James 5

Kalenjin Bible (BUKUIT NE TILIL)

← Chapter 4 Jump to:

1Ogas anyun, okwek magorek, oririe ak oteeiye amu nyalwogikwok che bwanjinok.

2Kagonunio magornatosiekwok, ak kigoam kiptorotinik ngoroikwok.

3Kagoruotityo tahabusiekwok ak fedaisiekwok; ak tun egu karuotitoenywa baornatet eng’ okwek, ak tun amei borwekwok ko u mat. Kaogonorjige magornatet eng’ betusiek che bo let.

4Ogeero, boldos melekwekab kiboitinik che kigesei mbarenikwok, che kionamdege: ak kigochut itikab Kiptaiyatab Lugosiek rirekab ichek che kigesei.

5Kiomeng’isie eng’ ng’ony eng’ kabaibaetab ge, ne kiobaibaege magutikwok; kiobai mugulelwekwok eng’ betutab eng’set.

6Kioruokyi, ak kiobar chitab imanda; ama kirindook.

7Omuite anyun, che kitupche, kot koit nyonunetab Kiptaiyat. Ogeero, igeni chitab kobo mbaret logoek che miachen che bo ng’ony, ak komuitoi agobo choto, kot konyor ropta ne bo tai ak ne bo let.

8Omuite anyun ak okwek; ogimit mugulelwekwok: amu kagonegitit nyonunetab Kiptaiyat.

9Among’unyng’ung’jige okwege, che kitupche, si ma kiruokwok: ogeero, tononi kiruogindet eng’ taitab kurgotik.

10Tupchosiechu, obwat maotik che king’alal eng’ kainetab Kiptaiyat, koek karogutietab nyalilda ak muitaet.

11Ogeero, kiguure che kimuita che boiboen: kiogas agobo muitaetab Job, ak kiogeer kit ne kiyai Kiptaiyat eng’ let, ole nyiitat rirenet Kiptaiyat, ak koriregei.

12Ago ne siirei tuguk tugul, tupchosiekyuk, ko mat oyosie kipsengwet, anan ko ng’ony, anan ko eng’ kayosiet age tugul: ago ingoek ee neng’wong’, ee, ak ingoek achicha neng’wong’, achicha; si mobutyi kiruoget.

13Mi chi eng’ okwek ne nyalili? Ingosa. Mi ne baibai? Ingotien kalosunet.

14Mitei ne miani eng’ kwenung’wong’? Ingoguur boisiekab kaniset; ak kosa ichek agobo inendet, koiile mwaita eng’ kainetab Kiptaiyat:

15ak kosoob saetab kayanet inendet ne miani, ak kong’eet Kiptaiyat inendet; ak ngot ko kigoyai tengekwogik, kenyochi kaat.

16Ong’ang’jige anyun kachiliilutikwok okwege, ak osachinige okwege, si kobiit kisoobok. Toretisiei mising’ saetab chito ne bo imanda ngo sa eng’ kagiiletab ge.

17Ki chito Elija ne u achek, ak kisa kogiilgei kole si marobon; ak ma robonji ng’ony eng’ kenyisiek somok ak arawek lo.

18Ak kisa kogeny; ak kigon kipsengwet ropta, ak kii ng’ony logoekyik.

19Che kitupche, ngot komi chi eng’ kwenung’wong’ ne mastoi eng’ imanda, ak kowal chi inendet;

20ko ingonai kole inendet ne walei kiptengekyot kobagakta mastaetab orennyi kosoru sobondo eng’ meet, ak kotuchei tengekwogik che chang’.

← Chapter 4 Jump to: