Nehemiah 7

Ilokano (Ti Baro a Naimbag a Damag Biblia) 1996

← Chapter 6 Jump to: Chapter 8 →

1Kalpasan a nabangon manen ti bakud ken naikabilen dagiti ruangan, natudingan dagiti agguardia iti Templo ken dagiti miembro ti nasagradoan a koro. Naikkan met dagiti Levita iti trabahoda.

2Nangikabilak iti dua a tao a mangimaton iti siudad ti Jerusalem: ni Hanani a kabsatko ken ni Hananias a pangulo nga ofisial dagiti agbambantay iti sarikedked. Matalek ken managbuteng iti Dios ni Hananias ket awan pumada kenkuana.

3Imbagak kaduada a sada la luktan ti ruangan ti Jerusalem iti bigat no makatangkayagen ti init, ket irikep ken balunetanda sakbay nga agawid dagiti guardia iti sumipnget. Imbagak pay a mangisaadda kadagiti agnanaed iti Jerusalem nga agguardia ket adda dagiti ipuestoda kadagiti naituding a lugar idinto nga agpatrulia dagiti dadduma iti asideg dagiti balbalayda.

4Nalawa ti siudad, ngem bassit dagiti agnanaed, ket manmano pay laeng dagiti nabangon a balbalay.

5Tinignaynak ti Dios a mangummong kadagiti tattao, kadagiti papangulo ken ofisialesda, tapno masukimat ti listaan ti familia ti tunggal maysa. Nabirokak ti libro a nakailanadan ti nagnagan dagiti immun-una a nagsubli kadagiti napagtalaw a kas balud. Daytoy ti nasarakak a nailanad:

6Adu kadagiti napagtalaw ti pimmanaw iti probinsia ti Babilonia ket nagsubli ti tunggal maysa iti bukodna nga ili idiay Jerusalem ken Juda. Agnanaeden dagiti familiada a kas balud idiay Babilonia manipud impan ni Ari Nebucadnesar ida sadiay.

7Adtoy dagiti papanguloda: Zerubbabel, Jesua, Nehemias, Azarias, Raamias, Nahamani, Mardokeo, Bilsan, Misperet, Bigvai, Nehum ken Baana.

← Chapter 6 Jump to: Chapter 8 →