Haggai 2

Mien Bible (Thai Script) © Thailand Bible Society, 2007

← Chapter 1 Jump to:

1ต้ง วั้ว หฮญัง, เธี้ยด หฮลา หญี่ เหฒียบ เยี้ยด วั้ว ฮนอย, เฒี้ยว หล่ง โต่ว หว่า เมี่ยน, ฮักไก, โต่ว ก๊อง,

2“อ๋อย หฒุ หน่าย ยูดา เต่ย เญย แซ้ง-เฒี้ยว, เซ เซอันทิเอน เญย ตอน, เสลุบบาเบน, เหธา เยโฮซาดัก เญย ตอน, โยซูวา ต้ม ไซ เมี่ยน, เหธา เหยียด ฒู้ง หฒุ กว๊าด มี่ง หฑวน ต้าย เญย แปะ ฝีง,

3‘เยียม เม่ย บัว บุด๋ง หธ่อ เหฒ่ง หาย เต้า ตุ๊ ปวัด เจี๋ย ฒิ่น ด่าง วั้ว นอม เปย๊า ม่าย เญย ฌัง-หล่าง? อี้ หฒั่น เม่ย บัว ปวัด ฮนั้ง หาย นอ? เม่ย บัว หมั่ง ปวัด ไม้ ด่ง เหยียด เต๋ย วั้ว นอม ไฟ?’

4เฒี้ยว ก๊อง, ‘โอ เสลุบบาเบน อ่า, กุ๊น ปู๋ง เฮญี้ยว. โอ เยโฮซาดัก เญย ตอน, โยซูวา ต้ม ไซ เมี่ยน อ่า, กุ๊น ปู๋ง เฮญี้ยว. เยียม น้าย เต่ย-ปูง เญย หฒวัง แปะ ฝีง อ่า, กุ๊น ปู๋ง เฮญี้ยว อ๊ะ.’ เฒี้ยว ฮนั้ง น้าย ก๊อง. เน่น เจี๋ย เญย เฒี้ยว ก๊อง, ‘กุ๊น โหฒว กง เหว่ย หฒุ เยีย เหธา เม่ย บัว เยียม.

5น้าย เซ เม่ย บัว เยียม อียิบ เต่ย-ปูง ธ้วด ต้าย วั้ว หฒั่น เยีย เหธา เม่ย บัว เหลียบ เจี์ย เญย แหง่ง หว่า. เยีย เญย สีง ลี่ง หย่า เยียม เม่ย บัว บุด๋ง. ไม้ ตู๋ง กั้ม เหฑีย.’

6“เน่น เจี๋ย เญย เฒี้ยว ฮนั้ง น้าย ก๊อง, ‘ไม้ หนั่ง เล่า เยีย แอ๋ง อ๋อย ฆั้ม หฑุ่น ลู่ง เหธา ป้าม เกน, ค้อย เหธา เดา.

7เยีย อ๋อย ฆั้ม หม่าน กั๊วะ, หม่าน กั๊วะ เมี่ยน เญย ฒิ่น ฒ่อย ฯฒฯ เปียะ ต้าย. เยีย ฯฒฯ ปุน น้าย นอม เปย๊า ม่าย ฌัง-หล่าง ปวั๊ง เหฑ่ง.’ น้าย เซ เน่น เจี๋ย เญย เฒี้ยว ก๊อง เญย หว่า.

8เน่น เจี๋ย เญย เฒี้ยว ก๊อง, ‘เจียม เซ เยีย เญย. ญ่าน หย่า เยีย เญย.’

9เน่น เจี๋ย เญย เฒี้ยว ก๊อง, ‘อี้ หฒั่น น้าย นอม เปย๊า เญย ฌัง-หล่าง อ๋อย เก้า โฮล ฒิ่น ด่าง วั้ว นอม เญย ฌัง-หล่าง. เยียม น้าย นอม ต๋อง เยีย อ๋อย เหธย แป้ง ออน.’ น้าย เซ เน่น เจี๋ย เญย เฒี้ยว ก๊อง.”

10เยียม ดาลิอัด โหฒว ฮู่ง เตี๋ย, ตะเหญ่ย หฮญัง, จั๊ว หฮลา, หญี่ เหฒียบ เฝย วั้ว ฮนอย, เฒี้ยว หล่ง โต่ว หว่า เมี่ยน, ฮักไก, โต่ว หว่า.

11ฮักไก ก๊อง, “เน่น เจี๋ย เญย เฒี้ยว ฮนั้ง น้าย ก๊อง. ‘อ๋อย หฒุ หน่าย ก๋า หฒวัง ไซ เมี่ยน, เล์ย-หลัด ฮนั้ง หาย นอ ก๊อง?

12สี ก๊อง ม่าย เต้า เมี่ยน หล่ง นิ่น เญย ลุย หฒอม ธีง-เหฑ่ง อ๊อ, หฒอม เจี๊ยน อ๊อ เญย ต๋อง หย่า ควัด หฒุ ฌั้ว, ไฟ ว่วน หฒัวะ เญย ไล, ไฟ อะหงุ่น ติ๊ว, ไฟ กะลั้น โย่ว, ไฟ หาย หญู่ง หญั่น ฮบ, วั้ว เต๋ย กะน้าย ฯฒฯ ธีง-เหฑ่ง เญย ไฟ?’” ไซ เมี่ยน บัว เตา, “ไม้ ธีง-เหฑ่ง.”

