bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Iu
/
ฉบับอักษรโรมันใหม่ - Thailand Bible Society, 2007
/
Proverbs 26
Proverbs 26
ฉบับอักษรโรมันใหม่ - Thailand Bible Society, 2007
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
1
Ceng mienh hngongx mienh se maiv puix, hnangv nqaai gorng duih sorng, fai siou gaeng-zuangx nyei ziangh hoc duih mbiungc.
2
Zioux mienh yaac maiv maaih gorn-baengx yaac zioux maiv zuqc, hnangv norqc meix fai norqc mba'hinx ndaix mingh ndaix daaih yaac maiv nzopc nor.
3
Biaav-bin longc mborqv maaz, hanh kouv fapv lorh nyei nzuih baengx, biaav longc mborqv mienh hngongx mienh nyei diqc daanz.
4
Maiv dungx dau mienh hngongx mienh ziux ninh hngongx nyei waac, nziex meih ganh ziouc caux ninh fih hnangv.
5
Oix zuqc dau mienh hngongx mienh ziux ninh hngongx nyei waac, nziex ei ninh nyei m'zing mangc, ninh funx ninh ganh maaih cong-mengh.
6
Haaix dauh bangc mienh hngongx mienh fungx fienx, se hnangv hngaqv ganh nyei zaux ndutv ziouc hoic ganh.
7
Cong-mengh waac yiem mienh hngongx mienh nyei nzuih se maiv lamh longc, hnangv zaux mbai mienh nyei zaux maiv lamh longc.
8
Ceng mienh hngongx mienh se hnangv zorqv la'bieiv hietv jienv ndopv-hlaang.
9
Cong-mengh waac yiem mienh hngongx mienh nyei nzuih, hnangv njimv yiem diuv nquin mienh nyei buoz.
10
Haaix dauh cingv jiex jauv nyei mienh hngongx mienh fai diuv nquin mienh, se hnangv buonv juang-zinx nyei mienh la'guaih buonv bun zuangx mienh zuqc mun.
11
Mienh hngongx mienh zoux hngongx nyei sic, zoux liuz aengx zoux, se hnangv juv nzuonx mingh nyanc ninh lov nyei ga'naaiv.
12
Meih buatc mienh funx ninh ganh maaih cong-mengh fai? Mienh hngongx mienh zungv maaih lamh hnamv gauh camv ninh.
13
Mienh lueic mienh gorngv, “Maaih sienh yiem wuov jauv! Maaih dauh sienh yiem wuov jaai-horngc.”
14
Gaengh naapc hnangv haaix nor bun gaengh koi mingh koi daaih, mienh lueic mienh bueix jienv coux hnangv wuov nor mbienv mingh mbienv daaih.
15
Mienh lueic mienh nyei buoz dapv bieqc nzormc, bouh faaux ganh nyei nzuih ninh zungv nqemh kouv haic.
16
Mienh lueic mienh ziux ganh nyei m'zing mangc ninh maaih cong-mengh, gauh camv siec dauh dau duqv horpc nyei mienh.
17
Mienh nzaeng jaax nyei sic maiv guen zuqc mbuo, mbuo yaac mingh la'nyauv, se hnangv juv jiex jauv, mienh la'guaih baeng juv nyei m'normh.
18
Haaix dauh nduov ninh nyei juangc laangz mienh yaac gorngv, “Yie gorngv a'nziaauc hnangv lorqc!” Ninh se hnangv butv-ndin mienh zoi douz-baav caux forng-cang, caux bun mienh zuqc daic nyei ga'naaiv.
20
Maiv maaih zaangh, douz ziouc daic mi'aqv. Haaix ndau maiv maaih mienh gorngv waac-sapv waac-huv, nzaeng jaax nyei jauv ziouc dingh aqv.
21
Nzaeng jaax nyei mienh nzaeng jaax bun sic cuotv, hnangv douz-taanx jaa jienv douz caux zaangh dapv jienv zieqc jienv douz nyei douz-nzauc.
22
Gorngv waac-sapv daanh mienh nyei waac, se hnangv duqv nyanc aax kuv nyei ga'naaiv, naqv njiec taux ga'sie.
23
Nzuih gaam hnyouv ciouv, se hnangv nie-mor nzaatv jienv liuc nor.
24
Mienh nzorng mienh yaac longc nzuih ganh nyungc gorngv. Yiem hnyouv ninh kungx nduov mienh hnangv.
25
Ninh gorngv kuh muangx nyei waac meih maiv dungx sienx ninh, weic zuqc yiem ninh nyei hnyouv maaih siec nyungc gamh nziev nyei sic.
26
Maiv gunv ninh longc guv guaix nyei za'eix buang jienv ninh nzaeng nyei jauv, ninh nyei orqv sic oix yiem mienh camv gapv zunv nyei dorngx cuotv daaih.
27
Haaix dauh wetv kuotv, ganh ziouc ndortv bieqc kuotv gu'nyuoz. Haaix dauh fongv la'bieiv, la'bieiv aengx oix daaux nqaang ndapv ninh.
28
Mienh nyei nzuih gorngv-baeqc hoic ninh nzorng nyei mienh. Longc nzuih la'guaih ceng mienh yaac baaic waaic mienh.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31