bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Mark 3
Mark 3
Krio (Krio Fɔs Oli Baybul)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
1
Wan ɔda de, we Jizɔs go na di Ju mitin os, wan man bin lib de we in wan an day.
2
Di Faresi dɛn bin de wach Jizɔs fɔ si if i go mɛn di man we in an day, di de fɔ pre ɛn blo, so dat dɛn go se i dɔn du tin we nɔ rayt.
3
Jizɔs tɛl di man we in an day se, “Grap, kam tinap ya.”
4
Dɔn Jizɔs aks di pipul dɛn se, “I rayt fɔ du gud di de fɔ pre ɛn blo ɔ fɔ du bad? Fɔ sev layf ɔ fɔ kil?” Bɔt dɛn nɔ se fiŋ!
5
As Jizɔs luk dɛn, i vɛks ɛn in at pwɛl bikɔs dɛn at bin traŋa. Jizɔs tɛl di man we in an day se, “Es yu an, tret am.” Di man es in an ɛn tret am. Di an wɛl gud gud.
6
Di Faresi dɛn kɔmɔt na do, go ɛŋ ed wit Kiŋ Ɛrɔd in pati pipul dɛn fɔ si aw dɛn go kil Jizɔs.
7
Jizɔs ɛn in lanin bɔy dɛn go klos di wata we nem Lek Galili. Wɛn di pipul dɛn we kɔmɔt ɔlɔbɔt na Galili, Judia, Jerusɛlɛm, Idumia, ɛn oba Riva Jɔdan, ɛn dɛn tɔŋ we de na Taya ɛn Saydɔn yɛri bɔt wetin Jizɔs du, dɛn go mit Jizɔs nia di lek.
9
Di pipul dɛn bin so plɛnti, dat Jizɔs tɛl in lanin bɔy dɛn fɔ drɔ wan bot kam klos di sho fɔ am, so dat di krawd nɔ go kwis am.
10
Jizɔs bin dɔn mɛn plɛnti sikman, so bɔku pipul we sik bin de tray fɔ tɔch am.
11
Ɛnitɛm we dɛn dɛbul kin si Jizɔs, dɛn kin nil dɔŋ bifo am, ɛn ala se, “Yu na Gɔd in Pikin!”
12
Jizɔs kin wɔn dɛn mek dɛn nɔ tɛl pipul se in na Gɔd in Pikin.
13
Jizɔs go ɔp wan il ɛn kɔl di man dɛn we i want fɔ go to am; dɛn go mit am.
14
Pan dɛn ɔl, Jizɔs pik twɛlv fɔ de wit am ɛn i kɔl dɛn apɔsul dɛn. I sɛn dɛn fɔ go tɛl pipul bɔt Gɔd,
15
I gi dɛn pawa fɔ drɛb dɛbul.
16
Di man dɛn we Jizɔs bin pik na: Saymɔn we i kɔl Pita;
17
Jems ɛn Jɔn we na Zɛbidi in pikin dɛn (Jizɔs kɔl dɛn Boa na jis, dat min “Man dɛn we tan lɛkɛ tɛnda”);
18
Andru, Filip, Batalomyu, Matyu, Tɔmɔs, Jems we na Alfiɔs in pikin, Tadiɔs, Saymɔn we bin de fɛt fɔ fri in pipul dɛn,
19
ɛn Judas Iskariɔt we sɛl Jizɔs.
20
Dɛn Jizɔs go na wan os. Krawd kam gɛda rawnd in ɛn in lanin bɔy dɛn igen so dɛn nɔ gɛt chans fɔ it.
21
Wɛn Jizɔs in fambul dɛn yɛri dat, dɛn go pul am kɔmɔt de, bikɔs pipul se, “I de mek lɛkɛ se in ed nɔ de.”
22
Dɛn Ju Lɔ ticha we kɔmɔt Jerusɛlɛm tɔk se, “Biɛlzibɔb we na di edman fɔ di dɛbul dɛn, de insay am, ɛn nain de gi am di pawa fɔ drɛb dɛbul.”
23
Bɔt Jizɔs kɔl di Ju Lɔ ticha dɛn ɛn aks dɛn na parebul se, “Una tink se Setan kin drɛb Setan?
24
If pipul dɛn na di sem kɔntri de fɛt dɛnsɛf, da kɔntri de nɔ go las,
25
ɛn if pipul dɛn na di sem os de fɛt dɛnsɛf, dɛn go skata.
26
Semwe so, if Setan in wokman dɛn de fɛt dɛnsɛf ɛn dɛn pawa sheb, Setan nɔ go rul igen!
27
“Nɔbɔdi nɔ go go insay pɔsin we trɔŋ in os ɛn tif in prɔpati, pas i tay di pɔsin fɔs, da tɛm de i kin tek ɔl di trɔŋ pɔsin in prɔpati.
28
“A de tɛl una se, Gɔd go padin ɛni kayn sin, ɛn ɛni bad tin we di pɔsin tɔk bɔt mi ɛn ɔda pipul;
29
bɔt Gɔd nɔ go padin ɛnibɔdi we tɔk bad bɔt in Spirit; in sin go de pan am sote go.”
30
Jizɔs tɔk dat bikɔs sɔm pipul bin de tɔk se, “Dɛbul de insay am.”
31
Jizɔs in mama ɛn in brɔda dɛn go fɛn am. Dɛn bin de na do we dɛn sɛn kɔl am.
32
Pipul dɛn bin gɛda rawnd am, dɛn se, “Masta, luk yu mama ɛn yu brɔda dɛn na do, dɛn want si yu.”
33
Jizɔs ansa dɛn se, “Udat na mi mama ɛn mi brɔda dɛn?”
34
I tɔn luk di pipul dɛn we sidɔm rawnd am ɛn se, “Una we de ya, na una na mi mama ɛn mi brɔda dɛn!
35
Ɛnibɔdi we du wetin Gɔd want, na da pɔsin de na mi brɔda, mi sista ɛn mi mama.”
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
All chapters:
1
2
3
4
5
6
7
8
9
10
11
12
13
14
15
16