bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin 2019 (Bukuit Ne Tilil)
/
John 21
John 21
Kalenjin 2019 (Bukuit Ne Tilil)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
1
Kingo pata tuguuchu koboorchigei Jeso kogeny kasubik eng' araraita ne po Tiberia; ki iboorchigei ko uu ni.
2
Ki mi tugul, Simion Petero ak Thomas ne kiguure Didumo, ak Nathanael ne po Kana ne po Galilaya, ak weeriigap Zebedayo, ak aeng' alak che po kasubikyik.
3
Koleenji Simion Petero, Kawe aram njireenik. Koleenji chuun alage, Kibendi agacheek kobooten. Koba anyun ak kolaany moingetap peek: ak ma nam kiy kemounooto.
4
Ago ye kimachei koeech, kotonon Jeso eng' ngeguut: ago ma nai kasubik kole Jeso.
5
Koleenji Jeso anyun, Lagochu, otinye kiy ne oame? Kowolji koleenji, Achicha.
6
Ak ki leenji icheek, Owiirchi regereiywot ne kiname njireenik komostap tai ne po moinget, si onyooru. Kowiirchi anyun, ak mata komuuch kochuut amu chaang'indap njireenik.
7
Komwachi agenge eng' kasubik, nooto ne chamei Jeso, Petero, koleenji, “Kiptaiyat niito!” Ye kingo kas anyun Simion Petero kole Kiptaiyat, kolaach kotit anyun (amu kimi aach ngor) ak kochoorchigei araraita.
8
Ago ki pwa chuun alage che po kasubik kobunu moinget ne ming'in (amu ki ma ko looen eng' ngeguut, ago ki olo po kakwautik che po euut pogol aeng'), kochuutu regereiywondonooto mi njireenik.
9
Nooto anyun, ye kingo it ngeguut, kogeer eng' yooto maat ne po nesek, ak kiwatanat njiryot eng' yooto, ak magatyat.
10
Koleenji Jeso, Oibu njireenik alak chu korame nguno.
11
Kolaany Simion Petero moinget, ak kochuut regereiywot konyo ngeguut, ak ki nyiitaat njireenik che eecheen, pogol agenge ak konom ak somok: ak nganda ki chaang' njireenik miising', ko ki ma kerer regereiywondonooto.
12
Koleenji `Jeso icheek, “Obwa oamisye.” Ma kany age tugul eng' kasubik koteebe kole, “Ii ng'oo?” Amu ki ingen kole ineendet ko Kiptaiyat.
13
Konyo anyun Jeso ak konam magatyat, ak kogoochi, kobooto njireenik ak icheek.
14
Niito ko ne po somok koboorchingei Jeso kasubik, ko kagong'eet ineendet komong' eng' che ki pek.
15
Ye kingo kagoamis anyun, koleenji `Jeso Simion Petero, “Simion, weeriitap Johana, tos ichama kosiir chu?” Koleenji ineendet, “Ee, Kiptaiyat, ingen ile achamin.” Koleenji, “Pai aarekyuk.”
16
Koleenji kogeny ne po aeng', “Simion, weeriitap Johana, ichama?” Koleenji, “Ee, Kiptaiyat, ingen ile achamin.” Koleenji, “Iyage keechiirekyuk.”
17
Koleenji ne po somok, “Simion, weeriitap Johana, ichama?” Koaragen Petero amu kamwachi ne po somok, koleenji, “Ichama?” Ak koleenji, “Kiptaiyat, ingen tuguuk tugul; ingen ile achamin.” Koleenji `Jeso ineendet, “Pai keechiirekyuk.
18
Amwaun, iman, iman, ale, ye kita ko ii ming'in, ko ki ilaaksechinigei, ak iwendi ole imache; ago ye tuun ioositu, iitoi euneguk, ak kolaakseun age, ak komutin ole memache.”
19
Kimwa niito koboortoi ole teptoi meet ne itorooree Kamuktaindet. Ak ye kingo kagomwa niito, koleenji, “Isubwo.”
20
Kowelelgei Petero, kogeer kasubindet ne ki chamei Jeso kosubi; ne kitiegei tegetap Jeso eng' amisyetap lagat, ak koleenji, “Kiptaiyat, ng'oo ineendet ne ng'wektoin?”
21
Kingo keer Petero ineendet, koleenji Jeso, Kiptaiyat, lyon chiichi?
22
Koleenji Jeso, Ngot amach kotebi agoi tuun anyo, image nee? Isubwo inyee.
23
Kiyom anyun ng'olyoondoni tupchosyek, kole ma meei chiichooto agenge eng' kasubik: ago ki ma mwachi Jeso ineendet, koleenji, “Ma meei” ago ki leenji, “Ngot amach kotebi agoi tuun anyo, image nee?”
24
Ni anyun ko kasubindet ne paoryanjin tuguuchu, ak ne ki sirei tuguuchuuto ak kingen keele po iman paornatennyi.
25
Ak mi kogeny tuguuk alak che chaang' che ki yai Jeso, che, nda kisirei age tugul, aleen ta mayamei ng'wony bukuisyek che kata kisirchin.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
All chapters:
1
2
3
4
5
6
7
8
9
10
11
12
13
14
15
16
17
18
19
20
21