Zephaniah 2

Ika 2018 Bible

← Chapter 1 Jump to: Chapter 3 →

1Zukwamakwọ nị! Zukwama nị d'a rịọma Osolobuẹ, ndị alịnị ifẹnrẹn ghalẹni e mẹ!

2Mẹ n'ẹ Osolobuẹ gini d'e mẹ ụnụ ihiẹn o ku; amamgbe ogẹn ụnụ e gi wanahịn a ghafe kẹ ẹfịfịa ufere bupụ; amamgbe olulu Osolobuẹ nọ kẹ ọkụn e kunrun ụnụ, amamgbe ogẹn ahụn Osolobuẹ e gi ghọsị eje-olulu ẹ e kunrun ụnụ!

3Mẹsọnmẹ ni uche Osolobuẹ ụnụ ile hụn e welụa enwẹn wẹ alị, ụnụ ile hụn e mẹ ihiẹn Osolobuẹ ku; e mẹni uche ẹ, ewelụabehikwọlẹ ni enwẹn ụnụ alị; ikẹnkwọ Osolobuẹ a nị ụnụ wanahịn ogẹn hụ o k'a ghọsị iwe-lẹ-ọnụma a.

4Obodo Gaza k'a gba okpokoro; obodo Ash'kẹlọnụ k'a gbazịkwọ okpokoro; wẹ k'a chụpụchanrịn ndị obodo Ash'dọdụ, ẹnyanwụn gini d'a kpọfe isi; wẹ k'e huepụ ndị obodo Ẹkrọnụ.

5Ọ k'a jọ ụnụ njọ, ndị mkpẹnrẹn-ohimin, ndị Kẹrẹtị alị Filistia! Osolobuẹ e kuọlẹ oku i, alị Kenaanị, alị ndị Filistia, sị, “M k'e tikpọ ị, onwọnni onyẹ m k'e gbuhọdụ imẹ i.”

6Mkpẹnrẹn ohiminni k'a wụrụ ogige lẹ ọfịa ẹka ndị e du atụnrụn; ebe w'a kịtọ igunrun ewu lẹ atụnrụn.

7Ẹgbẹrẹ ohiminni ile k'a wụrụ nke ndị Juda k'a họdụnị, a nọ w'a a zụn atụnrụn, ọhịhị gba, a ranhịn wẹ ụlọ ndị Ash'kẹlọnụ te bi. O k'a rị ẹrịra, makẹni Osolobuẹ wụ Chuku ndị Juda k'a tụnị wẹ ụya, mẹ n'ọ rịzịnị wẹ mma.

8A nụgụọ m ọnụ ile ndị alị Mụabụ rị a kọ ndị nke m lẹ mkpari ndị alị Amọnụ rị a kpari ndị nke m lẹ isi wẹ rị a nyan nị wẹ k'e weri alị wẹ.

9Mmẹ wụ Osolobuẹ ihiẹn ile rị okpuru ẹ hụn wụ Chuku ndị Izrẹlụ, sị, “Ma isi m, Mụabụ jẹnkọ d'a rị kẹ alị Sodọm, Amọnụ a nọ kẹ alị Gomora! Wẹ k'e họnrinsọnmẹ alị ogun lẹ nnu, wụsọnmẹ eje-alị ihiẹn rịn'a ghalẹni e mẹ. Ndị nke m họdụnị k'a kwarị ihiẹn wẹ; ndị alị m họdụnị k'e weri alị wẹ.”

10Ọhụn kẹ wẹ k'e gi narịn ụgwọ mpache wẹ, makẹ ọnụ wẹ kọ, ndị nke Osolobuẹ ihiẹn ile rị okpuru ẹ, kpari wẹ.

11Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.

12Kẹ ụnụ ndị alị Kushi, ọpịa-agha m k'e gbu ụnụ.

13Osolobuẹ jẹnkọ d'a tịnpụzịkwọ ẹka mẹ ndị rị ẹbamịn-ugu ihiẹn: o k'e tikpọ alị Asiria hụn rị ebẹhụ. O k'a gba isi-alị wẹ wụ Ninivẹ okpokoro, mẹ ẹ wụrụ alị ọkpọ-nkụn nọkẹ atụ.

14Igunrun efin lẹ atụnrụn k'a rị a kpahunmẹ imẹ ẹ; anụ ọfịa ile rị ichẹn-ichẹn k'a rị a; ozuzu k'a gha a ranhịn elu adansụn hụn rị mkpọkọ-ụlọ rị ebẹhụ; a ghasọnmẹ windo ụlọ ndị hụ e woo; Mkpọkọ ihiẹn k'e jun ọnụmụzọ rị ebẹhụ; osisi Sida wẹ te gi ma ụsụọ-ẹjan arịkọzị a.

15Ọnwan wụ obodo Ninivẹ nwẹn te rị a ṅannị, hụn nwọnlẹni ihiẹn ọ tụ egun ẹ! Ninivẹ hụn e te sị enwẹn ẹ, “Mmẹ rọ! Onwọnni onyẹ han kẹ mmẹ!” Lee k'o gba nwan okpokoro! O họnringụọ nwan ebe anụ ọfịa e bi! Onyẹ pụha ebe Ninivẹ te rị, ọ ma ọsụọ, o be ọrịọ.

← Chapter 1 Jump to: Chapter 3 →