bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kachin
/
Jinghpaw Common Language Bible © Bible Society of Myanmar, 2009
/
Psalms 119
Psalms 119
Jinghpaw Common Language Bible © Bible Society of Myanmar, 2009
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
1
Dai Madu a hkang da ai tara hte maren, mara n kap ai hku asak hkrung nga ai ni gaw a lu ma ai.
2
Shi a hkang da ai tara ni hpe hkan nang nna, myit masin mahkra hte shi hpe madat mara hkan sa ai ni gaw a lu ma ai.
3
Shanhte gaw galoi mung shut hpyit ai amu hpe galaw nga ma ai n rai; shanhte gaw dai Madu a lam ni hta ahkawm nga ma ai.
4
Madu e, nang anhte hpe na a hkang da ai tara ni hpe jaw ya nhtawm; dai ga matsun ni hpe kangka ai hte madat mara hkan sa na matu, nang anhte hpe tsun da nit dai.
5
Na a ga matsun ni hpe hkan shatup lu hkra ngai sadi sahka rai nga lu na hpe, ngai kade wa myit mada nga a hka!
6
Na a hkang da ai tara ni yawng hpe ngai madat mara lu ai rai yang ngai kaya kahpa hkrum na nngai n rai.
7
Na a ding hpring ai tara dara lam ni hpe sharin la lu nna, san seng ai myit hte nang hpe ngai shakawn na nngai.
8
Ngai gaw na a tara ni hpe madat mara hkan nang nga na nngai; ngai hpe galoi mung hkum kau da nga et!
9
Shabrang wa gaw shi a asak hkrun lam hpe san seng nga u ga, kaning rai shadik lu na rai nga a ta? Dai gaw na a hkang da ai tara ni hpe madat mara hkan sa ai hte sha shadik lu nga ai.
10
Nye a myit masin mahkra hte, ngai nang hpe daw jau na matu shakut na nngai; na a hkang da ai tara ni hpe lale kau ai kaw nna ngai hpe makawp da e.
11
Na a tara hpe nye a myit masin hta ngai kyem da nga nngai rai nna, ngai nang hpe yubak n galaw na nngai.
12
Madu e, ngai nang hpe shakawn nga nngai; na a lam ni, ngai hpe sharin ya e.
13
Nang jaw ya sai hkang da ai tara ni yawng hpe, nsen ja ja hte ngai kahtap tsun nga na nngai.
14
Sut gan nlang hkam la lu ai hta, na a hkang da ai tara ni hpe hkan nang nga na, ngai grau ra sharawng nga nngai.
15
Ngai gaw na a ga matsun ni hpe sharin la nngai, na a sharin achyin ai lam hpe mung ngai sawk dinglik yu nngai.
16
Na tara ni hta ngai kabu awng sharawng nga nngai; na a hkang da ai tara ni hpe ngai malap kau na nngai n rai.
17
Na a shangun ma wa ngai hpe mai kaja ai lam madun dan e; shaloi, ngai na a sharin achyin ai ga ni hpe madat mara hkan sa nna, asak hkrung nga na nngai.
18
Nye a myi ni hpe hpaw ya e, shaloi, na a tara hta na mauhpa teng man ai lam ni hpe ngai mu lu na nngai.
19
Ngai gaw ndai mungkan ga ntsa e, jahkring jahkra a matu sha, nga nga nngai; na a hkang da ai ga ni hpe ngai kaw na hkum makoi da et.
20
Aten shagu, na a tara dara ai lam hpe ngai chye mayu nga nngai majaw; nye a myit masin marit ai hte ndawt nga li ai.
21
Nang gaw gumrawng gumtawng ai ni hpe daru sharin nga ndai; na a hkang da ai tara ni hpe tawt lai ai ni gaw dagam kau ai hkrum nga ma ai.
22
ngai gaw na a tara ni hpe shadik shatup nga ni ai majaw, shanhte a shatan nhkan re ai hte n kaw n law re ai kaw na ngai hpe shalawt la e.
