bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Iu
/
ฉบับอักษรโรมันใหม่ - Thailand Bible Society, 2007
/
Jeremiah 13
Jeremiah 13
ฉบับอักษรโรมันใหม่ - Thailand Bible Society, 2007
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 14 →
1
Ziouv hnangv naaiv gorngv mbuox yie, “Mingh maaiz diuh la'maah ndie sai jienv jaaiv yaac maiv dungx ziemx wuom.”
2
Yie ziouc ei jienv Ziouv nyei waac maaiz diuh sai jaaiv ndie sai jienv.
3
Yie aengx duqv zipv Ziouv nyei waac da'nyeic nzunc gorngv,
4
“Oix zuqc zorqv meih maaiz daaih sai jaaiv ndie, dongh meih sai jienv nyei ndie, jiez daaih dorh mingh Yu^fe^ditc Ndaaih bingx jienv la'bieiv-qangx.”
5
Yie ziouc mingh Yu^fe^ditc Ndaaih, zorqv wuov diuh sai jaaiv ndie bingx jienv ndaaih hlen, hnangv Ziouv paaiv yie nyei waac.
6
Jiex liuz camv-hnoi Ziouv gorngv mbuox yie, “Jiez daaih mingh Yu^fe^ditc Ndaaih. Yiem wuov zorqv yie paaiv meih bingx wuov diuh sai jaaiv ndie daaih.”
7
Yie ziouc mingh Yu^fe^ditc Ndaaih, yie bingx wuov diuh sai jaaiv ndie nyei dorngx, wetv cuotv daaih. Yie buatc wuov diuh sai jaaiv ndie zungv huv nzengc. Maiv haih longc zoux haaix nyungc aqv.
8
Yie aengx duqv zipv Ziouv nyei waac gorngv,
9
“ Ziouv hnangv naaiv gorngv, ‘Yie yaac hnangv wuov nor oix zoux waaic Yu^ndaa maux nyei jauv, caux Ye^lu^saa^lem zoux maux hlo haic nyei jauv.
10
Naaiv deix orqv mienh, dongh maiv kangv muangx yie nyei waac nyei mienh, se ngaengc jienv ei ganh nyei hnyouv zoux ziouc gan nyiec nyei zienh yaac fu-sux, baaix wuov deix zienh, ziouc hnangv naaiv diuh sai jaaiv ndie maiv lamh longc yietc deix.’
11
Ziouv gorngv, ‘Sai jaaiv ndie hnangv haaix nor naetv jienv mienh nyei jaaiv, yie yaac hnangv wuov nor bun I^saa^laa^en nyei zuangx zeiv-fun caux Yu^ndaa nyei zuangx zeiv-fun naetv jienv yie, weic benx yie nyei baeqc fingx bun yie duqv mengh dauh, duqv mienh ceng yaac duqv mienh taaih. Mv baac ninh mbuo maiv kangv muangx.’
12
“Oix zuqc mbuox ninh mbuo, ‘ Ziouv, I^saa^laa^en Mienh nyei Tin-Hungh, hnangv naaiv gorngv, “Norm-norm ongx oix zuqc maaih diuv dapv buangv.” Ninh mbuo ziouc mbuox meih, ‘Yie mbuo fungc maiv hiuv duqv norm-norm ongx oix zuqc maaih a'ngunc diuv dapv buangv fai?’
13
Meih oix zuqc mbuox ninh mbuo, ‘ Ziouv hnangv naaiv gorngv, “Yie bun naaiv norm deic-bung nyei yietc zungv mienh nquin nzengc, se zueiz jienv Ndaawitv Hungh nyei weic nyei hungh diex caux sai mienh, douc waac mienh caux yiem Ye^lu^saa^lem nyei yietc zungv baeqc fingx.’
