bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Habakkuk 2
Habakkuk 2
Krio (Krio Fɔs Oli Baybul)
← Chapter 1
Jump to:
Chapter 1
Chapter 2
Chapter 3
Chapter 3 →
1
Abakɔk se in go tinap na wan ay ples de wach fɔ si ɛn yɛri wetin PAPA GƆD gɛt fɔ se to am, ɛn wet fɔ si aw PAPA GƆD go dil wit in kɔmplen.
2
So PAPA GƆD gi am vishɔn ɛn tɛl am se i fɔ rayt ɔl wetin i si ɛn yɛri klia wan na tablɛt so ɔlman go ebul rid am..
3
I se di tɛm nɔ rich yet fɔ lɛ wetin i go si na di vishɔn apin; bɔt di tɛm gɛt fɔ kam jisnɔ, i go bi ma; i se i fɔ bia fɔ si wetin go apin bikɔs i go tan lɛk natin nɔ de bi bɔt na di rayt tɛm i go bi.
4
I se udat de pan rikishi ɛn bad trik nɔ go ebul bia bɔt udat de du tin tret wan go ɔrayt bikɔs i biliv PAPA GƆD.
5
Nɔ fɔ abop pan jɛntri. I de mek pipul ful ɛn de kak, bɔt dɛn kayn pipul de nɔ de bɛlful lɛk grev yad we nɔ de taya fɔ gɛt nyu tɛnant. So na dat mek di Babilonian dɛn ɔl di tɛm de atak difrɛn neshɔn dɛn ɛn siz di pipul dɛn.
6
Di pipul dɛn na ɔl dɛn neshɔn we dɛn dɔn kapchɔ go barɔf ɛn aks if i nɔ du so. Dɛn go swɛ dɛn fɔ we dɛn jɛs de buli pipul dɛn ɛn mek dɛn pe we go mek dɛn jɛntri.
7
Dɛn se if dɛn nɔ tek tɛm, aw dɛn de du ɔda neshɔn we dɛn bin de mek dɛn ɔda neshɔn dɛn pe dɛt, na so dɛn go fos dɛnsɛf fɔ pe dɛt wande wande. Ɛnimi dɛn go de we go pas am pan dɛn dɔn dɛn go tek ɔl wetin dɛn gɛt go.
8
Bikɔs dɛn dɔn pwɛl bɔku neshɔn dɛn wit fɛt ɛn tif, di wan dɛn we lɛf pan dɛn neshɔn dɛn de dɛnsɛf go pwɛl, fɛt ɛn tif dɛn bak, fɔ di pipul dɛn we dɛn dɔn kil, ɛn di bad tin dɛn we dɛn dɔn du to di ath.
9
Ɛnibɔdi we gɛt jɛntri bay kruk ɛn fɛt fɛt, go mɔs alaki pan ɔl we i go de tray fɔ mek ɔltin ɔrayt nain os.
10
Dɛn dɔn mek nɔbɔdi nɔ tek dɛn mek natin igen Dɛn dɔn put dɛnsɛf ɛn dɛn fambul pan shem we dɛn kil bɔku ɔda pipul dɛn. So dɛnsɛf dɔn alaki.
11
Di ston insay di wɔl go kray ɛn di bim dɛn go ansa..
12
Di wan dɛn we kil fɔ mɔni ɛn jɛntri ɛn tek tin dɛn we nɔto dɛn yon go alaki.
13
Di pipul dɛn we dɛn fos fɔ wok na fɔ natin bikɔs ɔl wetin dɛn bil gɛt fɔ bɔn na faya. Na dat PAPA GƆD go du.
14
Bɔt lɛk aw wata de ful na si, na so ɔlman go no bɔt PAPA GƆD in pawa ɛn di wɔndaful tin we i de du.
15
Ɛni kɔntri we mek in neba sɔfa we i vɛks ɛn mek i nɔ no wetin fɔ du, te i de nekɛd insɛf, go alaki.
16
Na so tin go bad fɔ dɛnsɛf. Pipul go trit dɛn bad we go mek dɛnsɛf staga lɛk udat drɔnk. PAPA GƆD go mɔs mek dɛn sɔfa ɛn dɛn gres go tɔn to gras.
17
Aw dɛn trit Libanɔn bad, na so dɛn go trit dɛn, dɛn animal dɛn we dɛn kil, dɛn gost dɛnsɛf, go tɔmɛnt dɛn bikɔs dɛn kil bɔku pipul na wɔl ɛn we tap na dɛn siti dɛn de.
18
Wetin dɛn smɔl gɔd we dɛn de mek min? Dɛn nɔ gɛt natin fɔ du pas dɛn de lay nɔmɔ. I fɔni fɔ si di wan dɛn we mek dɛn, de abop pan mumu fɔ tɔk, dɔn dɛn se na gɔd.
19
Di pɔsin we de go tinap frɔnt wud ɔ ston de tɛl am fɔ grap du sɔntin, alaki. We na lɛk dayman, wetin i gɛt fɔ du? I lɛk sɛf dɛn put ɔlkayn gold ɔ silva pantap am fɔ mek i fayn, i nɔ min natin bikɔs i nɔ gɛt layf.
20
Bɔt PAPA GƆD in de nain oli os na ɛvin ɛn ɔl udat de na wɔl fɔ jɛs sɛt in mɔt ɛn luk wetin i go du.
← Chapter 1
Jump to:
Chapter 1
Chapter 2
Chapter 3
Chapter 3 →
All chapters:
1
2
3