23
Mung up du ni ngai hpe gumlau na matu, maw mawn ai hte hpawng nga ma ti mung; ngai gaw na a sharin achyin ai lam ni hpe sharin la nga na nngai.
24
Na a ga matsun ni ngai hpe myit shapyaw ya nna; dai gaw ngai hpe hpaji jaw, lam madun ai ni rai nga ai.
25
Ngai gaw sum kadawng mat nna, ga nhpu hta galeng taw mat ni ai; na a ga sadi hte maren, ngai hpe n-gun nnan jaw ya nna bai sharawt la e.
26
Ngai galaw shut kau sai lam mahkra hpe ngai yin la sai majaw, nye a hpyi nem ai ga hpe htan ya nit dai, na a lam ni hpe mung, ngai hpe sharin ya e.
27
Na a tara ni hpe chye na lu na matu, ngai hpe karum la e; na a mauhpa sharin achyin ai lam ni hpe ngai myit aru yu nga na nngai.
28
Ngai gaw yawn hkyen ai hte dip da hkrum nga nngai majaw; na a ga sadi hta maren, ngai hpe n-gun ban ya e.
29
Shut ai lam hta hkawm sa nga ai kaw na ngai hpe sharai la e; na a mai kaja ai lam hta, ngai hpe na a tara sharin ya e.
30
Na a tara hpe madat mara na matu ngai lata la ni ai; na a tara dara ai lam ni hpe ngai madat hkam la ni ai.
31
Madu e, ngai gaw na a ga matsun ni hpe hkan sa nga ni ai; ngai hpe kaya kahpa hkum, jahkrum et.
32
Nang ngai hpe chye na lu ai myit nyan hpaji hpe grau jaw ya na rai nga ndai majaw, na a hkang da ai tara ni hpe sharawng awng ai myit hte ngai madat mara hkan sa nga na nngai.
33
Madu e, na a tara ni a lachyum, ngai hpe sharin achyin ya e; dai lam ni hpe aten shagu ngai madat mara hkan sa nga na nngai.
34
Na a tara, ngai hpe shaleng dan et, shing rai, dai hpe ngai madat mara nga na nngai; nye a myit masin mahkra hte, dai hpe ngai mazing bang da na nngai.
35
Na a hkang da ai tara ni hta, kabu gara ai lam hpe ngai mu nngai majaw, dai ga matsun ni hpe chye madat mara nga shangun rit.
36
Sut su ngamu ngamai wa na hta, na a tara ni hpe madat mara hkan sa na hpe grau ra sharawng ai myit ngai hpe jaw bang ya e.
37
Kaman lila hpe myit manoi nga ai kaw nna ngai hpe shatsan kau ya e; na a ga sadi nga ai hte maren, mai kaja ai lam, ngai hpe madun dan e.
38
Nang hpe hkrit hkungga ai ni hpe jaw ya ai ga sadi, na a shangun ma wa, ngai hpe mung jaw ya e.
39
Ngai hkrit kahpra ai hpe asawng asang re ai ni kaw na ngai hpe hkye mawai la e; na a tara dara ai lam ni gaw kade wa mauhpa rai nga a hka!
40
Ngai gaw na a hkang da ai tara ni hpe madat mara mayu nga nngai; nang ding hpring nga ndai majaw, ngai hpe asak ningnan jaw ya e.
41
Madu e, nang ngai hpe kade wa tsaw ra nga ndai gaw ngai hpe madun dan e; na a ga sadi hte maren, ngai hpe hkye hkrang la e.
42
Na a ga hta ngai kam hpa nga nngai majaw, ngai hpe n kaw n law re ai ni hpe ngai htan lu na nngai.
43
Na a tara dara ai lam ni hta nye a myit mada ai lam nga nga li ai majaw, teng man ai ga hpe aten shagu tsun shaga lu na matu ngai hpe karum la e.
44
Na a tara hpe n hprai ai sha, htani htana prat dingsa ngai hkan nang nga na nngai.
45
Na a sharin achyin ai hpe ngai madat mara hkan nang shakut nga nngai majaw, hkum tsup ai shanglawt ahkaw ahkang hta ngai hkawm sa nga na nngai.
46
Na a hkang da ai ga ni hpe hkawhkam ni a man e, ngai tsun ndau na nngai rai nna, kaya kahpa ngai hkrum na nngai n rai.
47
Hkang da ai tara ni hpe ngai tsaw ra nga nngai majaw, dai lam ni hpe madat mara hkan sa ai hta kabu awng sharawng ai lam hpe ngai mu tam nngai.
48
Na a hkang da ai tara ni hpe ngai tsaw ra hkungga nngai; na a ga matsun ni hpe ngai myit aru yu nga na nngai.
49
Na a shangun ma wa ngai hpe jaw ai ga sadi hpe adum nga u; dai gaw ngai hpe myit mada shara jaw ya nga sai.
50
Na a ga sadi gaw ngai hpe asak jahkrung ya nga nit dai majaw; nni nkri hkrum sha nga ai aten hta pyi, shalan shabran ai ngai hkrum nga ni ai.
51
Gumrawng gumtawng ai ni ngai hpe tut nawng e, jahpoi asawng nga ma ti mung; na a tara hpe ngai n kau da na nngai.
52
Lai mat wa sai aten na, na a tara dara ai lam ni hpe ngai dum nga nngai; Madu gaw dai lam ni ngai hpe shalan shabran ya nga ai.
53
Tara n lang ai ni na a tara hpe n hkan ai sha, jahten nga ma ai hpe ngai mu ai shaloi; ngai masin kahtet nga nngai.
54
Kadun la ai dinghta ga na nye a asak hkrun lam hta hkawm sa nga ai laman; na a hkang da ai ga hte seng ai mahkawn ga ni hpe ngai ka jahtuk shalat da nga nngai.
55
Madu e, shana na aten ngai nang hpe myit dum nga nna; na a tara lam ni hpe ngai myit sumru yu nga nngai.
56
Na a hkang da ai ga ni hpe madat mara hkan sa ai hta; nye a kabu gara ai lam hpe ngai mu tam la nga nngai.
57
Madu e, ngai ra sharawng ai lam yawng mayawng gaw nang rai nga ndai; na a tara ni hpe madat mara hkan sa lu na matu, ngai ga sadi jaw nga nngai.
58
Na a ga sadi hte maren, ngai hpe matsan dum la na matu, nye a myit masin mahkra hte nang kaw ngai hpyi nem nga nngai.
59
Ngai gaw nye a asat lawat ni hpe myit sawn yu ni ai; na a ga matsun ni hpe hkan nang na matu, nang hpe ngai ga sadi jaw we ai.
60
N kanung nga ai sha, na a hkang da ai ga ni hpe ngai tin tin madat mara hkan sa nga nngai.
61
N hkru n shawp ai ni nye a matu mahkam hkam da nga ma ti mung; na tara ni hpe ngai malap kau na nngai n rai.
62
Ngai gaw shana yup tung e hprang wa nna, na a ding man ai tara dara lam a matu mara nang hpe ngai shakawn nga na nngai.
63
Ngai gaw nang hpe daw jau nga ai ni hte na a tara ni hpe hkan sa nga ai ni yawng a jinghku wa rai nga nngai.
64
Madu e, ginding aga gaw na a dinggrin tsaw ra myit hte hpring nga ai; ngai hpe na a hkang da ai tara ni sharin ya e.
65
Madu e, na a ga sadi hpe nang shatup nit dai; na a shangun ma wa, ngai hpe mung mai kaja ai lam galaw nga ndai.
66
Na a hkang da ai ga ni hpe ngai kam hpa nga nngai majaw; nyan hpaji hte machye machyang hpaji ngai hpe jaw ya e.
67
Nang ngai hpe ari garai n jaw yang pyi, ngai gaw lam dam mat mat rai nngai, rai ti mung, ya chyawm gaw na a ga hpe ngai madat nga nngai.
68
Nang gaw kade wa mai kaja nga ai hte kade wa matsan dum nga a hka! Ngai hpe na a hkang da ai ga matsun ni sharin ya e.
69
Gumrawng gumtawng ai ni nye a lam hpe masu magaw ga ni hte tsun shatan nga ma ti mung; nye a myit masin mahkra hte na a ga matsun ni hpe ngai madat mara hkan sa nga nngai.
70
Ndai masha ni myit hkawn hkrang ai lam n nga ma ai rai tim, ngai gaw na a tara hta awng sharawng nga nngai.
71
Ngai hkrum sha ai ari gaw nye a matu kaja nga li ai; hpa majaw nga yang, dai gaw ngai hpe na a hkang da ai ga ni hpe sharin la shangun nga ai.
72
Nang ngai hpe jaw ya ai tara gaw mungkan ga na ja gumhpraw sut gan yawng mayawng hta grau nna manu dan nga li ai.
73
Nang ngai hpe hpan da nna shim lum ai hte tawn da nga ndai; na a tara ni hpe sharin la lu n ga, chye chyang ai nyan ngai hpe jaw ya e.
74
Na a ga sadi hpe ngai kam hpa nga nngai majaw, nang hpe hkrit kamyin nga ai ni, ngai hpe mu ma ai shaloi, kabu gara lu na mara ai.
75
Madu e, na a tara dara ai lam ding man nga ai hpe ngai chye nga nngai; nang sadi dung nga ndai majaw, ngai hpe ari jaw nga ndai.
76
Nang ngai hpe ga sadi jaw da nit dai hte maren na a shangun ma wa ngai hpe na a dinggrin tsaw ra myit hte shalan shabran ya nga rit.
77
Na a tara hta ngai sharawng awng nga nngai majaw, nye a ntsa e, matsan dum nga ya rit, ngai ahkrung nga lu na ring ngai.
78
Gumrawng gumtawng ai ni ngai hpe masu ai hku mara shagun nga ma ai majaw kaya kahpa hkrum sha nga mu ga; ngai chyawm gaw na a sharin matsun ai ga ni hpe myit aru yu nga na nngai.
79
Nang hpe hkrit kamyin nga ai ni hte na a hkang da ai ga ni hpe chye na ai ni yawng hte gaw ngai kaw du sa wa mu ga.
80
Ngai gaw na a hkang da ai ga ni hpe ra n rawng hkra madat mara hkan sa nga nngai majaw, kaya kahpa hte sum kadawng ai lam ngai hta n hkrum nga u ga.
81
Madu e, ngai hki ba la nga nngai majaw, ngai hpe hkye hkrang la na matu, nang hpe ala nga nngai; na a mungga hta ngai kam hpa nga nngai.
82
“Nang ngai hpe galoi mi she, karum la na rai nga n ta?,” ngu nna san ai hte, nang tawn da sai ga sadi hpe mada azi yu ai majaw, nye a myi ni tsu nga li ai.
83
Ngai gaw kabai kau sai shanhpyi ndum zawn akyu n rawng nga nngai; rai ti mung, na a hkang da ai ga ni hpe ngai malap kau nga nngai n rai.
84
Gade daram na hkra, ngai ala ra na rai nga a ta? Ngai hpe zingri zingrat di ai ni hpe galoi aten hta, nang ari jaw na n ni?
85
Na a tara hpe hkan sa na matu lale ai gumrawng gumtawng masha ni ngai hpe mahkam hkam na matu, nhkun htu da nga masai.
86
Na a hkang da ai tara ni yawng myit du kam hpa mai nga ai; masha ni gaw masu magaw ga ni hte ngai hpe zingri zingrat di mi ai- ngai hpe karum la e law!
87
Shanhte ngai hpe ganoi noi sha lu sat kau ma ai; rai ti mung, na a hkang da ai ga ni hpe ngai n kau da nga nngai.
88
Na a dinggrin tsaw ra myit a majaw ngai hpe mai kaja ai lam madun dan e; shing rai, na a tara ni hpe ngai madat mara hkan sa lu n ga.
89
Madu e, na a mungga htani htana agrin nga na ra ai; dai gaw sumsing lamu hta e, prat dingsa agrin nga ai.
90
Na a sadi sahka prat mi hte prat mi agrin nga ai; ginding aga hpe nang shara masat da ya nit dai hte, dai gaw a nga nga ai.
91
Arai yawng mayawng hte gaw na a shangun ma ni rai nga ma ai; na a hkang da ai ga ni a majaw, dai ni yawng dai ni du hkra anga nga ma ai.
92
Lama wa, na a hkang da ai tara gaw nye a matu kabu gara ai npawt nhpang n rai taw gaw, nye a nni nkri hta ngai si mat wa na nngai.
93
Ngai gaw na a ga matsun ni hte sha asak hkrung nga lu nga nngai majaw, dai lam ni hpe ngai galoi mung n sawn n sang di kau na we ai n rai.
94
Ngai gaw na a rai nga nngai, ngai hpe hkye hkrang la e! Ngai gaw na a hkang da ai ga ni hpe madat mara hkan sa na matu, shakut shaja ni ai.
95
N hkru n shawp ai masha ni ngai hpe sat na matu, hkap nga ma ti mung; na a hkang da ai tara ni hpe ngai myit aru yu nga na nngai.
96
Arai yawng mayawng hte gaw shadaw shadang a npu e nga nga ma ai; na a hkang da ai mungga gaw dam lada hkum tsup nga ai hpe, ngai sharin la lu ni ai.
97
Na a tara hpe ngai kade wa tsaw ra nga a hka! Dai lam hpe shani tup ngai myit sawn yu nga nngai.
98
Na a hkang da ai mungga gaw ngai hte rau aten shagu nga nga ai rai nna, dai mungga a majaw, nye a gumlau hpyen ni hta grau nna ngai hpe hpaji machye machyang lu la shangun nga ndai.
99
Ngai gaw na a ga matsun ni hpe myit aru yu nga nngai majaw; ngai hpe sharin ya ai sara ni yawng hta grau nna ngai chye chyap nga nngai.
100
Ngai gaw na a hkang da ai ga ni hpe madat mara hkan sa nga nngai majaw; asak kaba sai masha ni hta pyi grau nna ngai hpaji rawng nga nngai.
101
Ngai gaw na a mungga hpe madat mara hkan sa mayu nga nngai majaw, n hkru ai sat lawat yawng hte hpe ngai koi yen kau ni ai.
102
Nang nan nye a sara rai nga ndai majaw, na a ga matsun ni hpe ngai hprai kau we ai n rai.
103
Nang sharin shaga ai ga matsun ni gaw kade wa dwi nga a hka! Dai gaw lagat jahku hta pyi grau nna dwi nga ai.
104
Ngai gaw na a tara mungga ni kaw nna hpaji byeng-ya lu la nga nngai majaw, n tsawm n htap ai arawn alai sat lawat mahkra hte hpe ngai n dawng nga nngai.
105
Na a mungga gaw ngai hpe lam woi ai pyengdin hte nye hkrun lam a matu, nhtoi rai nga ai.
106
Na a ding man ai ga matsun ni hpe madat mara hkan sa na matu, ngai dagam da ai ga sadi hte maren ngai hkan galaw shadik shatup nga na nngai.
107
Madu e, ngai hkrum sha nga ai nni nkri ni gaw teng teng hkrithpa wa rai nga li ai; na a ga sadi hte maren, ngai hpe asak jahkrung tawn e.
108
Madu e, nye a chyeju shakawn akyu hpyi ai ga hpe hkap la ya nna, na a hkang da ai lam, ngai hpe sharin ya e.
109
Ngai gaw hkrithpa asak hkrun lam hta asak dan hkawm sa na matu, tut nawng e jin jin rai nga nngai; na a tara hpe ngai malap kau we ai n rai.
