Joshua 12

ฉบับอักษรโรมันใหม่ - Thailand Bible Society, 2007

← Chapter 11 Jump to: Chapter 13 →

1Daaux naaiv mingh gorngv I^saa^laa^en Mienh yiem Jor^ndaen Ndaaih dong bung maengx mborqv hingh aengx caangv duqv ninh mbuo nyei deic-bung wuov deix hungh, se yiem Aannon Horngz mingh taux Hemon Mbong, liemh yietc zungv Aa^laa^mbaa Deic dong bung maengx.

2Aa^mo^lai Mienh nyei Si^honx Hungh yiem Hetv^mbon Zingh. Ninh gunv nyei deic-bung yiem Aannon Horngz-hlen, Aa^lo^e Zingh, se yiem wuov norm horngz mbu'ndongx mingh taux Yapv^mborkc Ndaaih, Ammon Mienh nyei gapv-jaaix, se yietc buonc Gi^le^aatc Deic.

3Ninh yaac gunv Jor^ndaen Ndaaih dong bung nyei Aa^laa^mbaa Deic yiem Kin^ne^letv Koiv-Dorn njiec mingh taux Aa^laa^mbaa Koiv, se Koiv-Nzauv, mingh taux Mbetc Ye^si^motv Zingh njiec naamh bung taux Bitc^gaa Mbong-juoqv.

4Mbaasaan Deic nyei Okc Hungh, se yietc dauh zengc njiec nyei Le^faa^im Mienh. Ninh yiem Atc^taa^lotv Zingh caux E^nden^i Zingh.

5Ninh gunv Hemon Mbong caux Saax^le^kaa Zingh, aengx gunv nzengc Mbaasaan Deic mingh taux Gesu Mienh caux Maa^aa^kaa Mienh nyei gapv-jaaix, se yietc buonc Gi^le^aatc Deic taux Hetv^mbon Zingh nyei hungh, Si^honx, nyei gapv-jaaix.

6Ziouv nyei bou, Mose, caux I^saa^laa^en Mienh mborqv hingh ninh mbuo. Ziouv nyei bou, Mose, yaac zorqv ninh mbuo nyei deic-bung jiu bun Lu^mben Mienh, Gaatc Mienh caux ndaamv-fingx Maa^natv^se Mienh, benx ninh mbuo nzipc nyei buonc.

7Daaux naaiv mingh gorngv taux Yo^su^waa caux I^saa^laa^en Mienh yiem Jor^ndaen Ndaaih fai bung maengx mborqv hingh nyei hungh diex. Ninh mbuo nyei deic-bung yiem Le^mbaa^norn Horngz, Mbaa^an Gaatc Mungv, mingh taux Se^i Deic, Haalakv Mbong. Yo^su^waa zorqv naaiv norm deic-bung ziux I^saa^laa^en Mienh nyei fingx paaiv bun nqoi benx ninh mbuo nzipc nyei buonc,

8se mbong-aiv dorngx, la'aiv dorngx, Aa^laa^mbaa Deic, geh zorng, deic-bung-huaang caux Negepc. Naaiv se Hitv^tai Mienh, Aa^mo^lai Mienh, Kaa^naa^an Mienh, Be^litv^si Mienh, Hiwai Mienh caux Ye^mbutc Mienh nyei deic-bung.

9Ye^li^ko Zingh yietc dauh Ai Zingh, (nitv Mbetc^en Zingh) yietc dauh

10Ye^lu^saa^lem Zingh yietc dauh He^mbo^lon Zingh yietc dauh

11Yaanmutv Zingh yietc dauh Laakitv Zingh yietc dauh

12Ekc^lon Zingh yietc dauh Gese Zingh yietc dauh

13Nde^mbi Zingh yietc dauh Ge^nde Zingh yietc dauh

14Homaa Zingh yietc dauh Aalaatv Zingh yietc dauh

15Lipv^naa Zingh yietc dauh Aa^ndun^lam Zingh yietc dauh

16Makv^ke^ndaa Zingh yietc dauh Mbetc^en Zingh yietc dauh

17Tapv^bu^waa Mungv yietc dauh Hefe Mungv yietc dauh

18Aafekv Zingh yietc dauh Laa^saa^lon Zingh yietc dauh

19Maa^ndon Zingh yietc dauh Haaso Zingh yietc dauh

20Simlon Melon Mungv yietc dauh Akc^saapv Zingh yietc dauh

21Taa^aa^naakv Zingh yietc dauh Me^gitc^ndo Zingh yietc dauh

22Ke^ndetc Zingh yietc dauh Yiem Kaanmen nyei Yokv^ne^am Mungv yietc dauh

23Yiem Naafotv Ndo^aa nyei Ndo^aa Zingh yietc dauh Yiem Gaa^li^li nyei Goyim Zingh yietc dauh

24Ti^laa^saa Zingh yietc dauh Yietc zungv gapv jienv maaih faah ziepc yietv dauh hungh.

← Chapter 11 Jump to: Chapter 13 →