Galatians 6

Kabyle Maybe is 2001

← Chapter 5 Jump to:

1Ay atmaten, kunwi ileḥḥun s Ṛṛuḥ iqedsen, ma teṭṭfem yiwen yeɣleḍ, erret-ț-id ɣer webrid s leḥnana; ḥadret ɣef yiman-nwen, axaṭer tzemrem aț-țeɣlim ula d kunwi deg ujeṛṛeb.

2?emɛawanet deg unerfud n tɛekkmin nwen, s wakka ara tḍuɛem ayen i d-tenna ccariɛa n Lmasiḥ.

3Ma yeḥseb yiwen iman-is yesɛa lqima nețța ur yeswi kra, ɣef yiman-is i gețkellix.

4Ilaq mkul yiwen ad imeyyez tikli-ines, imiren ma yufa ayen s wayes ara izux, ad izux i yiman-is kan mačči alamma imettel iman-is ɣer wiyaḍ.

5Axaṭer mkul yiwen ad yerfed taɛkumt-is weḥd-es.

6Win iwumi sselmaden awal n Ṛebbi ilaq ad yeǧǧ amur deg wayen akk yesɛa i win i t-isselmaden.

7?adret aț-țɣelṭem: yiwen ur yezmir ad istehzi ɣef Ṛebbi; ayen yezreɛ wemdan, a t-id-imger.

8Win yettabaɛen lebɣi n tnefsit-is, a t-tessiweḍ ɣer lmut; ma d win iteddun s Ṛṛuḥ iqedsen ad isɛu tudert n dayem.

9Ilaq a nxeddem lxiṛ mbla ɛeyyu; axaṭer m'ur nefcil ara, a d-nemger m'ara d-yaweḍ lweqt.

10Ihi, skud yella wamek, a nexdem lxiṛ i yemdanen meṛṛa, abeɛda atmaten di liman!

11Walit tira-agi: s ufus-iw i wen tent-id-uriɣ.

12Wid meṛṛa i gebɣan ad ḥețțmen fell-awen ṭṭhaṛa, bɣan a d-sbeggnen iman-nsen zdat imdanen belli ṭṭfen di leɛwayed, iwakken ur țwaqehhaṛen ara ɣef ddemma n umidag n Lmasiḥ.

13Widak-agi iḍehṛen, nutni s yiman nsen ur ttabaɛen ara ccariɛa; lameɛna bɣan aț-țḍehṛem iwakken ad zuxxen imi ḥettmen fell-awen ṭṭhaṛa-agi.

14Ma d nekk ur bɣiɣ ad zuxxeɣ s wacemma, anagar s lmut n Ɛisa Lmasiḥ ɣef wumidag; axaṭer s lmut n Lmasiḥ ɣef wumidag uɣaleɣ ur ḥsibeɣ ara ddunit-agi, akken daɣen ddunit ur iyi-teḥsib ara ula d nekk.

15Axaṭer ayen yesɛan azal, mačči d ṭṭhaṛa, lameɛna ț-țalalit tajḍiṭ i d-itekken s ɣuṛ Sidi Ṛebbi.

16I wid akk itebɛen abrid-agi, a sen-iniɣ: lehna d ṛṛeḥma n Sidi Ṛebbi a wen-d țțunefkent i kunwi d wegdud n Sidi Ṛebbi meṛṛa!

17Sya ɣer zdat, ur ḥwaǧeɣ yiwen a yi-isseḥzen; axaṭer ccwami yellan di lǧețța-w țbegginent-ed belli d aqeddac n Sidna Ɛisa i lliɣ.

18Ay atmaten, ṛṛeḥma n Ssid-nneɣ Ɛisa Lmasiḥ aț-țili yid-wen meṛṛa! Amin!

← Chapter 5 Jump to: