bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
2 Samuel 1
2 Samuel 1
Kalenjin Bible (BUKUIT NE TILIL)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Ak kingobata meetab Saul, ko kagoweek Daudi kobunu baretab Amalegik, ko kagobeni Daudi betusiek aeng’ eng’ Siklag;
2
eng’ betutab somok, ogeero, konyo chito eng’ nganaset ne kimi Saul ko kererotin ngoroikyik, ak komi ng’ung’unyek metinnyi: ak kingoit ole mi Daudi, kobutyi ng’ony, kogutung’ji.
3
Ak kilenji Daudi inendet, Ibunu ano? Ak kilenji inendet, Koachilili eng’ nganasetab Israel.
4
Ak kiteebe Daudi inendet kolenji, Kitepto ano ng’alek? Asomin ale imwawa. Ak kiwol kole, Kimwei bik eng’ luget, ak kogeny, kiibutyot bik che chang’ ak kobek; ak kigome agine Saul ak Jonatan werinnyi.
5
Ak kilenji Daudi murenonoto kimwachin inendet, Inae nee ile kigome Saul ak Jonatan werinnyi?
6
Ak kilenji murenenoto kimwachin inendet, Ye kita ami tulwetab Gilboa, keero, kitiiegei Saul ng’otinnyi; ak keero, kion inendet mising’ karisiek ak bik che lanyei mbartanyisiek.
7
Ak kingowelelgei, kogeera, ak kotwekwa. Ak kiawolji alenji, Ami yu.
8
Ak kilenja, I ng’o? Ak kiawolji alenji, A Amalegindet.
9
Ak kilenja, Asomin ale, tonon eng’ yu ami, ak ibara, amu kagonama bichiindo; amu ta asobe.
10
Atonone anyun yoto kimitei, ak abar, amu kianai eng’ iman ale ma komuchi kosob ko kagobut: ak kianemu kutwetab laitornatet ne kimi metinnyi, ak karnet ne kimi eunnyi, ak kaibu kobwa yu aipchi kiptaiyandennyu.
11
Konam anyun Daudi ngoroikyik kogerer; ak kiyai ko u noto bik tugul che kimi ak inendet:
12
ak kiiteiyo ak koririo ak korugutgei agoi koskoleny agobo Saul ak Jonatan werinnyi, ak agobo bikab Jehovah, ak gotab Israel; amu kibek eng’ rotokab chok.
13
Ak kilenji Daudi murenonoto kimwachin inendet ng’alechato, I bo gab ng’o? Ak kiwol kole, A weritab bunotiot, Amalegindet.
14
Ak kilenji Daudi inendet, Kolya si meiywei ichuul eung’ung’ ibar ne iilat ne bo Jehovah?
15
Ak kiguur Daudi age eng’ murenik, ak kilenji, Rikte ak ibar inendet. Ak kieb inendet kome.
16
Ak kilenji Daudi inendet, Ingotebe korotiguk meting’ung’ amu kagobaorian kuting’ung’ koruogun, kole, Kiabar ne iilat ne bo Jehovah.
17
Ak kirirji Daudi Saul ak Jonatan werinnyi eng’ rirechu:
18
ak kimwachi ichek konet bikab Juda tiendab kwanget: ogeero, kigisirji bukuitab Jasar.
19
Ee Israel, kigibar torornateng’ung’ eng’ komosweguk che tororen! Kiibututa ano che kimen!
20
Mat omwaite eng’ Gat, Mat obarte eng’ ortinwekab Askelon; Si maboiboitu tibikab Pilistik, Si mailosgei tibikab che ma kimuratan.
21
Okwek tulonokab Gilboa, Mat kobiitunenak rewot anan ropta, anan mbarenik che mbarenikab kagochinoik: Amu kigiwirta eng’ tewernatet long’etab inendet ne kim eng’ oloto, Long’etab Saul, ama kiile mwaita.
22
Eng’ korotikab che kigibar, Eng’ mwanikab che kimen, Ko ma week let kwangetab Jonatan, Ama week buch rotwetab chok ne bo Saul.
23
Ki kororon Saul ak Jonatan ak ki chamotin eng’ sobonwekwak, Ak ma besio eng’ meenywa; Ki chepcheben kosiir kipsichinik, Ki kimen kosiir ng’etunyik.
24
Okwek tibikab Israel, oririe agobo Saul, Inendet ne kiilaakwok ngoroik che biriren che bo boiboiyet, Ne kiinde lelestab tahabu ngoroikwok.
25
Kiibututa ano che kimen eng’ kwenutab boriet! Kigibar Jonatan eng’ komosweguk che tororen.
26
Aarogeni amu inye, tupchennyu Jonatan: Kiigona abaibait mising’: Ki bo kwong’et chamnyeng’ung’ ne kiichama, Kisiirei chamnyetab kwonyik.
27
Kiibututa ano che kimen, Ak kibetyo karikab luget!
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24