Philemon 1

Kalenjin Bible (BUKUIT NE TILIL)

Jump to:

1Paulo, kimonjororiotab Kristo Jesu, ak Timoteo tupchennyo, kisirjini Pilemon chamanennyo ne kiboitiot ne kiboisiei tugul,

2ak Apia, chepkamennyo, ak Arkipa askarindet ne kiboisiei tugul, ak kaniset ne mi gong’ung’:

3Ingoteb mieindo kobotok ak kalyet, che bunu Jehovah Kwandanyo ak Kiptaiyat Jesu Kristo.

4Amwachini Jehovah nenyu kongoi kotugul, amwain eng’ sautikyuk,

5agase agobo chamnyeng’ung’, ak kayanet ne itinye eng’ Kiptaiyat Jesu, ak eng’ che tililen tugul;

6si koek yamdaetab kayaneng’ung’ ne boisie komie, eng’ naetab kiy age tugul ne mie ne mitech, eng’ Kristo.

7Amu kiatinye boiboiyet ne o ak kagaigaet eng’ chamnyeng’ung’, amu kigonyor kamuung’et mugulelwekab bik che tililen agobo inye, ne kitupche.

8Noto anyun, agot nga ndatinye nyiganatet eng’ Kristo si ang’atin agobo noto ne nyolu,

9ago, amu chamnyet asomin mising’, ane Paulo ne koaositu, ak nguno kogeny ko a kimonjororiot ne bo Kristo Jesu:

10asomin mising’ agobo lakwennyu Onesimo, ne kiasich eng’ monjorornatosiekyuk,

11inendet ne kima kotoretin eng’ kiy eng’ tai, ago nguno kotoretin ak kotoreta:

12ne kaaweegun inendet ne muguleldanyu:

13ne kitamache arany ketebi tuwai, si kotoreta kogeerenengei eng’ monjorornatosiekab logoiywek che miach:

14ago ma amach ayai kiy kotom agas kit ne ibwati; si mabun mieindang’ung’ torjinet, ago chamdaeng’ung’.

15Amu abere kiibesienengei eng’ betusiek che matia, si kobiit otebi tuwai kogeny agoi;

16ma ko u otwogin kogeny, ago kogosiir otwogin, tupchet ne chamat, mising’ ko eng’ ane, ago siirei ne tia anyun eng’ inye, eng’ borto ak eng’ Kiptaiyat.

17Noto anyun ngiita ile ki agenge eng’ boisiet, itaach anyun ko u ye imuchi itaacha anendet.

18Ago ngo kigoyaun kiy ne ya, anan ngo kigobesenin kiy, iitya noto;

19anendet Paulo ne kasir eng’ eunnyu, ale ayaagun; ago mamwaun ale itinye besendanyu, u kele, inyendet noto.

20Ee, tupchennyu, inganyorunenen boiboiyet eng’ Kiptaiyat: imuung’ji muguleldanyu eng’ Kristo.

21Kasirun amu amang’u kaseng’ung’ bo it, angen ale iyae agot che siirei che amwae.

22Ago koboto choto ichobwa ole anyo arue: amu amang’u ale eng’ sautikwok amuchi abiit.

23Igatin Epapra ne ki kimonjororinik tuwai, eng’ Kristo Jesu;

24ko u noto Mariko, Aristarko, Dema, ak Luka, che ki kiboitinik tugul.

25Ingoteb mieindab Kiptaiyandennyo Jesu Kristo koboto tamirmirikwok. Amen.

Jump to:

Recommended Reading

Commentary Philemon Commentaries → Devotional Philemon Devotional Guide → Get This Bible Kalenjin Bible (BUKUIT NE TILIL) Study Bible →