110
Tara n lang ai masha ni nye a matu mahkam hkam da nga ma ti mung, na a hkang da ai tara ni hpe ngai madat mara hkan sa nga nngai.
111
Na a hkang da ai tara ni gaw prat dingsa na nye a sut gan ni rai nga ai; dai ni gaw nye myit masin kabu gara ai lam rai nga ai.
112
Ngai gaw si ai shani du hkra, na a tara ni hpe madat mara hkan sa na matu myit daw dan da se ai.
113
Nang hta tsep kawp sadi n dung ai ni hpe ngai n ju n dawng nga nngai; rai ti mung, na a hkang da ai tara hpe chyawm gaw ngai tsaw ra nga nngai.
114
Nang gaw nye a dahpran shara hte ngai hpe makawp maga ai wa rai nga ndai; na a ga sadi hpe ngai myit mada nga nngai.
115
Yubak kap ai masha ni e, ngai kaw nna pru mat wa mu, nye a Karai Kasang a hkang da ai ga ni hpe ngai madat mara nga na nngai.
116
Na a ga sadi hte maren, ngai hpe n-gun jaw ya e, shaloi ngai asak hkrung nga lu na nngai; nye a myit mada ai lam hta myit daw myit hten shara hkum tai shangun et.
117
Ngai hpe jum da e, shing rai ngai shim nga na nngai; shaloi, na a hkang da ai ga ni hpe tut nawng e, ngai madat mara nga na nngai.
118
Nang gaw na a hkang da ai tara ni hpe hkan sa na matu lale ai ni hpe ningdang kau nga ndai; shanhte a masu magaw ai maw mawn lam ni gaw kaman lila rai nga ai.
119
N hkru n hkra re ai ni yawng hte hpe maza mala hpe zawn, nang kabai kau nga ndai; ngai chyawm gaw na a sharin matsun ai ga ni hpe tsaw ra nga nngai.
120
Na a majaw, ngai hkrit gari nga nngai, na a tara dara ai lam ni a majaw, ngai hta hkrit kamyin ai myit hpring nga nngai.
121
Ding man ai hte mai kaja ai amu ni hpe ngai galaw se ai; nye a gumlau hpyen ni a lata de ngai hpe hkum kau da et!
122
Na a shangun ma wa hpe nang karum la na lam, ga sadi jaw e; myit tsaw myit dap ai masha ni ngai hpe hkum dip gamyet shangun et!
123
Hkrang shaw la na matu, nang ga sadi jaw da sai, na a hkye hkrang la ai karum la lam hpe azi yu nga ai nye a myi ni tsu nga li ai.
124
Na a dinggrin tsaw ra myit hte maren, ngai hpe chyeju galaw ya e, na a hkang da ai ga ni, ngai hpe sharin ya e.
125
Ngai gaw na a shangun ma wa rai nga nngai, na a sharin achyin ai lam ni hpe ngai chye lu n ga ngai hpe machye machyang jaw ya e.
126
Madu e, masha ni na a tara ni hpe hpa zawn n nawn ya nga ma ai majaw, ndai aten na a matu amu galaw na aten rai nga ai.
127
Aja hte jet ai aja hta grau nna, na a hkang da ai tara ni hpe ngai tsaw ra nga nngai.
128
Dai majaw na a ga matsun yawng hte hpe ngai hkan nang nga nngai; shut hpyit ai lam yawng hte hpe ngai n dawng nga nngai.
129
Na a sharin achyin ai ga ni gaw mauhpa wa rai nga ai; dai lam ni hpe, nye a myit masin mahkra hte ngai madat mara hkan nang nga nngai.
130
Na a sharin achyin ai mungga ni hpe tsun shaleng ai lam ni gaw nhtoi hpe jaw ya nga ai rai nna, n chye n chyang ai ni hpe kunghpan wa shangun nga ai.
