Joshua 12

Jinghpaw Common Language Bible © Bible Society of Myanmar, 2009

← Chapter 11 Jump to: Chapter 13 →

1Israela amyu masha ni gaw Yawdan hka a sinpraw maga Arnon Kadit kaw nna Yawdan Kadit a hka hku maga, dingdung maga Hermon Bum de du hkra gasat madu la kau nga masai. Shanhte gaw hkawhkam lahkawng yan hpe dang kau ma ai.

2Langai wa gaw Heshbon mare e hkaw dung ai Amori Hkawhkam Sihon rai nga ai. Shi a mungdan mung Gilead mung chyen mi, (Arnon Kadit mahka hku rai nga ai.) Aroera mare hte dai Kadit a ka-ang e de da ai mare kaw nna Yabok hka du hkra Amon lamu ga jarit ni lawm nga ai.

3Galile Nawng nga ai Yawdan Kadit kaw nna (Jum Nawng a sinpraw) dingda maga shanang sa ai Bet Yeshimot de du hkra hte Pisga bum lagaw htep lawm nga ai.

4Shanhte mung Rehpim amyu hta na hpang jahtum hkawhkam langai rai nga ai Bashan Hkawhkam Oga hte shi hkaw dung ai Ashtarot hte Edri mare ni hpe gasat dang la ma ai.

5Shi a mungdan gaw Hermon bum, Saleka, Geshuri Mahka lamu ga jarit hte Gilead mung chyen mi du hkra dam ai Bashan mung ting, Heshbon Hkawhkam Sihon a lamu ga jarit htep lawm nga ai.

6Ndai hkawhkam yan mahtang Mawshe hte Israela amyu masha ni a majaw, sum mat ma ai. Dai Madu a shangun kasa Mawshe mung, Rubin, Gad amyu bawsang ni hte Manashe amyu bawsang kau chyen mi hpe shan a mungdan hpe madu la shangun wu ai.

7Yawshu hte Israela amyu masha ni Yawdan hka a sinna hkran na hkawhkam ni up ai lamu ga yawng ngu na Lebanon Kadit na Balagad mare kaw nna dingda maga de nga ai Edom mung a makau Halak bum htep gasat la kau mu ai. Yawshu gaw dai lamu ga hpe karan nhtawm amyu bawsang ni prat dingsa madu la lu na matu shanhte hpe jaw wu ai.

8Ndai mungdaw ni gaw bumga, sinna maga de na bum lagaw htep, Yawdan Kadit hte de a bum lagaw htep htep, sinpraw maga nga ai bum nhkrem masawn ni hte dingda daw de nga ai hkun hkraw ai shara ni rai nga ai. Dai lamu ga ni hta shawng de Hiti, Amori, Hkanani, Perizi, Hiwi hte Yebusi masha ni nga lai wa sai buga shara ni rai nga ai.

9Israela amyu masha ni gaw lawu de na hkawhkam ni up ai mare ni hpe gasat dang la ma ai; dai ni gaw Yerihko, Ai (Behtela makau na mare re)

10Yerusalem, Hebron,

11Yarmut, Lahkisha,

12Eglon, Gezera,

13Debira, Gedara,

15Libna, Adulam,

16Makeda, Behtela,

17Tapua, Hehpera,

18Ahpek, Lasharon,

19Madon, Hazora,

20Shimron Meron, Ahkashahpa,

21Tanak, Megido,

22Kadesha, Yokneam (Hkarmela na)

23Dora (Panglai hkin-gau ntsa na), Galile ginwang na Goin hte

24Tiza mare ni rai nna, dai mare ni hta hkaw dung hkawhkam ni yawng sumshi langai rai nga ai.

← Chapter 11 Jump to: Chapter 13 →