Philippians 4

ibibio

← Chapter 3 Jump to:

1Ke ntodo nditọete, ndufo a-ami mmaaha ñnyʌñ nnie udọñ nnọ, inemesịd mmi ye anyanya mmi, ado naña ndufo ekpesọọñọ eda ke Abọọñ, mme adima ufan mmi!

2Ami mmekpeiye Eyudia ubọk, mmenyʌñ ñkpe Siintaike ubọk mbo yak ammọ awo iba edukemme esịd ke abọọñ.

3Ih, ñko mmenyʌñ mbeeñe ndufo nte ekop item andikeene ñkọñọ akpọnọ, nyaaña mme ibaan e-ekedaaha mme ami ke adinam utom eti etob, ye Kremen ye afịd mbon ñko e-eñkeeneke enam utom, a-adooho anyịñ ammọ mmọdo ke ñwed uwem.

4Inemesịd ke Abasi ukeed ini, yak nsʌk mmaana mbo nte: Inemesịd!

5Iyak afịd awo ekịt ke enie ifuuro-ifuuro uwem. Abọọñ akpere.

6Ikiiyak mfịna ndomokeed ifịna ndufo, ado ke afịd ñkpọ, ke akam ye ebeeñe ye adinọ ekọọm, iben mme ebeeñe ndufo inịm Abasi ke iso.

7Ndin emem Abasi a-akanna afịd ifiọk, ayaakpeme esịd ndufo ye ekikere ndufo ke Krais Yisọs.

8Ke akpatre, nditọete, se idodo a-adooho akpanikọ, se idodo a-akamake ubọọñ, se idodo a-anenne, se idodo a-asanake, se idodo a-ayaiyake, se idodo e-emaahama, adieke ñkpọ ndomokeed afọnnọ ama, me ado se ekpetooro ikere ibaña utọ mme ñkpọ ado.

9Se adodo a-ndufo emaekekpeeb me ebọbọ me ekokop ento miin, me eñkịt miin ke idem isịn mme ñkpọ ado ke adinam. Ndin Abasi emem ayaaba mme ndufo.

10Ami mmenem esịd eti-eti ke Abọọñ sia ke akpatre udọñ ndufo edise ñkpọ imbaña miin amaana ademme.

11Ami ntañña ami ke ntak adooho mmeyem unwam, sia ami mmaakpeeb adiyʌkkọ naña akpebaba.

12Ami mmediọọñọ naña aba ke ediba ke unana, mmenyʌñ ndiọọñọ naña aba adinie umiañ. Ami mmekpeeb ndedịbe ifiọk a-abaaha ke ediyʌkkọ ke se adodo itie a-ami ñkịtte idem mmi. Mme mmedia ñyʌkkọ mme nsaña abiọñ, mme mba ke eduek mme ke unana.

13Ami mmekeme adinam ukeed ñkpọ ato ke anye a-nnọọhọ miin adudu.

14Kpa ye ado amaafọn ndufo edikeene ñwuana ke mme ukuud mmi.

15Mfen ñko, nte a-ndufo mme Fidibian ediọọñọke, ke mme akpa ini a-ndufo ekediọọñọke eti etob, ke ini ñketọọñọke isañ nto ke Masidonia, ufọkabasi ndomokeed ikiwanake mme ami ke ñkpọ adinọ mme adibọ, ibọhọke ndufo ikpọọñ;

16sia ke idem ini a-ñkebaaha ke Tesadonika, ndufo emaemaana enọ unwam eñsọk, emaana enọ eñsọk ke ini ñkpọ akesọññọ mme ami.

17Idooho nte ñyeyeem enọ, ado ntañ mbaña se ediidat iwet nte inie isịn ke ñwed unam ibad ndufo.

18Ami mmebọ afịd-afịd se akena eñkpe mme se ikakan ado, ennọ miin ñkpọ mfọn-mfọn, akpan-akpan idahami a-adooho mmaakebọi nto Epafrọditus mme enọ a-ndufo ekenọọhọ eñsọk. Ammọ edoñño mme enem ufịk enọ, uwa a-adotto, a-anemme Abasi esịd.

19Ndin Abasi mmi ayainọ ndufo ukeed se ndufo eyem nte asañake akekem ke mme inie ubọọñ amọ ke Krais Yisọs.

20Yak ubọọñ anie Abasi ye Ete ñnyịn ke nsi-nsi nsi-nsi. Amen.

21Ikọọm afịd-afịd mme ndisana ikot Abasi ke Krais Yisọs. Nditọete e-ebaaha mme ami e-enọ ekọọm.

22Ukeed nditọ Abasi e-edọñ ekọọm, akpan-akpan mbon esịd ufọk Sisa.

23Yak mfọn Abọọñ Yisọs Krais asʌhọ mme Sịbidịd ndufo. Amen.

← Chapter 3 Jump to: