bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible Revised (BUKUIT NE TILIIL Sireet ne Dutero Kanon)
/
Luke 13
Luke 13
Kalenjin Bible Revised (BUKUIT NE TILIIL Sireet ne Dutero Kanon)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
1
Ki mi piik alage eng' peetuusyechooto che ki mwachi ineendet agobo piigap Galilaya, che kiburuch Pilato korotiikwak ak tiseiywekwak.
2
Ak kowolji koleenji, “Tos oleen ki kiptengeginik pichooto po Galilaya kosiir piigap Galilaya tugul, amu kinyoor nyalilwogichu?
3
Amwaiwok ale, Achicha: ago, ngot ko mosigu okweek, olustosi okweek tugul ko uu nooto.
4
Anan chooto taman ak sisiit, che kisyep koot ne koi ne po Siloam, ak kobar, tos oleen ki kiptengeginik kosiir piik tugul che ki menyei Jerusalem?
5
Amwaiwok ale, Achicha: ago, ngot ko mosigu ak okweek, olustosi tugul ko uu nooto.”
6
Ak ki mwa kalewenoni, koleenji, “Ki mi chiito age ne ki tinyei mogoywet ne kiga minji mbareennyi ne po sabibuk; ak ki nyo kocheeng' logoegap keetoto, amanyoorchi kiy.
7
Koleenji riibindetap mbareetap sabibuk, ‘Keero, kenyini ko ne po somok anyoone acheeng'e logoek eng' mogoywoni amanyoorunee kiy: ep koluul; amu nee si koamei ng'ung'unyek puch?’
8
Ak ki wolji koleenji, ‘Kiptaiyat, ingotebi kenyini agine, si kota asemberchi ak ande ng'atateek:
9
ak ngo i logoek kong'etee nguno, ko myee; ak ngo ma i, iep anyun koluul.’ ”
10
Ak ki ineetisyei eng' sinagogit age eng' peetuutap sabato.
11
Ak ogeero, kobogoryot age ne ki tinyei tamirmiryet ne po nyalulet kenyiisyek taman ak sisiit; ak kigarigak, ak ki ma kota komuuchi kochuulgei agot kitigin.
12
Ak kingo keer `Jeso ineendet, koguur ak koleenji, “Kobogoryondoni, kagityachin eng' nyaluleng'ung'.”
13
Ak ki igonoor eunekyik ineendet, kochuulak sainooto ak kolas Kamuktaindet.
14
Ki nereech anyun pounindetap sinagogit, amu ki isoop `Jeso chiito eng' peetuutap sabato, ak komwachi tuiyet koleenji, “Miitei peetuusyek lo che nyolu koboisyee piik; obwa anyun eng' peetuusyechooto si kisaabok, ama eng' peetuutap sabato.”
15
Ago ki wolji Kiptaiyat, koleenji, “Okweek chombilik, tos ma yaatei age tugul eng' okweek eitonyi anan sigiryennyi eng' piiy eng' peetuutap sabato, ak kokweri koe peek?
16
Ak kobogoryondoni, ne cheptap Abraham, ne ki korat Setani kenyisyechu taman ak sisiit, tos manyol kityaach eng' ratuutyoni eng' peetuutap sabato?”
17
Ak ye kingo ta komwaei tuguuchu, kolilaanso puunikyik tugul: ago kiboiboitu tuiyet komugul agobo tuguuk che torooreen che ki yaei ineendet.
18
Ki mwa anyun, kole, “Kergei laitornatetap Kamuktaindet ak nee? Ak tos aroge nee?
19
Kergei ak keswootap karadali, ne ki nam chiito, ak komiinji mbareennyi; ak ki piit, agoi koek keetit; ak ki tebee toriitik che po parak mooriikyik.”
20
Ak ki mwa kogeny kole, “Aroge nee laitornatetap Kamuktaindet?
21
Kergei ak mermereek, che ki nam kobogoryot, ak koburukto peek che ng'ootiin che po kitongok somok, agoi kogut tugul.”
22
Ak kibunoot nganasook che eecheen ak che mengech, koneetisyoti, kobunei ooreet ne wendi Jerusalem.
23
Ak ki leenji chiito age, Kiptaiyat, tos ng'ering' che tuun kisaru? Ak ki leenji,
24
Ogiilgei obun kurgeet ne mariich: amu amwaiwok ale, cheeng'ei tuun che chaang' kobun yooto, ago ma tuun imuuchi.
25
Ak ye tuun kang'eet chiitap ko po koot, ak koger kurgeet, ak otau anyun otononse eng' saang', ak ogonygony kurgeet, ole, “Kiptaiyat, yaatwech.” Ak kowolwok ineendet kole, “Mangenok, ak ole obunu.”
26
Otau anyun ole, “Ki kiamisyei ak ki kiee eng' taing'ung', ak ki ineetisyei eng' ortinwekyok.”
27
Ak tuun mwaei kole, “Mangen ole obunu; oba eng' anee, okweek tugul yaigap tengek!”
28
Koek anyun riirek ak nyeetap kelek, ye tuun ogeer Abraham, ak Isak, ak Jakobo, ak maotik tugul, eng' laitornatetap Kamuktaindet, ak kewiirchok okweeget saang'.
29
Ak tuun pwoonei kobunu kong'asiis ak cherongo, ak murot kaataam ak murot tai, ak kotep ng'wony koamis eng' laitornatetap Kamuktaindet.
30
Ak ogeero, mi che po let che tuun egu che po tai, ak miitei che po tai che tuun egu che po let.
31
Ki pwa Pharisaik alak eng' sainooto ak koleenji, “Ng'eet mande, ui eng' oli, amu machei kobarin Herod.”
32
Ak ki leenji icheek, “Oba omwachi lelwandonooto, oleenji: ‘Keero, aoone oik ak asoobi piik rani ak mutai, ak eng' peetuutap somok abegechi.
33
Ago kanyool awo pandanyu rani ak mutai ak peetuut ne po somok: amu ma nyooljin komechi maotyondo oldo age kobatee Jerusalem.’
34
“Ee, Jerusalem, Jerusalem, inyee ne ibare maotik, ak ilage koik che kiyogun! Ki amach konyil ata ayum lagoguk, ko uu ngokyet ne iyumjin aarekyik kebebaikyik, ago ki ma ocham!
35
Ogeero, kagebagakwok koonng'wong' koek kipkuubere: ak amwaiwok ale, Maogeera, agoi tuun ole, ‘Iberuurot ne nyoonei eng' kainetap Kiptaiyat.’ ”
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24