3 John 1

Kalenjin Bible (BUKUIT NE TILIL)

Jump to:

1Ane boiyot ne asirjini Gaio chamanet, ne achame eng’ imanit.

2Chamanani, asae ale iberuroge komie eng’ tuguk tugul ak itepte chametab ge, ko u ye iberurot sobondang’ung’.

3Amu kiabaibaitu mising’ kingobwa che ketupche kobaorian agobo imaning’ung’, ko u ye iwendote imanit.

4Matinye boiboiyet age ne siirei ni, ye agase kele bendoti lagokyuk eng’ imanit.

5Chamanani, iyae boisietab iman eng’ kit age tugul ne iyae agobo tupchosiek ak toek;

6che baoriani agobo chamnyeng’ung’ eng’ kaniset: iyae ne mie ye iyomisi eng’ bandanywa ko u ye nyolu eng’ Jehovah:

7amu kiba ichek agobo Kainet, ama ib kiy eng’ Bororiosiek.

8Noto anyun kanyoljech ketaach che u ichek, si kobiit keegu che kiboisiei koboto ichek eng’ imanit.

9Kiasirji ng’olyo kaniset: ago ma taachech Diotrepe, ne chamei koek ne o eng’ kwenunywa.

10Ko noto anyun, ngot anyo, anyone abwati boisionikyik che yaei; mwaei ng’alek che yaachen che bo buch agobo achek: ama yamei choto, mataachei inendet tupchosiek, ak koete ichek che machei kotaach, ak koonei eng’ kaniset.

11Chamanani, amesub yaitiet, ago isub ne mie. Inendet ne yaei ne mie ko bo Jehovah: inendet ne yaei yaitio ko tom kogeer Jehovah.

12Kigobaorian bik tugul agobo Demetrio, ak kobaoriani imanit agine: ee, kibaoriani agachek; ak ingen ile bo iman baornatennyo.

13Katinye tuguk che chang’ che katasirun, ago mamache asirunenen wino ak kalamit:

14ago amang’u ageerin ko negit, ak keng’alal togoch eng’ togoch. Ingoteb kalyet koboten. Igatin choronok. Igat choronok eng’ kainaikwak.

Jump to: