bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible Revised (BUKUIT NE TILIIL Sireet ne Dutero Kanon)
/
Ezekiel 48
Ezekiel 48
Kalenjin Bible Revised (BUKUIT NE TILIIL Sireet ne Dutero Kanon)
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
1
Chu anyun kainaigap ortinwek: kobooch tabandap murot kaataam, ole neegitee ooreet ne wendi Hetlon agoi ole kibunei kebendi Hamath, Hasar-enon ne mi kiwotetap Damasko, ne tokyingei murot kaataam, ne neegitee Hamath; nyooru kiwotosyekwak eng' kong'asiis ak cherongo; kebeberta agenge ne po Dan.
2
Ak kobooch kiwotetap Dan kong'etee komostap kong'asiis agoi komostap cherongo; koegu kebeberta agenge ne po Asher.
3
Ak kobooch kiwotetap Asher, kong'etee komostap kong'asiis agoi komostap cherongo; koegu kebeberta agenge ne po Naphtali.
4
Ak kobooch kiwotetap Naphtali, kong'etee komostap kong'asiis agoi komostap cherongo; koegu kebeberta agenge ne po Manasseh.
5
Ak kobooch kiwotetap Manasseh kong'etee komostap kong'asiis agoi komostap cherongo; koegu kebeberta agenge ne po Ephraim.
6
Ak kobooch kiwotetap Ephraim kong'etee komostap kong'asiis agoi komostap cherongo; koegu kebeberta agenge ne po Reuben.
7
Ak kobooch kiwotetap Reuben, kong'etee komostap kong'asiis agoi komostap cherongo; koegu kebeberta agenge ne po Judah.
8
Ak kobooch kiwotetap Judah, kong'etee komostap kong'asiis agoi komostap cherongo, koegu kagoochinet ne ogoitoi, tebeesindanyi ko tegat eliphuusyek tiptem ak muut, ak kotenitu koindonyi agenge eng' kebeberwechooto, kobooch komostap kong'asiis agoi komostap cherongo: ak komi ole-tiliil kwenunnyi.
9
Egu kooindap kagoochinet ne ogoochini Kamuktaindet ne Toroor, tegat eliphuusyek tiptem ak muut, ak koek tebeesindo eliphuusyek taman.
10
Ak punjin icheek, chooto ko tisiik, kagoochinet ne tiliil; egu koindo ne tokyingei murot kaataam, eliphuusyek tiptem ak muut, ak koek tebeesindo, ne tokyingei cherongo, eliphuusyek taman, ak koek tebeesindo ne tokyingei kong'asiis, eliphuusyek taman, ak koek koindo ne tokyingei murot tai, eliphuusyek tiptem ak muut: ak komi ole-tiliil ne po Kamuktaindet ne Toroor kwenunnywa.
11
Punjin nooto tisiik che ki kitabaan eng' weeriitap Zadok, che ki riip ng'atuutikyuk; che ma po kometaa ye kingo meta piigap Israel ko uu ye ki pa Lawiik kometaa;
12
ak koek nooto eng' icheek kagoochinet ne punu kagoochinetap emet, kiit ne tiliil miising', eng' ole neegitee kiwotetap Lawiik.
13
Ak nyooru Lawiik kiwoteet ne koindo ko eliphuusyek tiptem ak muut, ak tebeesindo eliphuusyek taman, kotoorchin ak kiwotetap tisiik: egu koindo tugul eliphuusyek tiptem ak muut, ak tebeesindo eliphuusyek taman.
14
Ama aldoi emonooto, anan kowale age, anan kogoochi toek tongoanigap emet, amu itabaanat emonooto eng' Kamuktaindet ne Toroor.
15
Ak koboisyee piik tugul emet ne kang'et, ne po kilomita taman ak aeng' ak kebeberyat eng' tebeesindo, ak kilomita aeng' ak kebeberyateng' koindo, kobunji emonooto nganaseet ak ole ki menyei, ak ole kiyagisye. Mi nganaseet kwenunnyi,
16
ak chu ko kakwautikyik; egu komostap murot kaataam mitainik eliphuusyek aeng' pogol aeng' ak konom, ak egu komostap murot tai eliphuusyek aeng' pogol aeng' ak konom, ak egu komostap kong'asiis, eliphuusyek aeng' pogol aeng' ak konom, ak egu komostap cherongo eliphuusyek aeng' pogol aeng' ak konom.