131
Na a hkang da ai ga ni hpe ngai sharawng nga nngai majaw, hka hpe gara ai zawn gara nna, n-gup mahka let kalawp nga nngai.
132
Nang hpe tsaw ra nga ai ni yawng hte a ntsa e, nang galaw ai zawn, ngai hpang de kayin wa nna ngai hpe matsan dum la e.
133
N hkru n shawp ai masha ni ngai hpe n ka-up kau lu mu ga; na a ga sadi nga ai hte maren, kadawng mat wa ai kaw na, ngai hpe shadaw la e.
134
Ngai gaw na a hkang da ai ga ni hpe hkan nang lu n ga: ngai hpe dip gamyet nga ai ni a lata kaw na hkye hkrang la e.
135
Na a myi man shingkang hte ngai hpe shaman ya e, ngai hpe na a tara ni sharin ya e.
136
Masha ni na a tara hpe n madat n mara nga ma ai majaw, nye a myi prwi ni gaw hka nu zawn lwi nga li ai.
137
Madu e, nang gaw ding hpring nga ndai hte na a tara ni mung teng man nga ai.
138
Nang jaw ya sai tara hkrang ni tsep kawp rap ra ai hte teng man nga ai.
139
Nye a gumlau hpyen ni, na a hkang da ai ga ni hpe hpa zawn n nawn ya nga ma ai majaw, nye a masin kahtet ai gaw wan zawn hkru nga li ai.
140
Na a ga sadi gaw kade wa teng man nga a hka! Dai hpe ngai kade wa tsaw ra nga n hka!
141
Ngai gaw hpa n ging ai hte yu kaji kau hkrum ai wa rai nga nngai; rai ti mung, na a sharin shaga ai ga ni hpe ngai hprai kau nga nngai n rai.
142
Na a ding man ai lam htani htana prat dingsa agrin nga na ra ai. na tara mung tut nawng e teng man nga ai.
143
Myit ru myit tsang ai hte yawn hkyen ai ngai hkrum sha nga nngai; rai ti mung, na a hkang da ai mungga ni ngai hpe kabu gara shangun nga ai.
144
Na ga matsun ni tut nawng e teng man nga ai; ngai hkrung nga lu n ga, ngai hpe chye chyang ai hpaji jaw ya e.
145
Nye a myit masin mahkra hte, ngai nang hpe shaga nga nngai; Madu e, ngai hpe htan ya e, na a hkang da ai ga ni hpe ngai madat mara hkan nang nga na nngai!
146
Ngai nang hpe shaga nngai, ngai hpe hkye hkrang la e; na a hkang da ai tara ni hpe ngai shadik shatup nga na nngai.
147
Karum la na matu, jan garai n pru yang, nang hpe ngai shaga nngai; na a ga sadi hpe ngai myit mada nga nngai.
148
Shana tup n yup ai sha galeng taw nga let, na a sharin shaga ai ga ni hpe myit aru yu nga nngai.
149
Madu e, na a tsaw ra myit gaw dinggrin rai nga ai majaw; na a matsan dum ai myit ngai hpe madun dan nna, nye a asak hpe kyem mazing da ya e.
150
Mazut ai hte zingri zingrat ai ni ngai hpang de shanang sa wa nga ma ai, masha dai ni na a tara hpe galoi mung n hkan nang ai ni rai ma ai.
151
Rai ti mung, Madu e, nang ngai hte ani sha nga nga ai; na a hkang da ai ga ni mahkra agrin nga ai.
152
Moi moi kaw nna, na a sharin shaga ai ga ni hpe ngai hka ja la ni ai; nang gaw dai ni hpe htani htana shagrin da nga nit dai.
153
Na a tara hpe ngai n malap kau nga nngai majaw, nye a nni nkri hpe yu nna, ngai hpe hkye hkrang la e.
154
Ngai hpang maga de tsap nna nye a amu hpe jeyang ya e; na a ga sadi nga ai hte maren, ngai hpe hkye hkrang la e.
155
Tara n lang ai ni na a tara ni hpe n hkan nga ma ai majaw; hkye hkrang la ai shanhte hkrum na ma ai n rai.
156
Rai ti mung, Madu e, na a matsan dum ai myit galu kaba nga ai rai nna; na a matsan dum lama ai myit madun dan nna ngai hpe hkye hkrang la e.
157
Ngai gaw gumlau hpyen ni hte dip gamyet sha ai masha law law lu nga nngai; rai ti mung, na a tara ni hpe madat mara na matu ngai hprai na n rai.
158
Gumle gumlau re ai ni na a hkang da ai ga ni hpe n hkan nga ma ai hpe, ngai mu ai shaloi, ngai yu matsat nga nngai.
159
Madu e, na a sharin shaga ai ga ni hpe ngai kade daram tsaw ra nga ai hpe yu yu u; na a tsaw ra myit galoi mung galai mat ai n rai, dai majaw ngai hpe hkye hkrang la e!
160
Na a tara madung gaw teng man ai lam rai nga ai; na a ding man ai tara dara lam yawng hte gaw htani htana agrin nga ai.
161
Daru magam n-gun atsam rawng ai masha ni gaw ngai hpe n tara ai hku gasat nga ma ti mung; ngai gaw na a tara hpe hkungga nga nngai.
162
Na a ga sadi ni a majaw, ngai kade wa kabu gara nga a hka! Law la ai ja gumhpraw sut gan ni hpe mu tam ai wa zawn, kabu gara nga nngai.
163
Ngai gaw masu magaw ga ni mahkra hpe n ju n dawng ai hte matsat nga nngai, rai ti mung, na a tara hpe chyawm gaw ngai tsaw ra nngai.
164
Na a ding man ai tara dara lam ni a majaw, lani mi hta sanit lang, nang hpe ngai chyeju dum shakawn nga nngai.
165
Na a tara hpe tsaw ra ai ni hkum tsup re ai shim lum ai lam hpe hkam la lu nga ma ai; shing rai, hpa mung, shanhte hpe myit kataw shangun lu na n rai.
166
Madu e, ngai hpe hkye hkrang la na matu nang hpe ngai ala nga nngai; nang hkang da ai ga hte maren, ngai galaw nngai.
167
Na a sharin shaga ai ga ni hpe ngai madat mara hkan sa nga nngai; dai lam ni hpe, nye a myit masin mahkra hte tsaw ra nga nngai.
168
Na a hkang da ai ga ni hte na a matsun maroi ga ni hpe ngai madat mara hkan sa nga nngai; ngai galaw ai lam yawng mayawng hpe mung nang mu nga ndai.
169
Madu e, karum la na matu, nye a hpyi jahtau ai nsen nang kaw hkrang lung wa u ga! Na a ga sadi hte maren, ngai hpe machye machyang hpaji jaw ya e.
170
Nye a akyu hpyi ai ga hpe madat ya e; na a ga sadi hte maren, ngai hpe hkye hkrang la e!
171
Nang ngai hpe na a tara ni sharin ya ai majaw, nang hpe ngai tut nawng shakawn nga na nngai.
172
Na a hkang da ai tara ni gaw ding man nga ai majaw, na a tara lam hpe ngai mahkawn shakawn nga na nngai.
173
Na a hkang da ai ga matsun ni hta ngai hkan nang nga nngai majaw, ngai hpe karum la na matu, tut nawng e, jin jin rai nga u.
174
Madu e, na a hkye hkrang la ai karum la lam hpe ngai kade wa marit nga a hka! Na a tara hta ngai kabu gara ai lam mu la nngai.
175
Ngai hpe asak jaw ya e, shaloi, nang hpe ngai shakawn nga n ga, na a sharin shaga ai ga matsun ni ngai hpe karum nga u ga.
176
Ngai gaw mat mat ai sagu zawn dam hkawm nga nngai; na a tara hpe n hprai kau nga nngai majaw, na a shangun ma re ai ngai hpe sa lakawn la e law.
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150