Nehemiah 10

Krio (Krio Fɔs Oli Baybul)

← Chapter 9 Jump to: Chapter 11 →

1Nɛimaya, we na gɔvna ɛn na Akalaya in bɔypikin, stamp di pepa. Di man dɛn we de mek sakrifays fɔ pipul sin we stamp am na Zɛdikaya,

2Seraya, Azaraya, Jɛrimaya,

3Pashɔ, Amaraya, Malkija

4Atush, Shibanaya, Malɔk,

5Arim, Mɛrimɔth, Obadaya,

6Daniɛl, Ginɛthɔn, Barak,

7Mɛshulam, Abija, Mijamin,

8Maazia, Bilgay ɛn Shɛmaya.

9Di Livayt dɛn we stamp am na: Jɛshwa we na Azania in bɔypikin, Binyui wan pan Ɛnadad in bɔypikin dɛn, Kadmiɛl,

10ɛn dɛn wan dɛn we de wok wit dɛn: Shibanaya, Odaya, Kɛkita, Pɛlaya, Anan,

11Mika, Reɔb, Ashabia,

12Zakɔ, Sherɛbaya, Shɛrɛbaya,

13Odaya, Bani ɛn Bɛninu.

14Di pipul dɛn lida dɛn we stamp am na: Parɔsh, Paath-Moab, Ilam, Zatu, Bani,

15Buni, Azgad, Bibay,

16Adonayja, Bigvay, Adin,

17Ata, Ɛzikaya, Ezɔ,

18Odaya, Ashɔm, Bizay,

19Arif, Anatɔt, Nibay,

20Magpiash, Mɛshulam, Ɛzir,

21Mɛshɛzabɛl, Zedɔk, Jadwa,

22Pɛlataya, Anan, Anaya,

23Oshia, Ananaya, Ashɔb,

24Aloɛsh, Pila, Shobɛk,

25Rium, Ashabna, Maasia,

26Aya, Anan, Enan,

27Malɔk, Arim ɛn Baana

28Di balans pipul dɛn, dat na sɔm pan di man dɛn we de mek sakrifays fɔ pipul sin dɛn, sɔm Livayt dɛn, di getman dɛn, dɛn wan dɛn we de siŋ, dɛn wokman na PAPA GƆD in os ɛn ɔl udat bin sɛpret dɛnsɛf frɔm di fɔrina dɛn bikɔs ɔf wetin PAPA GƆD in lɔ se, dɛn wɛf ɛn bɔy ɛn gyal pikin dɛn, we ebul ɔndastand,

29ɔl jɔyn dɛn aristo. Dɔn dