bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin 2019 (Bukuit Ne Tilil)
/
Exodus 40
Exodus 40
Kalenjin 2019 (Bukuit Ne Tilil)
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
1
Ki ng'alaalji anyun `Kamuktaindet ne Toroor Musa koleenji,
2
“Lumde koyooto po emait ne kituiyechin eng' peetuut ne po tai ne po arawet ne po tai.
3
Inde moingetap paornateet koot oriit ak ituch eng' ngoryonooto kioiye koot.
4
Yeityo iibu meset inde ko ak itet komyee tuguuk che tebee paragunnyi ak iibu keldap tait, inde ko ak inaam taisyek.
5
Inde kapkorosuut ne po thahabu ne kibeelee nyamdutik eng' taitap moingetap paornateet, ak isonginin angeet eng' kurgeetap emaitap Kamuktaindet.
6
Inde kaptisisyet ne kibeelee tiseiywot taitap kurgeetap koyooto po emait ne kituiyechin.
7
Inde taabeet ne kiuunse kwenutap emait ne kituiyechin ak kaptisisyet ak iroong'ji peek kioto.
8
Lumde ng'ootweetap seremut kot kotuiyo ak isonginin angeet kurgeetap seremut.
9
“Iipe mwanik che ki ilse ak iil emaitap Kamuktaindet ak tuguuk tugul che mi oriit; itabaan ak tuguukyik tugul, si kotiliilit.
10
Yeityo iil kaptisisyet ne kibeelee tiseiywot ak tuguukyik tugul; itiliil kaptisisyet, si kotiliilit miising'.
11
Iil taabeet ne kiuunse ak ng'echerennyi ak itabaan.
12
“Imutu Aron ak weeriikyik kobwa kurgeetap emait ne kituiyechin ak iune peek.
13
Yeityo ilaakyi Aron ngoroik che ki kitabaan ak iil ineendet ak itabaan, si kobiit koboisyeiwo eng' tisiisyet.
14
Imutu weeriikyik ak ilaakyi ngoroik che kooen,
15
ak iil icheek ko uu ye ki iil kwandanywa, si kobiit koboisyeiwo eng' tisiisyet. Egu kailsennywa ne ki ili icheek tiseinateet ne po agoi eng' ibinwekwak tugul.”
16
Ki yai anyun Musa ko uu nooto, ko uu tugul che ki ng'at `Kamuktaindet ne Toroor ineendet.
17
Ki kilumda anyun koyooto eng' kenyiit ne po aeng' eng' arawet ne tai eng' peetuut ne po tai.
18
Ki lumda Musa anyun koot, ki iteepto kong'iikwak che tononie, ki lumda pagoinikyik, ki irooch rateiywekyik ak kolumda lumeiywekyik.
19
Yeityo koiito anyun emait eng' emaitap Kamuktaindet parak ak kotuge angook alak koliich, ko uu ye ki ng'at `Kamuktaindet ne Toroor Musa.
20
Yeityo koip paornateet konde moinget oriit, ki irooch moinget keetiik che ki ibe ak ki iteepto kerwetap rireenet eng' paragutap moinget.
21
Kingo pata, koip ineendet moinget kwo ko oriit ak kosonginin angeet ne kioiye emaitap Kamuktaindet, si koteekta moingetap paornateet, ko uu ye ki ng'at `Kamuktaindet ne Toroor Musa.
22
Ki inde meset emaitap Kamuktaindet ne kituiyechin, kotobon murot kaataam, eng' emaitap Kamuktaindet ne sip kemong'jin.
23
Kitet magatiinik eng' meset eng' taitap Kamuktaindet ne Toroor, ko uu ye ki ng'at `Kamuktaindet ne Toroor Musa.
24
Ki inde keldap tait emait ne kituiyechin, kotoorchin ak meset, kotobon murot tai eng' emaitap Kamuktaindet.
25
Ki inaam taisyek eng' taitap Kamuktaindet ne Toroor, ko uu ye ki ng'at `Kamuktaindet ne Toroor Musa.
26
Ki inde kapkorosuut ne po thahabu emaitap Kamuktaindet ne kituiyechin eng' koyooto sip kemong'jin,
27
ak kibeelee kapkorosunooto nyamdutik che po tuguuk che ng'uu ne anyiny, ko uu ye ki ng'at `Kamuktaindet ne Toroor Musa.
28
Yeityo kosonginin angeet eng' kurgeetap emaitap Kamuktaindet.
29
Ki inde kaptisisyet ne kibeelee tiseiywot eng' kurgeetap emaitap Kamuktaindet ne po emait ne kituiyechin. Ki igoito kagoochinet ne kibeelei ak ne po peek, eng' kaptisisyonooto, ko uu ye ki ng'at `Kamuktaindet ne Toroor Musa.
30
Ki inde taabeet ne kiuunse kwenutap emait ne kituiyechin ak kaptisisyet ak koroong'ji peek oriit, si kiuunse.
31
Ki iun Musa ak Aron ak weeriikyik eunekwak ak keelyekwak eng' kioto.
32
Ki iuni ko uu nooto ye kichutei emait ne kituiyechin oriit ak ye kimachei koriikyi kaptisisyet, ko uu ye ki ng'at `Kamuktaindet ne Toroor Musa.
33
Ki lumda ng'ootweetap seremut koyiem koot ak kaptisisyet ak konde angeet kurgeetap seremut. Ki iges anyun Musa poisyonooto.
34
Ki nyo kotuch anyun pooldet emait ne kituiyechin ak ki nyi emait `liilindap Kamuktaindet ne Toroor.
35
Ki ma imuuch Musa kochut emait ne kituiyechin amu kigatebee pooldet paragutap koyooto ak kiganyi emaitap Kamuktaindet liilindap Kamuktaindet ne Toroor.
36
Ye kingo naam kotogosta pooldet eng' koyooto, konaam koba anyun piigap Israel ko uu nooto eng' panwekwak tugul.
37
Ago ye kingo ma togosta pooldet, ko ki ma kobendi ui agoi peetuut ne togostoi poldanooto.
38
Amu kiteben poldetap Kamuktaindet ne Toroor emaitap Kamuktaindet parak peet, ak ki mi maat poldanooto kemoi, kogigeerei emaitap Kamuktaindet komugul ne po Israel eng' panwekwak tugul.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40