam mme ñkpọ se idot,
9
ado ke ntak ima, ami Bọọd, akaan adeen, awo ñkpakọb Krais Yisọs, mmekappa ukpeiye fiin;
10
Ami mmukpe fiin ubọk nte atʌm ase ayịn mmi Onesimọs, a-akannake ado ayịn mmi idaha ami nsịneke ke ñkpakọb.
11
Ke ini akeboiyoke ko anye ikibaaha ufọn unọ fiin, ado idaha ami anye a-afọn ye afo, anyʌñ afọn ye ami ñko.
12
Mmenọ anye atịmme ubịne fiin, nte adat anye nte akpedooho ataa esịd mmi.
13
Ñkpaakema anye aba mi ye ami ke ini nsʌkkọ ndọọñọ ñkpọnọ mi ke ukod ato ke ntak adikwọrọ Krais.
14
Ado, nkeñyemme adinam ntodo ke mmiitooho ke unyịmme mfo, mbaak mfọnido mfo aditie nte unyeenyịk.
15
Adikidiañña anye ukpọñ fiin ke etək-etək ini akeme ido akedo nọ anye amama atịmme adi adiba ye afo ke nsi-nsi,
16
idooho aba nte ayịnufọk, ado se ikpon ikan ado, nte adima ayịneka. Ami mmema anye eti-eti, ado anye ayaafọn ye afo akan, nte awo ye nte ayịneka ke Abọọñ.
17
Adieke afo ambatta miin nte awo nsaña utom mfo, nyịmme anye ukem-ukem naña añnyịmme miin.
18
Akpedo anye udue fiin ke usʌñ keed ake adodo anyʌñ ado ukama isʌñ, bat afịd nnọ miin.
19
Ami Bọọd ndat ubọk mmi ñwet nte ke mmenwọñọ edikpọñ unọ; kpa ye adooho afo ameñkama miin isʌñ akponno akan ado, kpa idem mfo.
20
Ke ntom, ayịneka mmi, nam ami nnie idadesịd uto fiin, nyʌñ nam ñkpọ inemesịd nnọ miin ke Krais.
21
Ñwet ñwed ami ye afịd idodanyen nte ke afo ayaanam se mbeeñe ami; ke amenyʌñ akeme adinam ñkan ado.
22
Ndin ñkpọ keed mfen; beeñe ubeed isen nịm nnọ; sia ato ke akam ndufo, mmenịm ke eyaeyak ami ñnyọñ ibịne ndufo.
23
Epafras awo ñkpakọb nte ami ke ntak Krais Yisọs, anọ ekọọm.
24
Ukem ado ye Maak, Aristakus, Demas, ye Duk, mme nsaña utom mmi.
25
Mfọn Abọọñ ñnyịn Yisọs Krais aba ye Sịbidịd ndufo.
Jump to:
Chapter 1
All chapters:
1