13ฮักไก แอ๋ง ก๊อง, “สี ก๊อง เมี่ยน หลาย มัวะ หฒุ จั๋น-ไต่ ม่าย หวุย, แอ๋ง มัวะ หฒุ น้าย เต๋ย หาย หญู่ง กะน้าย, วั้ว หญู่ง กะน้าย ม่าย หวุย เญย?” ไซ เมี่ยน เตา, “ม่าย หวุย เญย.”

14ฮักไก ฯฒฯ ก๊อง, “ เฒี้ยว ก๊อง, ‘เยียม เยีย เญย หฑะเฮมียน น้าย เต๋ย เมี่ยน เหธา น้าย เต๋ย แปะ ฝีง มต้าย ฮนั้ง หน่าย. นิ่น บัว โหฒว ธ้วด เญย หญู่งๆ กะน้าย เหธา นิ่น บัว เยียม เหฒี่ย-ต้อง เหฒี่ย เญย หญู่งๆ ฒู้ง ม่าย หวุย.

15“‘อี้ หฒั่น เม่ย บัว ฮนั้ม หมั่ง ก๋า, เยียม อี้ ฮนอย มี่ง อ๋อย ฮนั้ง หาย นอ. ฮนั้ม หมั่ง ก๋า, หฒั่ง เฒี้ยว เญย เปย๊า ไม้ แก้ง ม่าย เหยียด คว้าย หละเปย๊ย ลับ คว้าย, เม่ย บัว ฮนั้ง หาย นอ?

16ม่าย หาย เต้า เมี่ยน มี่ง เถา ธุ-ดุย หล่าย ไฮ่ ฮลาว ตุ๊ หญี่ เหฒียบ ท้ง มป่า ขูง ตุ๊ เหฒียบ ท้ง ฮนั้ง? มี่ง เถา ติ๊ว-อ๋ง หล่าย ไฮ่ ตุ๊ ฮม์ เหฒียบ ก่อง มป่า ขูง ตุ๊ หญี่ เหฒียบ ก่อง ฮนั้ง?

17เยีย ปุน หฑยาว-จอม ป่วน ต้าย ห่อย เม่ย บัว หฒวัง เญย กะน้าย ปุ๊ด หลัด โต์ว หย่า ปุน ตุ้ย เปาะ เบ๊าะ, มป่า เม่ย บัว ไม้ หฑวน ต้าย ล์อ เยีย.’ เฒี้ยว ฮนั้ง น้าย ก๊อง.

18‘เยียม น้าย นอม ฮนอย มี่ง, เซ จั๊ว หฮลา, หญี่ เหฒียบ เฝย วั้ว ฮนอย, หลงๆ เญย ฮนั้ม เถา เหลียบ หฒั่ง เฒี้ยว เญย เปย๊า เญย กอน-โด๊ะ เญย ฮนอย. ฮนั้ม หมั่ง ก๋า! เยียม น้าย มี่ง ฆะฮ้า อ๋อย ม่าย หาย หญู่ง ธ้วด?

19ไม้ กุ๊น ลั์ม ไม้ ม่าย เบย้า, อะหงุ่น เฮมย, ง่ง หญอ เดี๋ยง, หฒิ เลี่ยว เดี๋ยง เหธา กะลั้น เดี๋ยง หย่า ไม้ แก้ง ธ้วด เปี๊ยว, เยียม อี้ ฮนอย มี่ง เยีย อ๋อย เหธย ฟุ ปุน เม่ย บัว.’”

20ต้ง น้าย นอม หฮลา, หญี่ เหฒียบ เฝย วั้ว ฮนอย, ฮักไก ตุ๊ ฒิบ เฒี้ยว เญย ตะเหญ่ย หฑุ่น หว่า ก๊อง,

21“อ๋อย หฒุ บั๋ว ยูดา เญย แซ้ง-เฒี้ยว, เสลุบบาเบน, เยีย อ๋อย ฆั้ม ลู่ง เหธา เดา.

22เยีย อ๋อย เบี๊ยน เหฑ่ง หม่าน กั๊วะ เญย เหว่ย, หย่า เหมียด เหฑ่ง หม่าน กั๊วะ เญย ชะ. อ๋อย เบี๊ยน เหฑ่ง นิ่น บัว เบ๊าะ จ๋า เญย ม์า-เธีย เหธา ฒ้าง ม์า-เธีย เญย เมี่ยน. ม์า เหธา เก้ ม์า เญย เมี่ยน อ๋อย หฒุ ไต่, เก๊าะ-เมี่ยน หย่า หฒุ เก๊าะ-เมี่ยน เญย ก๋อ-โย์ว เญย หฑุ ด๊าว ไต๋.

23“เน่น เจี๋ย เญย เฒี้ยว ก๊อง, ‘เยีย เญย โปว, เซอันทิเอน เญย ตอน, เสลุบบาเบน อ้า! เถา วั้ว ฮนอย เยีย อ๋อย พ้าย เม่ย เต๊ง เยีย เญย บั๋ว กุ๊น.’ เฒี้ยว ก๊อง, ‘เยีย กิ๊น เม่ย ต้าย.’ น้าย เซ เน่น เจี๋ย เญย เฒี้ยว ก๊อง เญย หว่า.”

← Chapter 1 Jump to: