bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Acts 28
Acts 28
Krio (Krio Fɔs Oli Baybul)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
1
Natin nɔ du wi sote wi rich na sho; dɛn tɛl wi se di ples nem Mɔlta.
2
Di pipul dɛn we wi mit de bin gud to wi, dɛn mek faya fɔ wi bikɔs ren bin de kam ɛn di ples bin kol.
3
Pɔl go gɛda wud put am na di faya. Wɛn di ples wam, wan bad snek kɔmɔt kam bɛt Pɔl in an ɛn fasin de.
4
Wɛn di pipul dɛn na di tɔŋ si wetin bi, dɛn bigin tɔk to dɛn kɔmpin se, “Dis man ya bin dɔn kil pɔsin. I nɔ day na wata bɔt da gɔd we dɛn kɔl Jɔstis dɔn pe am!”
5
Pɔl shek in an oba di faya, di snek fɔdɔm insay; natin nɔ du Pɔl.
6
Di pipul dɛn bin de wet fɔ si wetin go bi to Pɔl. Dɛn bin min se in an go swɛl ɔ i go jɛs fɔdɔm wantɛm ɛn day. Wɛn dɛn dɔn wet lɔŋ, dɛn si se natin nɔ du am, dɛn se Pɔl na wan gɔd.
7
Publiɔs na bin di bigman na di ples, i bin gɛt big fam klos de. I bin gladi fɔ si wi; wi tap to am tri de.
8
Publiɔs in papa nɔ bin wɛl, i bin gɛt fiva ɛn rɔnbɛlɛ. Pɔl go tɛl am adu. Di man wɛl wɛn Pɔl put in an pan am ɛn pre fɔ am.
9
Wɛn dat bi, di ɔda pipul dɛn we nɔ bin wɛl kam fɔ mek Pɔl pre fɔ dɛn ɛn dɛn ɔl wɛl.
10
Dɛn gi wi plɛnti tin fɔ sho wi dɛn rɛspɛkt, dɔn, wɛn wi dɔn go insay di big bot, dɛn gi wi ɔl wetin bin gud fɔ wi fɔ gɛt, fɔ go ɔda say.
11
Wi bin de tri mɔnt na Mɔlta, bifo wi tek wan big bot we kɔmɔt Alɛgzanda. Di bot bin de na Mɔlta ɔl di kol sizin, ɛn i bin nem Twin Brɔda.
12
Wi rich wan tɔŋ we nem Sayrakyus; wi de de tri de.
13
Wi kɔmɔt de go na wan tɔŋ we nem Rɛgium. Di ɔda de di fayn briz blo so wi go na di abɔ na Pyuteoli.
14
Wi mit Kristiɛn dɛn de we aks wi fɔ de to dɛn wan wik bifo wi go Rom. Afta dat wi go Rom.
15
Wɛn di Kristiɛn dɛn na Rom yɛri se wi de kam na Rom, sɔm mit wi na di makit na Apiɔs ɛn sɔm mit wi na wan ples we nem Tri Trenja Os. Wɛn Pɔl si dɛn, dat kɔrej am, i tɛl Gɔd tɛnki.
16
Wɛn wi rich Rom, dɛn nɔ put Pɔl na jel bɔt dɛn mek soja man de gyad am.
17
We Pɔl dɔn de tri de na Rom, i kɔl di Ju bigman dɛn we de na Rom kam na wan mitin. Wɛn dɛn ɔl dɔn gɛda, i se, “Mi brɔda dɛn, a nɔ du mi Ju pipul dɛn natin ɛn a nɔ brok di Ju Lɔ we wi grampapa papa dɛn bin gi wi. Bɔt di Ju pipul dɛn put mi insay jel na Jerusɛlɛm, dɔn dɛn an mi oba gi dɛn Roman pipul.
18
Wɛn di Roman pipul dɛn dɔn jɔj mi dɔn, dɛn bin want fɔ lɛf mi bikɔs dɛn si se a nɔ du natin fɔ mek dɛn kil mi.
19
Bɔt di Ju pipul dɛn pin se di Roman dɛn nɔ fɔ lɛf mi so misɛf se a want mek di kiŋ na Rom jɔj mi. A nɔ kam kɔmplen bɔt mi Ju pipul dɛn.
20
A kɔl una fɔ si una ɛn tɛl una se dɛn chen mi fɔseka di pɔsin we di Izrɛl pipul dɛn abop pan.”
21
Dɛn ansa Pɔl se, “Wi nɔ gɛt ɛni lɛta we kɔmɔt Judia we tɛl wi bɔt yu ɛn wi Ju pipul dɛn we kɔmɔt de nɔ tɛl wi ɛnitin.
22
Bɔt wi go lɛk fɔ yɛri wetin yu biliv, bikɔs wi no se pipul de ɔlsay we de tɔk bad bɔt dis grup we yu dɔn go jɔyn.”
23
So dɛn fɛn tɛm we plɛnti pipul kin kam na di mitin. Wɛn di tɛm rich, dɛn go mit Pɔl na di ples we i bin de. Pɔl tɔk frɔm mɔnin te nɛt de tray fɔ sho dɛn se na tru i de tɔk ɛn i tɛl dɛn di mɛsej bɔt Gɔd in rul. I rid di Lɔ we Gɔd bin gi Mozis ɛn dɛn tin we dɛn prɔfɛt bin rayt, fɔ mek di pipul dɛn go biliv pan Jizɔs.
24
Sɔm pipul biliv wetin Pɔl tɔk, bɔt sɔm nɔ biliv.
25
So dɛn kɔmɔt de ɛn go dɛn we ɛn dɛn nɔ bin gɛt wanwɔd igen, bikɔs Pɔl bin se, “Gɔd in Spirit bin tɔk tru wɛn i tɛl Ayzaya fɔ tɛl una grampapa papa dɛn se,
26
‘Go tɛl mi pipul dɛn se: Una go yɛri wetin dɛn de tɔk, bɔt una nɔ go ɔndastand; Una go si plɛnti tin, bɔt una nɔ go no wetin una si.
27
Dɛn pipul ya dɛn at dɔn traŋa, dɛn dɔn lɔk dɛn yes mek dɛn nɔ go yɛri, ɛn dɛn dɔn sɛt dɛn yay mek dɛn nɔ go si, bikɔs dɛn nɔ want ɔndastand. If dɛn nɔ bin du so, dɛn bin fɔ kam to mi ɛn a bin fɔ mɛn dɛn.’”
28
Pɔl tɔk igen se, “A want mek una no se, Gɔd dɔn sɛn pipul fɔ tɛl dɛn pipul we nɔto Ju bɔt di sev we i de sev pipul, ɛn dɛn go lisin!” [
29
Wɛn Pɔl tɔk dat, di Ju pipul dɛn kɔmɔt de ɛn go dɛn we, dɛn nɔ gɛt wanwɔd igen. Dɛn bin de agyu plɛnti wɛn dɛn de go.]
30
Pɔl de tu ia na Rom na wan os we insɛf bin rɛnt. I kin gladi fɔ ɔlman we go to am.
31
I kin tɛl dɛn bɔt Gɔd in rul. I nɔba fred wɛn i de lan dɛn bɔt Masta Jizɔs Krays ɛn nɔbɔdi nɔba ambɔg am.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28