bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Ruth 4
Ruth 4
Ika 2018 Bible
← Chapter 3
Jump to:
Chapter 1
Chapter 2
Chapter 3
Chapter 4
1
Bụazị nkẹ nọ shi ebe wẹ nọ e zu ọgwa, ọnụ-mgbọn obodo hụ; ọ nọ weri oche. Ya kẹ onyẹ hụ o ku oku ẹ nị ya k'o ru nọ ghapụha. Ya Bụazị nọ kpọ a, sị a, “Yee, d'a nọdị alị ndọọ.” Okẹnnyẹ hụ nọ jẹnhẹn, nọdị alị.
2
Ya Bụazị nọ kpọha madụ iri imẹ ndị-chẹn obodo hụ, sị wẹ, “Dodo, nọdị nị alị.” Wẹ nọ nọdị alị.
3
Ya Bụazị nọ nọ idẹnya wẹ sị okẹnnyẹ hụ o ru, “Nahomi hụn gha alị Mụabụ lụaha chọ n'o repụ alị nwẹnẹ ẹnyi wụ Ẹlimẹlẹki.
4
M nọ sị nị m mẹn'i marịn, nị m sị ị nọ idẹnya ndịnị rị ebeni lẹ ndị-chẹn ẹnyi ṅọnrin ẹ. Omẹni i k'a gbarịnị ebọn ẹnyi ya, gbarị a nwan, makẹni yụ k'o ru; kanị, omẹni y'a gbarịkọ a, y'a gwa m — nị m marịn, makẹni onwọnzini nwan onyẹ ọzọ o ru mmanị yụ, o kebe ru m.” Okẹnnyẹ hụ nọ sị, “M k'a gbarị a.”
5
Bụazị nọ sị a, “Alị hụ ghahụ ẹka Nahomi ban ị ẹka, ya wụ nị y'a lụrụgụọ Rutu onyẹ alị Mụabụ, nwunyẹ okẹnnyẹ hụ nwụnhụnnị, kẹni ẹfan okẹnnyẹ hụ nwụnhụnnị hụn ụzọ rịsọnmẹ ukuu ẹ.”
6
Ogẹn Bụazị gi ku okuni, okẹnnyẹ hụ o ru nọ sị, “Asa m ẹka gbarị a. Makẹni, m gbarị a, e wiwi m ihiẹn m. Weri ẹ nwan n'o rugụọ ị, mmẹ ye y'ẹ; asa m ẹka gbarị a.”
7
Ya wẹ nọ mẹ ihiẹn ndị alị wẹ wụ Izrẹlụ gi e biye ẹka ogẹn mbụ ahụn wẹ gha a gbarị ihiẹn mọbụ nị ihiẹn rị a gha ẹka onyẹ nwọnn'ẹ a ban ẹka onyẹ ọzọ: hụn te nwọnn'ẹ ẹ a gbụ ụkụ akpụkụ ohu ye hụn ẹbọ.
8
Ufiri ẹ, ogẹn okẹnnyẹ ahụn gi gwagụ Bụazị, “Weri ẹ nwan,” ọ nọ gbụ ụkụ akpụkụ a ye Bụazị.
9
Ya Bụazị nọ sị ndị-chẹn lẹ ndị ọzọ ile rị ebẹhụ, “Ọnụ ile wụ ọshẹri tannị, ni a narịngụọ m Nahomi ihiẹn ile wụ nke Ẹlimẹlẹki lẹ ihiẹn ile wụ nke ụmụ a wụ Kiliọnụ lẹ Malọnụ;
10
e werigụọzị m Rutu onyẹ Mụabụ, nwunyẹ Malọnụ, n'ọ wụrụ nwunyẹ m, kẹni ẹfan okẹnnyẹ hụ nwụnnị hụn ụzọ rịsọnmẹ ukuu ẹ — amamgbe ẹfan a e tuhu imẹ ebọn ẹ lẹ alị a makẹni ọ nwụnhụngụọ; ụnụ wụ ọshẹri tannị.”
11
Ebẹhụ kẹ ndị hụ ile rị ọgwa ọnụ-mgbọn obodo hụ lẹ ndị-chẹn nọ shịarị a, sị, “Ẹghẹẹ, ẹnyi wụ ọshẹri. Osolobuẹ ya mẹ okpohoni lala iwe i n'ọ rị kẹ Rechẹlụ lẹ Lia, hụn wẹ ẹbụọ gba mụ ikpụnọ Jekọpụ ile, alị Izrẹlụ ile. Mụba, mụtọ ụmụ imẹ obodo ẹnyi wụ Ẹfrata; ẹfan ị ya rịsọnmẹ imẹ alị ẹnyi wụ Bẹt'lẹhẹm;
12
ụmụ Osolobuẹ jẹnkọ d'a gha ẹka okpohoni ye i, wẹ mẹ ụlọ ị rịhụ kẹ nke Pẹrẹzi nẹdi ẹnyi hụn Tama mụnị Juda.”
13
Ya Bụazị nọ weri Rutu, lụma. A nọgbama wẹ nke di lẹ nwunyẹ Osolobuẹ nọ mẹ ẹ tụrụ imẹ. O mẹgụ, ọ nọ mụ okẹnnyẹ.
14
Ya kẹ ikpoho Bẹt'lẹhẹm nọ sị Nahomi, “Ịja mma ya rịnị Osolobuẹ, o gi latọn'ị onyẹ k'e wuzon'i; nwatanị ya mẹ okẹn-ịhịan wẹ marịn amarịn imẹ alị Izrẹlụ ile!
15
O jẹnkọ d'e mẹ ndụn banzị ị; o jẹnkọ d'e lee i nka — makẹni ezioku-ezioku nwa ị rọ. Makẹni, nwunyẹ nwa ị hụn ihiẹn i a sụọ, nwunyẹ nwa ị hụn kadẹ ụmụ-ikẹnnyẹ ẹsa, mụ a.”
16
Ya Nahomi nọ parị nwata hụ kẹ nnẹ, pa a, zụn a.
17
Ikpoho idumu nọ gụn a “Obẹdi” ya wụ “Onyẹ-efeni” makẹni wẹ sị, “A mụgụọnị wẹ Nahomi okẹnnyẹ!” Obẹdi mụ Jese hụn wụ nẹdi Defidi.
18
Ndịnị wụ ụmụ Pẹrẹzi: Pẹrẹzi wụ nẹdi Hẹzrọnụ;
19
Hẹzrọnụ wụ nẹdi Ram, Ram wụ nẹdi Aminadabụ;
20
Aminadabụ wụ nẹdi Nashọnụ, Nashọnụ wụ nẹdi Salụmọnụ;
21
Salụmọnụ wụ nẹdi Bụazị, Bụazị wụ nẹdi Obẹdi;
22
Obẹdi wụ nẹdi Jese, Jese wụ nẹdi Defidi.
← Chapter 3
Jump to:
Chapter 1
Chapter 2
Chapter 3
Chapter 4
All chapters:
1
2
3
4