Jonah 2

Mien Bible (Thai Script) © Thailand Bible Society, 2007

← Chapter 1 Jump to: Chapter 3 →

1โยนา เยียม ต้ม เบย์า เญย กะเซีย กะญั์ว เต๋า เก๋า บั๋ว เฒี้ยว, นิ่น เญย ทิน-ฮู่ง.

2“ เฒี้ยว อ่า, เยีย ปวั้ง หฒุ โค้ว หน่าน เยีย เห่ว เม่ย, เม่ย หย่า เตา เยีย. เยีย เยียม เยี่ยม เกน เห่ว เม่ย เถง, เม่ย หย่า ไฮ์ เยีย เญย หว่า.

3เม่ย เฒาะ เยีย ฒอย เหฌี่ย ค้อย โด เญย ต๋อง, เหฌี่ย เถา ค้อย-โด๊ะ, ววม เว่ย ก๋อม เหฒียม เจี๊ยน เยีย. เม่ย เญย เหยียด ฒู้ง ววม-หล่าง กว๊าด เจี๋ย เยีย กู้ หงว่าย.

4เยีย หล่าย เหยียด ลิ์ว ไม้ ตุ๊ แอ๋ง เยียม เม่ย เญย หฑะเฮมียน อ๊ะ. เหยียด ลิ์ว หย่า ไม้ ตุ๊ ปวัด เม่ย เญย สีง ติ่น.

5ววม เหยียม เจี๊ยน เยีย กู้ หงว่าย, ววม ก๊ม ดิบ เยีย. กู้ ปิ้ว หย่า เหฑ่น เจี๊ยน เยีย เญย มฆ้อง.

6เยีย ด๊อด เหฌี่ย เถา บง กะเดี๊ย แหมง, ด๊อด เหฌี่ย เถา นอม เต่ย-ปูง, หลาด แก้ง หย่า เหยียด ลิ์ว ฟ้อ เจี๊ยน. มป่า เฒี้ยว, เยีย เญย ทิน-ฮู่ง อ่า, เม่ย ต้อ เยีย เยียม โด ไห่ เญย ต๋อง ธ้วด ต้าย ปุน เยีย หธ่อ ม่าย แหม่ง เฒี่ยง เจี๊ยน เญย.

7“ เฒี้ยว อ่า, เยีย ไฮ์ อ๊า ลั่ม เต๋ย กวั่ง แหม่ง วั้ว หฒั่น, เยีย ฯฒฯ จั๋ง หฒุ เม่ย หย่า เต๋า เก๋า. เม่ย เยียม เม่ย เญย สีง ติ่น ไฮ์ เยีย เต๋า เก๋า เญย หว่า.

8“เมี่ยน หฒั่ง ไม้ ม่าย ชะ เญย หมิ่ว-ฝัง, เซ นิ่น บัว กวั่ง เม่ย, ไม้ กัน เม่ย.

9มป่า เยีย อ๋อย ป๋าว ฑูง เธง เม่ย, หย่า อ๋อย เฒาะ แซง-คู้ เหฒี่ย เม่ย, หย่า เอย เจี๊ยน เยีย แล์ง เจี๋ย เญย หว่า โหฒว. เฒี้ยว อ่า, ขูง เม่ย กั้น ฮนั้ง ไฮ่ เหฌียว แหม่ง.”

10โยนา เต๋า เก๋า ป่า, เฒี้ยว บั๋ว เบย์า โล้ โยนา ธ้วด วั้ว เบี๋ยน. เบย์า ฯฒฯ โล้ นิ่น ธ้วด ต้าย อ๊ะ.

← Chapter 1 Jump to: Chapter 3 →