17
Ak tinyei nganaseet ole kiyagisye; egu ole tokyingei murot kaataam mitainik pogol agenge ak tiptem, ak egu ole tokyingei murot tai mitainik pogol agenge ak tiptem, ak egu ole tokyingei kong'asiis mitainik pogol agenge ak tiptem, ak egu ole tokyingei cherongo mitainik pogol agenge ak tiptem.
18
Ak aechin kooindap ne ng'etu, ak kagoochinet ne tiliil, egu kilomita muut eng' kilomita aeng' ak kebeberyat kotokyingei kong'asiis, ak egu kilomita muut eng' kilomita aeng' ak kebeberyat kotokyigei cherongo: ak koaechin ak kagoochinet ne tiliil; ak koek ruratennyi amitwogigap icheek che poisyei eng' nganaseet.
19
Ak kobat emonooto icheek che poisyei eng' nganaseet che punu ortinwek tugul che po Israel.
20
Egu kagoochinet komugul kilomita taman ak aeng' ak kebeberyat eng' komoswek tugul ngo koindo, tebeesindo. Ogoitoi kagoochinet ne tiliil ne aechin komoswek tugul ko ang'wan, kobooto emet ne punjin nganaseet.
21
Ak kobunji pounindet ne ng'etu, eng' komosi ak komosin ne po kagoochinet ne tiliil, ak ne po emet ne punjin nganaseet, eng' taitap eliphuusyek tiptem ak muut ne po kagoochinet ne tokyingei kiwotetap kong'asiis, ak ole tokyingei cherongo eng' taitap eliphuusyek tiptem ak muut ne tokyingei kiwotetap cherongo, koaechin ak kebeberwechooto, punjin emonooto pounindet: ak komi kwenunnyi kagoochinet ne tiliil ak ole-tiliil ne po koot.
22
Punjin kogeny pounindet kobooch emetap Lawiik, ak kobooch emet ne punjin nganaseet, ne mi kwenutap emet ne po pounindet, eng' kwenutap kiwotetap Judah ak kiwotetap Benjamin.
23
Ak eng' ortinwek che ng'etunotiin: kobooch komostap kong'asiis agoi komostap cherongo; koegu kebeberta agenge ne po Benjamin.
24
Ak kobooch kiwotetap Benjamin, kong'etee komostap kong'asiis agoi komostap cherongo; koegu kebeberta agenge ne po Simion.
25
Ak kobooch kiwotetap Simion, kong'etee komostap kong'asiis agoi komostap cherongo; koegu kebeberta agenge ne po Issakar.
26
Ak kobooch kiwotetap Issakar kong'etee komostap kong'asiis agoi komostap cherongo; koegu kebeberta agenge ne po Zebulun.
27
Ak kobooch kebeberta ne po Zebulun, kong'etee komostap kong'asiis agoi komostap cherongo; koegu kebeberta agenge ne po Gad.
28
Ak kobooch kiwotetap Gad, eng' komosta ne tokyingei murot tai, koitei kiwoteet Tamar agoi peegap Meriboth-kadesh, agoi kererutap Misiri, agoi nyanjetap Mediterenian.
29
Niito emet ne opchechini ortinwegap Israel eng' seretap parbareek koek porotennywa, ak chuuto ko kebeberwekwak che teerchiin, mwaei Kiptaiyat Kamuktaindet ne Toroor.
30
Ak chu ko ole kimandoe eng' nganaseet; eng' komostap murot kaataam, koegu tegat eliphuusyek ang'wan ak pogol muut ngikwa:
31
Ak kimwaitoe ormariichogap nganaseet kainaigap ortinwegap Israel; tokyingei murot kaataam ormariichok somogu: ormariichetap Reuben, ko agenge, ormariichetap Judah, ko agenge, ormariichetap Lawi, ko agenge;
32
ak eng' komostap kong'asiis koegu tegat eliphuusyek ang'wan ak pogol muut; ak ormariichok somok: chooto ko ormariichetap Joseph, ko agenge, ormariichetap Benjamin, ko agenge, ormariichetap Dan, ko agenge.
33
Ak eng' komostap murot tai koegu tegat eliphuusyek ang'wan ak pogol muut; ak ormariichok somok: ormariichetap Simion, ko agenge, ormariichetap Issakar, ko agenge, ormariichetap Zebulun, ko agenge;
34
eng' komostap cherongo, koegu tegat eliphuusyek ang'wan ak pogol muut, kobooto ormariichokwak somok; ormariichetap Gad, ko agenge, ormariichetap Asher, ko agenge, ormariichetap Naphtali, ko agenge.
35
Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48