Psalms 76

Ilokano (Ti Baro a Naimbag a Damag Biblia) 1996

← Chapter 75 Jump to: Chapter 77 →

1Nalatak ti Dios idiay Juda; idiay Israel, madaydayaw ti naganna.

2Adda idiay Salem ti balayna; idiay Sion ti pagnanaedanna.

3Sadiay tinukkolna dagiti pana dagiti kabusor, dagiti kalasag ken kampilanda— wen, amin nga armasda.

4O Dios, anian a dayagmo, anian a daeg ti panagsublim. Naggapuka kadagiti bambantay a nangparmekam kadagiti kabusormo.

5Naagawen dagiti sinamsam dagiti natured a mannakigubatda; matmaturogdan iti turog ni patay; awanen ti mangusar kadagiti armasda.

6Idi nakapungtotka, O Dios ni Jacob, napasag dagiti kabalio ken dagiti nagsakay.

7Ngem sika, O Apo, pagbutbutngandaka! Siasino ti makaitured a tumakder iti sangoanam no agpungtotka?

8Manipud langit, impaulogmo ti sentensia; nagbuteng ti daga ket adda kappia,

9idi tumakderka a mangukom tapno isalakanmo dagiti maidaddadanes ditoy daga.

10Ti pungtot ti tao agbanag la a pakaidayawam; ket dagiti nakalasat ngilinendanto dagiti fiestam.

11Tungpalenyo dagiti kariyo iti Apo a Diosyo. Rebbeng dagiti tattao nga ipan dagiti sagutda kenkuana, isu a pagbutngan dagiti tattao.

12Pagpakumbabaenna dagiti natangsit a prinsipe, ket butbutngenna dagiti ari.

← Chapter 75 Jump to: Chapter 77 →

Recommended Reading

Commentary Psalms Commentaries → Devotional Psalms Devotional Guide → Get This Bible Ilokano (Ti Baro a Naimbag a Damag Biblia) Study Bible →