bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Micah 7
Micah 7
Krio (Krio Fɔs Oli Baybul)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
1
Mayka se i de wes in tɛm fɔ natin. I se i tan lɛk we pɔsin nɔ de fɛn frut fɔ it na tik di tɛm we i fɔ bia, ɔ wɛn dɛn dɔn pik ɔl di greps na di tik we i nɔ go gɛt wayn fɔ drink. Natin nɔ de fɔ it ɛn wetin i de aŋri fɔ sɛf, i nɔ go gɛt am.
2
Nɔbɔdi nɔ de na wɔl we gud, nɔbɔdi nɔ de du wetin rayt; dɛn ɔl de wach fɔ di tɛm we dɛn go ebul kech dɛn yon brɔda. Ɔlman jɛs de wet ɛn chuk ɛn kil.
3
If na fɔ bad, dɛn sabi aw fɔ du am we i nɔ go pwɛl. Ɔl di bigman dɛn de tek brayb ivin di jɔj dɛn. In ɛn di wan we gɛt pawa de du wetin dɛn lɛk ɛn natin nɔ de kɔmɔt biɛn dat.
4
Di wan we kin se i de du di rayt tin sɛf na lɛk smɔl smɔl chukchuk. Di wan we bɛtɛ pas dɛn ɔl tan lɛk dɛn bi big chukchuk. Na di tɛm dɔn rich so we dɛn go gɛt dɛn pɔnishmɛnt.
5
Nɔ fɔ abop pan pɔsin, ivin yu buzɔm frɛn, na fɔ tek tɛm wetin yu de tɛl am.
6
Dɛn bɔypikin dɛn kin mek dɛn papa dɛn ful dɔn di gyal pikin dɛn kin tinap lɛk se dɛn wan fɛt dɛn mami, dɔtɛnlɔ nɔ want fɔ si mɔdɛnlɔ. Ɔl dis de sho se na di wan we una ɔl de slip na di sem os, na yu ɛnimi.
7
I se fɔ in yon say, in go luk to PAPA GƆD nɔmɔ as nain na di GƆD we de sev am ɛn i go yɛri am.
8
I se lɛ in ɛnimi dɛn nɔ gladi we trɔbul mit am o, bikɔs if i fɔdɔm sɛf, i de grap ɛn we i tan lɛk ples dak fɔ am, PAPA GƆD de bi di wan we de gi am layt.
9
Na fɔ bia wetin PAPA GƆD gɛt fɔ du bikɔs dɛn dɔn sin to am. I go fɛt fɔ dɛn ɛn mek ɔl udat fɔ gɛt rayt gɛt rayt. Dɔn i go mek ɔlman si wetin i du we i go sev dɛn.
10
Da tɛm de, in ɛnimi go si korokoro wan ɛn dɛn wan dɛn we bin de aks usay PAPA GƆD, we nain GƆD de, go shem. Insɛf go gladi fɔ si se ɔl wetin in ɛnimi bin de du to ɔda pipul, nain de apin to dɛn naw. Dɛnsɛf go si aw ɔda pipul go de trit dɛn lɛk aw dɛn de mas pɔtɔpɔtɔ na trit.
11
Na da sem tɛm de dɛn go mek ɔl di wɔl we bin dɔn brok na Jerusɛlɛm bak ɛn di siti go big pas aw i bin tan fɔs.
12
Pipul go kɔmɔt Asiria, Ijipt ɛn Riva Yufretis wit ɔl dɛn watasay ɛn mawnten kam na di siti.
13
Bɔt di land go dray so bikɔs ɔf di bad we di pipul dɛn we de de dɔn du.
14
Mayka beg PAPA GƆD fɔ lɛ i trit dɛn lɛk aw man we de mɛn ship kin trit di ship we i de mɛn. I se lɛ i tek dɛn go na Beshan ɛn Giliad we gɛt frɛsh gras we dɛn go it lɛk aw i bin de du fɔstɛm.
15
I se mek PAPA GƆD ple mirekul fɔ dɛn lɛk aw i bin du we dɛn kɔmɔt Ijipt.
16
Dat go mek dɛn ɔda neshɔn dɛn mɔt ful. Pan ɔl dɛn trɛnk we dɛn de mek, dɛn nɔ go gɛt mɔt fɔ tɔk igen ɛn dɛn nɔ go de yɛri sɛf;
17
dɛn go le bɛlɛ na grɔn lɛk snek ɛn dɔbalɛ, dɔn dɛn go tɔn to PAPA GƆD we na GƆD bikɔs dɛn go fred ɛn rɛspɛkt am.
18
Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.
19
I go sɔri fɔ ɔlman ɛn mek lɛk se dɛn nɔ du natin.
20
PAPA GƆD go biev lɛk aw i bin de biev to Jekɔb, sho in lɔv we nɔ de dɔn to Ebram, jɛs lɛk aw i bin dɔn prɔmis dɛn fɔstɛm-papa dɛn se i go du.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
All chapters:
1
2
3
4
5
6
7