Ecclesiastes 11

Krio (Krio Fɔs Oli Baybul)

← Chapter 10 Jump to: Chapter 12 →

1Trowe bred na wata, bikɔs afta sɔm tɛm, yu go gɛt am bak.

2Put yu mɔni sɛvin ɔ et say, bikɔs yu nɔ no wetin go apin na wɔl bambay.

3We di klawd dak, ren kin kam. Ɛnisay we tik fɔdɔm, na de i de lidɔm.

4Ɛnibɔdi we na aw di briz de blo i de luk, nɔ go plant; if na di klawd nɔmɔ i de luk, i nɔ go pik wetin i plant.

5Jɛs lɛk aw yu nɔ no aw pikin de gɛt layf insay in mama bɛlɛ, na so yu nɔ no aw PAPA GƆD, we mek ɔltin, de wok.

6Na mɔnin, yu de plant yu sid, ivintɛm, yu stil de fɛn tin fɔ du; bikɔs yu nɔ no uswan go bɛnifit yu, di mɔnin yon ɔ di ivintɛm yon, ɔ sɔntɛnde, dɛn ɔltu.

7Layt na swit tin, pɔsin de ɛnjɔy fɔ luk di san.

8Pipul dɛn we gɛt lɔŋ layf fɔ ɛnjɔy dɛnsɛf ɔltɛm; bɔt lɛ dɛn mɛmba se di bita de dɛn go plɛnti. Ɔl dɛn tɛm dɛn de na fɔ natin.

9Ɛnjɔy yusɛf, yɔŋman, we yu yɔŋ, ɛn lɛ yu at mek yu gladi we yu yɔŋ. Du wetin yu at tɛl yu ɛn tek wetin yu si we yu lɛk, bɔt no se fɔ ɔl dɛn tin dɛn de, PAPA GƆD go jɔj yu.

10Pul vɛksteshɔn kɔmɔt na yu at ɔltogɛda, lɛ yu nɔ go gɛt pen; bikɔs we pɔsin yɔŋ ɛn we i jɛs bigin layf, na fɔ natin.

← Chapter 10 Jump to: Chapter 12 →