Nehemiah 7

Jinghpaw Common Language Bible © Bible Society of Myanmar, 2009

← Chapter 6 Jump to: Chapter 8 →

1Ya bunghku bai gaw gap nna chyinghka ni yawng shi shara hte shara shakap da ngut jang, Nawku Htingnu sin ai ni, chyoi pra ai mahkawn mangoi hpung ni hte kaga Lewi masha ni hpe shanhte a amu hta san da ai hkrum nga sai.

2Ngai gaw Yerusalem mare hpe up hkang hpareng na masha lahkawng san da nngai; shan gaw ngai nau Hanani hte hpyen dap hpe up hkang nga ai Hanania yan rai nga ai. Hanania gaw kam hpa mai ai hte Karai Kasang hpe grau nna hkrit kamyin ai wa rai nga ai.

3Ngai gaw shanhte hpe jahpawt de jan atsawm sha rawt ai aten du hkra, Yerusalem chyinghka ni hpe n hpaw na matu mung, jan shang aten sin langa ni bungli garai n tawn da yang, dai ni hpe la nna htinggrang da na matu tsun tawn ni ai. Ngai gaw shanhte hpe Yerusalem hta nga ai amyu masha ni hta na sin langa ni hpe san da na hte shanhte hta na nkau mi lak san shara ni hta lit shatsam na hte kaga ni tinang dum nta grup grup na shara ni hpe kawan hkawm na lam tsun mawe ai.

4Yerusalem gaw dam lada ai mare langai mi rai nga ai, rai ti mung amyu masha law law dai shara hta n nga nga ai, dum nta law law ni hpe garai n gap da lu nga ai.

5Karai Kasang gaw ngai hpe amyu masha ni hte shanhte a ningbaw ni hte du salang ni hpe jahpawng da na matu mung, shanhte a dinghku labau ni gawn na matu mung, bawng dung ai kaw nna shawng nhtang wa ai ni a labau ka matsing da na matu mung, ngai hpe wenyi n-gun shadut ya nga ai. Da ndai gaw ngai mu tam da sai shiga rai nga ai:

6Bawng dung hkrum ai masha law law hte gaw Babelon mungdaw kaw nna pru wa nhtawm Yerusalem hte Yuda mung na tinang nang a mare de nhtang wa ma ai. Shanhte a dinghku ni gaw Hkawhkam Nebuhkadneza shanhte hpe bawng masha hku rim woi mat wa ai shani kaw nna Babelon mung e bawng dung hkrum let nga nga sai ni rai ma ai.

7Shanhte a ningbaw ni gaw Zerubabela, Yawshu, Nehemia, Azaria, Ramia, Nahamani, Mordehkai, Bilshan, Misperet, Bigwai, Nehum hte Bana hte rai ma ai.

← Chapter 6 Jump to: Chapter 8 →