2 John 1

Kalenjin 2019 (Bukuit Ne Tilil)

Jump to:

1Anee poiyot ne asirchini chebyoset ne lewenot ak lagokyik, che achame eng' imanit; ago ma aneege kityo, ago tugul che ingen imanit ak icheek,

2agobo imanit ne menyech ak kotebyei kobootech koigeny.

3Tebyei kobootech myeeindo ak rireenet ak kaalyeet che punu Kamuktaindet Kwanda ak Jeso Kristo, Weeriitap Kwanda, eng' imanit ak chamyet.

4Ki abaibaitu miising' ye ki anyooru lagoguk alak kobendoti eng' imanit, ko uu ye ki king'atech ketaach kobun Kwanda.

5Ak nguno anyun chebyosoni, asoomin miising', ma keele kasirun ng'atuutyet ne leel, ago nooto ki kitinyei kobooch taunet, ale kechamye.

6Ak ni ko chamyet, ale kebendatee kisup ng'atuutikyik. Niito ko ng'atuutyet, ko uu ye ki ogas kobooch taunet, ale obendate ng'atuutyonooto.

7Amu ki komong'ji ng'wony keniik che chaang', icheek che mang'aanyei kole ki nyo Jeso Kristo eng' poorto. Niito ko kenindet, ak ko kirindoindetap Kristo.

8Oriipkei, si momete tuguuk che ki keyai, ago si onyooru melekto ne nyiitaat.

9Chii age tugul ne indoi ama tebyei eng' kaneetisyetap Kristo koma tinyei Kamuktaindet; ago ineendet ne tebyei eng' kaneetisyet kotinyei tuwai, Kwanda ak Weeriit.

10Ngot konyonjok chii ama ibu kaneetisyoni, ko matotaach ineendet eng' kooriikwok, amat ogat;

11amu ineendet ne igati ko kayamda ak ineendet poisyonikyik che yaach.

12Atinye tuguuk che chaang' che katasirwok, ago ma mache asir eng' kartasit ak wino; amang'u Anyoonjok ak keng'alaal togoch eng' togoch, si kobiit kosulda poiboiyennyo.

13Igatin lagogap chepkomet ne lewenot.

Jump to: