bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Isaiah 5
Isaiah 5
Ilokano (Ti Biblia (1973))
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 6 →
1
Agcantaac coma a maipaay ken ayayatec unay iti maysa a canta ti ayayatec a maipapan iti cauvasanna. Ti ayayatec unay adda idi maysa a cauvasanna iti maysa a nabunga unay a turod:
2
Ket isu kinalina ken iniccatna dagiti batbatona, ket minulaanna iti napili nga uvas, ken namatacder iti maysa a torre iti nagtengngaanna, ken nangtaga met iti pagpespesan iti arac idiay: ket inurayna nga agpataudto coma cadagiti uvas, ket nagpataud cadagiti uvas nga atap.
3
Ket ita, O dacayo nga agnaed iti Jerusalem ken tattao ti Juda, dawatec nga ipatoyo man ti maipapan caniac ken ti cauvasac.
4
Ania aya ti nabalin a naaramid pay coma iti cauvasac, a diac inaramid kencuana? ania ti gapuna, nga idi nga ur-urayec a mangpataud coma cadagiti uvas, isu namataud cadagiti uvas nga atap?
5
Ket ita ibagac cadacayo ti aramidecto iticauvasac: iccatecto ti aladna, ket maibusto, rebbaecto ti bacudna, ket isu mapayatpayatto:
6
Ket baybay-acto a madadael; saanto a maparaspasan ket di-met magabion; no di ket pagtuboanto dagiti cascasumba ken calcalunay: ket ibilinconto met cadagiti ul-ulep tapno dida tinnagan iti tudo iti rabawna.
7
Ta ti cauvasan ni Jehova dagiti buybuyot isu ti balay ti Israel, ket dagiti tattao ti Juda isuda dagiti nacaay-ayo a mulana: ket nagsapul ti kinajusticia, ngem, adtoy, ti pammarigat; ken ti kinalinteg, ngem, adtoy, ti maysa a riaw.
8
Asi pay dagiti mamagtitipon iti balay ken balay, ken mamagtitipon ti talon ken talon agingga iti awan pagdissoan, ket maaramidcayo nga agtaeng a dacdacayo iti tengnga ti daga!
9
Iti lapayagco cuna ni Jehova dagiti buybuyot, Iti kinapudnona, adu a balbalay ti agongaongto, uray no dackel ken nasayaat, awanto ti agnaed kencuana.
10
Ta ti uppat nga hectaria ti cauvasan mangtedto iti lima a litro, ket ti tallo cavan a bin-i mangpataudto laeng iti sangapulo salup.
11
Asi pay dagiti bumangon a masapa iti bigat, tapno sumurotda iti naingel nga inumen; nga idiayda a marabiian unay, agingga iti paggilayaben ida ti arac!
12
Ket cadagiti rambacda adda arpa, gitarra a bassit, pandereta, pito ken arac; ngem dida imatangan ti aramid ni Jehova, ket dida met otoben dagiti panagaramid dagiti imana.
13
Gapuna a ti ilic napan iti pannacacayaw agsipud ti kinakirang ti isip; ket dagiti natan-ocda a tattao nabisinanda, ket ti caaduanda mawawda unay.
14
Gapuna a ni Tanem pinadackelna ti tarigagayna, ken linuctanna ti ngiwatna a di marucod; ket ti dayagda, ken ti caaduanda, ken ti rambacda, ken ti makipagragsac cadacuada, umologda itoy a Tanem.
15
Ket ti nababa a tao maparucnoy, ket ti natan-oc a tao mapaemma, ket dagiti mata ti nangato mapaalumamayda:
16
Ngem ni Jehova dagiti buybuyot maitanoc iti kinajusticia, ket ti Dios a Santo masantificar iti kinalinteg.
17
Iti casta agarabton dagiti cordero a cas addada iti pacapastoranda, ket dagiti disso a langalang dagiti nalucmeg canento ti agtawtawataw.
18
Asi pay dagiti agguyod ti kinadakes iti taltali ti kinatiri, ken basol a cas la iti pannacaaramat ti maysa a guyodan ti pasagad;
19
A cunaenda, Agsiglat coma, dardarasenna coma ti aramidna, tapno isu makitatayo; ken ti patigmaan ti Santo ti Israel umasideg coma ken dumteng, tapno isu maammoantayo!
20
Asi pay dagiti mangnagan naimbag iti dakes, ken dakes iti naimbag; nga icabilda a sipnget ti lawag, ket lawag ti sipnget; nga icabilda a napait ti nasam-it, ket nasam-it ti napait!
21
Asi pay dagiti mamasirib cadagiti matada met laeng, ken dagiti manakem iti imatangda met laeng!
22
Asi pay dagiti mamaingel nga aginum iti arac, ken tattao a napigsa a mamaglalaoc iti naingel nga inumen;
23
A mangjustificar iti maysa a managdacdakes a gapu iti maysa a pannocsoc, ket pucawenda ti kinalinteg iti nalinteg.
24
Gapuna a cas iti gil-ayab, ti apuy ibusenna ti punget ti garami ken cas iti nagango a root a marunaw iti gil-ayab, castanto ti ramutda a cas iti pannacalungtot, ket ti sabongda tumayabto a cas iti tapoc; agsipud ta inwacsida ti linteg ni Jehova dagiti buybuyot, ken inuyawda ti sao ti Santo ti Israel.
25
Gapuna a ti pungtot ni Jehova simged a maibusor iti ilina, ken inunnatna ti imana a maibusor cadacuada, ken kinabilna ida; ket dagiti banbantay nagkintayegda, dagiti bangbangcay addada a cas rugit iti tengnga dagiti calcalsada. Iti amin daytoy di pay mapatuckiad ti pungtotna, no di ket ti imana adda pay laeng a silalayat.
26
Ket isu mangitayagto iti maysa a wagayway cadagiti nasnacion iti adayu, ket sultipannanto ida manipud iti pungto ti daga; ket, adtoy, umaydanto a sigaganat ken napardas.
27
Awanto ti mabannog wenno maitibcol cadacuada; awanto cadacuada ti agdungsa ket awan met ti maturog; ket di met maiccat ti barikes iti lomoda, ket di met mapugsat ti cordon dagiti zapatosda:
28
A dagiti panada natarumamis, ken sibibiat dagiti ba-ida; ket dagiti cuco dagiti cabayoda maibilangdanto a cas la pamulinawen, ken dagiti pilid dagiti lugluganda cacasda la maysa nga alawig:
29
Ti ungorda cas la iti leon a cabaiyan, agungordanto a cas cadagiti ur-urbon ti leon; wen, agungordanto, ken tucmaanda ti samsam, ket ipanawda a dida maanano, ket awanto a pulos ti mangisalacan.
30
Ket agungordanto a bumosor cadacuada ti dayta nga aldaw a cas iti ungor ti baybay: ket no ti maysa cumita iti daga, adtoy, ti sipnget ken rigat; ket ti lawag napasipnget cadagiti ululepna.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66