Hosea 3

Jinghpaw Common Language Bible © Bible Society of Myanmar, 2009

← Chapter 2 Jump to: Chapter 4 →

1Dai Madu gaw ngai hpe, “Sumtsaw langai hte la shaw ai amu shut hpyit nga ai numsha kaw bai sa nna na a tsaw ra myit madun dan su. Israela amyu masha ni gaw karai shaje ni de kayin mat wa nna hpara sumla ni hpe namsi jahkraw hkungga nawng ya ma ai; rai tim, ngai gaw Israela amyu masha ni hpe naw tsaw ra nga nngai zawn nang mung tsaw ra lu na rai ndai,” ngu nna tsun wu ai.

2Dai rai nna, ngai gaw shi hpe mari la na matu gumhpraw tawng shi manga hte muk-yaw mam dang manga hte shi hpe jaw nngai.

3Shi gaw aten na na, shawa num amu n galaw ai hte la shaw amu n shut n hpyit ai sha ngai hpe la nga na matu ngai shi hpe tsun ni ai; ndai aten laman hta chyawm gaw ngai shi hpe la nga nngai.

4Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

5Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

← Chapter 2 Jump to: Chapter 4 →