14
Ziouv gorngv, ‘Yie oix bun ninh mbuo laanh zong laanh, die caux dorn fih hnangv nyei. Yie maiv korv-lienh, maiv korv-fiqv, maiv liouh ninh mbuo nyei maengc, zungv oix mietc ninh mbuo.’+”
15
Oix zuqc muangx yaac baeng m'normh muangx longx. Maiv dungx zoux maux, weic zuqc Ziouv gorngv liuz aqv.
16
Ziouv, meih mbuo nyei Tin-Hungh, maiv gaengh bun hmuangx taux, meih mbuo nyei zaux yaac maiv gaengh yiem mbong gu'nguaaic, nziemx-yaangh nyei ziangh hoc, ndiqv zuqc ndorpc, meih mbuo oix zuqc taaih ninh. Meih mbuo lorz njang nyei ziangh hoc, ninh bun tiuv benx yiem-yiem nyei, yaac tiuv benx mapv maengh mapv hmuangx nyei.
17
Mv baac se gorngv meih mbuo maiv muangx, yie oix weic meih mbuo zoux maux nyei jauv bingx jienv nyiemv. Yie nyei m'zing nyiemv duqv kouv, maaih wuom-mueic liouc njiec, weic zuqc Ziouv nyei baeqc fingx zuqc guaatv mingh mi'aqv.
18
Oix zuqc mbuox hungh caux hungh nyei maa, “Njiec meih mbuo nyei weic zueiz jienv aiv nyei dorngx, weic zuqc meih mbuo nzueic haic nyei hungh ningv yiem meih mbuo nyei m'nqorngv zungv ndortv njiec mi'aqv.”
19
Negepc Deic nyei zingh guon nzengc mi'aqv. Yaac maiv maaih mienh koi. Yu^ndaa nyei yietc zungv mienh zuqc guaatv mingh, zungv zuqc guaatv mingh nzengc.
20
Meih mbuo oix zuqc cau m'zing mangc yiem baqv bung daaih nyei mienh. Yie zinh ndaangc bun meih goux wuov guanh ba'gi yungh, se meih nzueic haic nyei ba'gi yungh guanh, ih zanc yiem haaix?
21
Ninh mbuo zorqv dongh meih ganh njaaux caux meih daav loz-gaeng wuov deix liepc daaih gunv meih, meih oix hnangv haaix nor gorngv? Meih maiv zeiz oix mun kouv hnangv m'sieqv dorn mun jienv gu'nguaaz nor fai?
22
Se gorngv meih yiem ganh nyei hnyouv gorngv, “Yie weic haaix diuc zuqc naaiv deix sic?” se laaix meih nyei zuiz hlo haic meih nyei junh cingx zuqc ciev guangc, meih yaac zuqc mienh caa.
23
E^ti^o^bie Mienh haih tiuv ninh nyei ndopv fai nda'maauh mbeux tiuv ninh nyei biangh fai? Se gorngv ninh mbuo haih nor, meih mbuo zoux guenx orqv sic nyei mienh yaac haih zoux duqv kuv sic aqv.
24
“Yie oix bun meih mbuo faatv nzaanx hnangv mbieqv zuqc deic-bung-huaang nyei nziaaux buonc mingh nor.
25
“Naaiv se meih nyei buonc, se yie hlaau bun meih nyei buonc, laaix meih la'kuqv yie, yaac kaux gorngv-baeqc nyei waac.” Naaiv se Ziouv gorngv nyei waac.
26
Weic naaiv yie ganh oix zorqv meih nyei junh juoqv nzien faaux buang meih nyei hmien, bun meih nyei bingx-ciouv cuotv ziouc zuqc nyaiv.
27
Yie mangc buatc meih yiem lomc-huaang nyei mbong-aiv zoux gamh nziev nyei sic, meih zoux hienx nyei jauv, cuotv saeng nyei qiex, maaic sin zoux nyaiv nyei sic. O Ye^lu^saa^lem aac, meih zuqc kouv aqv. Meih taux haaix zanc cingx saax cing-nzengc daaih?
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52