1 John 1

Kalenjin 2019 (Bukuit Ne Tilil)

Jump to: Chapter 2 →

1Nooto ne ki mi kobooch taunet, nooto ne ki kegas, nooto ne ki kegeer eng' konyekyok, nooto ne kigesue, ak konam eunekyok, agobo Ng'olyootap saboondo,

2(ak king'ang'ak saboonooto, ak ki kegeer, ak kebaoryani, ak kiboorwok saboonooto po koigeny, ne ki mi kobooto Kwanda, ak ki king'ang'wech;)

3nooto ki kegeer ak kegas ko nooto ne keamwok ak okweek, si kobiit osich ak okweek yamdaet kobootech; ee, miitei yamdaennyo kobooto Kwanda, ak kobooto Weeriinnyi Jeso Kristo.

4Kagi sirwok anyun tuguuchuuto si kobiit kosulda poiboiyennyo.

5Ak ni ng'olyoot ne ki kigas eng' ineendet ak keamwok, keele lapkeiyet Kamuktaindet, ama mi mesundeito eng' ineendet agot kitigin.

6Ngot kemwa keele ki tinyei yamdaet kobooto ineendet ak kebendoti eng' mesundeito, kegenu, ama kiyae imanit:

7ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

8Ngot kemwa keele ma ki tinyei tengek, kegenegei, ama mi imanit eng' acheek.

9Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.

10Ngot kemwa keele tomo keyai tengek, ko kagiyai ineendet koek kiplembechwa, ama miitei ng'olyoondennyi eng' acheek.

Jump to: Chapter 2 →