bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin 2019 (Bukuit Ne Tilil)
/
Jeremiah 52
Jeremiah 52
Kalenjin 2019 (Bukuit Ne Tilil)
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
1
Ki po kenyiisyek tiptem ak agenge Zedekiah ye ki tau kolaitorani; ak ki laitoran kenyiisyek taman ak agenge eng' Jerusalem: ak kainetap kamennyi ko ki Hamutal cheptap Jeremiah ne po Libna.
2
Ak ki yai yaityet eng' taitap Kamuktaindet ne Toroor, ko uu tugul che kiga koyai Jehoiakim.
3
Ak ki piitune tuguuchooto nereegegap Kamuktaindet ne Toroor eng' Jerusalem ak Judah kot kotimda icheek koba eng' tainnyi. Ak ki ingelelji Zedekiah laitoryatap Babilon.
4
Ak eng' kenyiitap sogool ne po laitornatennyi, eng' arawetap taman, eng' peetuutap taman ne po arawanooto, konyo Nebukadresar laitoryatap Babilon, ineendet ak lugeennyi tugul, kobookyi Jerusalem, ak koteech kotokyigei nganaseet; ak ki teech icheek irimoik koyiem.
5
Koyiem anyun nganaseet agoi kenyiitap taman ak agenge ne po laitoryat Zedekiah.
6
King'wanit rubeet eng' nganasanooto eng' arawetap ang'wan eng' peetuutap sogool ne po arawanooto, ne ki ma komi amitwogik che amei piik eng' emet.
7
Kobut anyun piik irimeetap nganaseet ak ki mwei murenik tugul che po lugeet kemoi kobun ooreetap ormariichet ne ki mi kwenutap inatusyek aeng', ne ki mi ole neegitee seremutap laitoryat; (kigayiem Kaldeik nganaseet:) ak ki pun icheek ooreetap Arabah.
8
Ago ki oon lugeetap Kaldeik laitoryat, ak ki nam Zedekiah eng' warengosyegap Jeriko; ak kiyesta lugeennyi tugul kometo ineendet.
9
Komut anyun laitoryat, ak komut kwo ole mi laitoryatap Babilon eng' Ribla eng' emetap Hamath; ak ki irwookyi ineendet.
10
Ak ki par laitoryatap Babilon weeriigap Zedekiah kogeerei ineendet: ki par kogeny pounik tugul che po Judah eng' Ribla.
11
Ak ki par konyegap Zedekiah; ak korat laitoryatap Babilon ineendet eng' nyororosyek, ak komut ineendet kwo Babilon, ak kitoorchi ineendet korgoreet agoi peetuutap meennyi.
12
Ak eng' arawetap muut, eng' peetuutap taman ne po arawanooto, ne ki kenyiitap taman ak sogool ne po Laitoryat Nebukadresar laitoryatap Babilon, konyo Nebusaradan, kiptaiyatap riibiik, ne kitononi eng' taitap laitoryatap Babilon, agoi Jerusalem:
13
ak ki peel kootap Kamuktaindet ne Toroor, ak kootap laitoryat; ak kooriik tugul che po Jerusalem, koot age tugul ne oo, ko ki peel.
14
Ak kibut lugeet tugul ne po Kaldeik ne ki mi kobooto kiptaiyatap riibiik, irimoik tugul che po Jerusalem, komoswek tugul.
15
Yeityo komut koluul Nebusaradan kiptaiyatap riibiik piik che kibananook miising', ak piik che kiga ng'et eng' nganaseet, ak che kiga chililso, che ki igoochigei laitoryatap Babilon, ak piigap tuiyet che ki kong'et.
16
Ago ki pagaakta Nebusaradan kiptaiyatap riibiik, piik che kibananook miising' eng' emet, koek riibiigap sabibuk ak koek semberik.
17
Ak kitui Kaldeik tolochigap sugunonik che ki mi kootap Kamuktaindet ne Toroor, ak ng'echerok che ki tebee tuguuk ak nyanjet ne po sugunwet ne ki mi kootap Kamuktaindet ne Toroor, ak koip sugunonik tugul che po tuguuchooto koba Babilon.
18
Ak ki ip tereenik, ak kechigosyek che eecheen, ak magasisyek che kitile ole lalei eng' taisyek, kobooto taabook ak kechigosyek, ak tereenik tugul che po sugunonik che kiboisyee.
19
Ak kigombok, ak tuguuk che ki ibe maat, ak taabook, ak tereenik, ak keelyegap taisyek, ak kechigosyek, ak taabook; ak ki ip kiptaiyatap riibiik tuguuk che ki kiyae thahabu, ko thahabu, ak tuguuk che ki kiyae fedha, ko fedha.
20
Tolochichooto, kobooto nyanjanooto agenge, ak itoonwek taman ak aeng' che po sugunonik che po kiruugik, che ki miitei kurereetap ng'echerok che kitebee, che kiga yachi Laitoryat Solomon kootap Kamuktaindet ne Toroor: ma naoksei nyigiisindap sugunonigap tuguuchuuto tugul.
21
Ago eng' tolochik, kooindap tononetap agenge ko ki mitainik taman ak sisiit che po euut; ak ki mitainik taman ak aeng' che po euut nyigiisindap toloita nooto ngeyiem; ak ki morik ang'wan nyigiisindanyi ngikwa: ki kiyai kioto koek soiyet.
22
Ak kimi metitap sugunwet paragunnyi; ak kooindap tononetap metoto ko ki mitainik muut che po euut, kobooto kariik che regerotiin, ak logoek che ki mi metoto komoswek tugul, che ki po tugul sugunonik: ak ki tinyei toloita ne po aeng' agine tuguuk che uu chooto, kobooto logoek.
23
Ak kimi logoek tamanwogik sogoolu ak lo komoswekyik; kibogol agenge logoechooto tugul che ki mi karichooto regerotiin eng' komoswek tugul.
24
Ak ki imut kiptaiyatap riibiik Seraiah tisiindet ne oo, ak Zephaniah tisiindet ne po aeng', ak riibiik somok che ki riibei kurgeet:
25
Ak ki imut eng' nganaseet kiptaiyat ne ki pou lugeet: ak piik tisap eng' icheek che kigeerei togeetap laitoryat, che ki kinyoorchi nganaseet; ak siriindet ne po kiptaiyatap lugeet, ne ki iyumi piigap emet; ak piik tamanwogik lo che po emet che ki kinyoorchi nganaseet.
26
Ak ki imut Nebusaradan kiptaiyatap riibiik pichooto, komutyi laitoryatap Babilon eng' Ribla.
27
Ak kibir laitoryatap Babilon pichooto, ak kobar eng' Ribla, eng' emetap Hamath. Ki kimut anyun Judah keluul komanda eng' emennyi.
28
Chu piik che ki imut Nebukadresar koluul: eng' kenyiitap tisap kogiluul Yahudik eliphuusyek somok ak tiptem ak somok:
29
eng' kenyiitap taman ak sisiit ne po Nebukadresar komut koluul eng' Jerusalem piik pogolwogik sisiit ak sosom ak aeng'.
30
Eng' kenyiitap tiptem ak somok ne po Nebukadresar komut Nubusaraden kiptaiyatap riibiik, piik pogolwogik tisap ak artam ak muut che po Yahudik: ki ek piik tugul eliphuusyek ang'wan ak pogol lo.
31
Ak eng' kenyiitap sosom ak tisap kobooch ngeluul Jehoiakin laitoryatap Judah, eng' arawetap taman ak aeng', eng' peetuutap tiptem ak muut ne po arawanooto, kotyach Ebil-merodak laitoryatap Babilon eng' kenyiit ne po tai ne po laitornatennyi, Jehoiakin laitoryatap Judah, komong' eng' korgoreet;
32
ak ki ng'alaalji ineendet eng' rireenetapkei, ak konde ng'echerennyi ne po laitornatet kotororit eng' che po laitorinik che ki mi Babilon kobooto ineendet.
33
Ak ki wal ngoroikyik che po korgoreet, ak ki amis eng' tainnyi kotugul eng' peetuusyek tugul che po sabeennyi.
34
Ak ki igoochi laitoryatap Babilon ineendet kotugul kebebertanyi ne po amitwogik, ki igoochin peetuut age tugul kebeberta ne yamei eng' peetuusyek tugul che po sabeennyi, agoi peetuutap meennyi.
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52