Malachi 4

Kalenjin Bible (BUKUIT NE TILIL)

← Chapter 3 Jump to:

1Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

2Ago okwek che oiywei kainennyu kochorjinok asista ne bo imanda ne ting’e kanyaiset kebebaikyik; ak omande, ourerenote ko u moek che kagiyat.

3Ak otiech kiptengeginik; amu egu orek eng’ keldebesaikab kelyekwok eng’ betut ne ayae nito, mwaei Jehovah ne bo lugosiek.

4Obwat Ng’atutietab Musa otwogindennyu, ne kiang’at inendet eng’ Horeb agobo Israel tugul, noto ko ng’atutik ak kiruogutik.

5Ogeero, ayokwok maotiot Elija kotom konyo betut ne o ne imuisei ne bo Jehovah.

6Ak kowal mugulelwekab kwanisiek kotokyigei lagokwak, ak kowal mugulelwekab lagok kotokyigei kwanisiekwak; si manyo abire ng’onyuni chubisiet.

← Chapter 3 Jump to:

Recommended Reading

Commentary Malachi Commentaries → Devotional Malachi Devotional Guide → Get This Bible Kalenjin Bible (BUKUIT NE TILIL) Study Bible →