Malachi 4

Ilokano (Ti Biblia (1973))

← Chapter 3 Jump to:

1Ta, adtoy, ti aldaw umay, manguram a cas la horno; ket amin dagiti natangsit, ken amin dagiti agaramid iti dakes, pungetdanto; ket ti aldaw nga umay uramennanto ida, cuna ni Jehova dagiti buybuyot, a dinto mangitidda cadacuada uray ramut uray sanga.

2Ngem cadacayo nga agbuteng iti naganco lumgacto ti init ti kinalinteg agraman mangpasalun-at a payacna; ket rumuarcayto, ken aglagtocayto a cas la iti urbon ti vaca a nairuar iti pagpupocan.

3Ket dacayo payatenyonto ti managdacdakes; ta isuda dapdapudanto iti baba ti dapanyo iti aldaw nga aramidecto, cuna ni Jehova dagiti buybuyot.

4Lagipenyo ti linteg ni Moises nga adipenco, nga imbilinco kencuana idiay Horeb nga agpaay iti amin nga Israel, linlinteg met laeng ken bilbilin.

5Adtoy, nga ibaonconto cadacayo ni Elias a mammadto iti sacbay ti iyaay ti dackel ken nacakigkigtot nga aldaw ni Jehova.

6Ket isu isublinanto ti puso dagiti amma cadagiti annac, ken ti puso dagiti annac cadagiti ammada; di la ket ta siac umayac ket cabilec ti daga iti panangilunod.

← Chapter 3 Jump to: