3 John 1

Ilokano (Ti Biblia (1973))

Jump to:

1Ti panglacayen isuratna ken ay-ayaten a Gayo, isu a dungdungngoec a pudno,

2Ay-ayatec, siac dawatec iti Dios a rumang-ayca cadagiti isu-amin a banbanag, ket adda coma salun-atmo a cas met ti irarang-ay ti cararuam.

3Ta nagrag-oac iti nalaus idi immay dagiti cacabsat ket pinanecnecanda iti kinapudnom cas met iti pannagnam iti kinapudno.

4Awan ti dacdackel a pagrag-oac ngem iti pannacangngegco a dagiti annacco magmagnada iti kinapudno,

5Ay-ayatec, sica aramidem a matalec ti amin nga aramidem cadagiti cacabsat uray pay gangannaetda;

6Dagidiay a mamanecnec iti ayatmo iti sangoanan ti Iglesia: ket nasayaatto ti aramidem: no tulongamto ida iti dalanda a maicari iti Dios,

7Ta gapu iti pateg ti Nagan, pimmanawda nga awan ti innalada cadagiti Gentil.

8Rebbengtayo ngarud a pasangbayen dagiti cacasta, tapno datayo coma ti catulongan ti kinapudno.

9Nagsuratac bassit iti Iglesia, ngem ni Diotrefes, nga agumanna ti nagungundaway ngem cadagiti dadduma, saannacam nga awaten.

10Gapuna, no umayac, ipalagipconto dagiti banbanag nga aramidenna, nga agsalsalawasaw iti maibusor cadacami cadagiti sasao a dakes; ket saan pay a mapnec itoy, dinapay awaten dagiti cacabsat, ket dina met palubosan dagiti mayat nga umawat, ket pagtalawenna ida iti Iglesia.

11Ay-ayatec, dica tuladen ti dakes, no di ket ti naimbag. Ti agaramid iti nasayaat, tao ti Dios, ti agaramid iti dakes, saanna a nakita ti Dios.

12Ni Demetrio panecnecanna dagiti isu-amin, ken ti pudno met laeng; ket dacami met panecnecanmi; ket ammom a ti pammanecnecmi pudno.

13Adu dagiti banbanag nga isuratco coma kenca, ngem diac cayat nga isurat ida kenca iti tinta ken pluma:

14Ta namnamaec a kitaenca iti mabiit, ket agsaotanto iti rupanrupa. Ti talna agtaeng coma kenca. Dagiti gagayyem cablaawandaca. Cablaawan dagiti gagayyem nga inaganan ida.

Jump to: