Titus 2

Mien Bible (Thai Script) © Thailand Bible Society, 2007

← Chapter 1 Jump to: Chapter 3 →

1เม่ย หฌาว เมี่ยน, เม่ย อ๋อย หฒุ หฌาว ต๋อย ม่าย กอน-ป๊วน เญย โต์.

2อ๋อย หฒุ หฌาว หฮญัง-เจ๊ย โก๋ เญย มจั่ง ตอน ฒั้น ตุ๊ กั้น, โหฒว สี่ ผุย ตุ๊ เมี่ยน ท่าย, หย่า กุ๊น ตุ๊ กั้น. อ๋อย หฒุ หฌาว นิ่น บัว เสียน หลง เยซู, ฮนั้ม เมี่ยน, หย่า ม่าย หน่อย เตี๊ย.

3ฟี่ ฮนั้ง เญย, อ๋อย หฒุ หฌาว หฮญัง-เจ๊ย โก๋ เญย มเซียะ ตอน โหฒว สี่ ผุย เสียน ทิน-ฮู่ง เญย เมี่ยน, ไม้ ตู๋ง ก๊อง หว่า-ฮู้, ไม้ ตู๋ง เหง ฮบ ติ๊ว. นิ่น บัว ขูง อ๋อย หฒุ หฌาว หลง เญย สี่ ฮนั้ง.

4ฮนั้ง หน่าย, นิ่น บัว ไฮ่ หฌาว เอ๊า-จ๋าน ฮนั้ม โหฆ เหธา ฝุเจว๊ย,

5ไฮ่ กุ๊น ตุ๊ กั้น, ม่าย เฮญี้ยว ธีง-เหฑ่ง, ฒ้าง หลง จา-ตี้ง, โหฒว หลง ปุน เมี่ยน หย่า บัวะ กั้น เญย โหฆ เหว่ย ไม้ ปุน เมี่ยน ม่าย ต๋อง ก๊อง โตะ ทิน-ฮู่ง เญย โต์.

6ฟี่ ฮนั้ง เญย, เม่ย หย่า อ๋อย หฒุ ขวิน หฮญัง-เจ๊ย หลุน เญย มจั่ง ตอน กุ๊น ตุ๊ กั้น.

7เยียม หม่าน สี่ เม่ย หย่า อ๋อย หฒุ โหฒว หลง เญย หญู่ง เฒ้ย ปุน นิ่น บัว หฒวด. หฌาว โต์ เญย เฒี่ยง โห่ อ๋อย หฒุ เหฒียบ ฒัวะ เญย หล่ง เฮญี้ยว หฌาว.

8อ๋อย หฒุ หล่ง ม่าย กอน-โด๊ะ เญย หว่า, ต้ง ไม้ ม่าย ต๋อง ต้าน เญย หว่า. ฮนั้ง น้าย, เหธา เม่ย ต๋อย-เตก วั้ว เต๋ย ฯฒฯ หฒุ ไญ้, เหว่ย หฒุ ล์อ ไม้ ตุ๊ ต๋อง ต้าน บัว.

9อ๋อย หฒุ หฌาว โหฒว โน่ว วั้ว เต๋ย เยียม หญู่งๆ สี่ บัวะ กั้น เญย เฒี้ยว กุ๊น, หย่า โหฒว หญู่งๆ เหว่ย ปุน เฒี้ยว อะเฮน้ย. ไม้ ตู๋ง เต๋า ฑุ่ย,

10หย่า ไม้ ตู๋ง หนิ่ม เฒี้ยว เญย ญ่าน. นิ่น บัว อ๋อย หฒุ เยียม หม่าน สี่ ปุน ธีง นิ่น บัว หฒั่นๆ เหฒียบ ฒัวะ เญย โหฒว เหว่ย ปุน นิ่น บัว โหฒว เญย หญู่งๆ ตุ๊ เมี่ยน ท่าย บัว เญย เหฌียว เฒี้ยว ทิน-ฮู่ง เญย โต์.

11ทิน-ฮู่ง เญย เอน ฒู้ง ปิ๋ว เม่ง ธ้วด ต้าย เหว่ย ปุน หม่าน เมี่ยน ตุ๊ เหฌียว.

12น้าย หญู่ง เอน หฌาว บัว กวั่ง ฆอย ต้ง ไม้ ท่าย ทิน-ฮู่ง เญย เหธา ป้าม เมี่ยน เฮญี้ยว หั่น โหฒว เญย เหยียด ฒู้ง, ฯฒฯ เยียม น้าย จ๋า ลู่ง เดี๊ย กุ๊น ตุ๊ กั้น, โหฒว แป้ง ฟิม เญย, หย่า กัน หลง ทิน-ฮู่ง.

13อ๋อย หฒุ ฮนั้ง น้าย นอ โหฒว ฒั้ว เจี๊ยน บัว ม่าย ลั่ม ฮนั้ม อ๋อย ตุ๊ เญย ออน-เหลาะ, ต้ง โฮล เจี๋ย เญย ทิน-ฮู่ง, บัว เญย เหฌียว เฒี้ยว เยซู กีตู่, เยียม นิ่น เญย ฌัง-หล่าง แอ๋ง ต้าย.

14นิ่น เหว่ย บัว เซี้ย นิ่น กั้น เญย แหม่ง หฒัวะ บัว หฑวน, เล่ย ดุ๊ด เหยียด ฒู้ง หว่าย เญย, เอ๊าะ เญย สี่. นิ่น หย่า หฑาว บัว ธีง-เหฑ่ง ต้าย, เป๋น นิ่น กั้น เญย เมี่ยน, บัว ฯฒฯ จอม เฮญี้ยว เญย โหฒว หญู่งๆ คู้ สี่.

15เม่ย อ๋อย หฒุ หล่ง น้าย เต๋ย หว่า หฌาว เมี่ยน. อ๋อย หฒุ หล่ง เหฑ่ง เม่ย เญย หัด ม์า ขวิน เมี่ยน, ก๊อง-เหม เมี่ยน. หย่า ไม้ ตู๋ง ปุน หาย เต้า หมั่ง เผีย เม่ย.

← Chapter 1 Jump to: Chapter 3 →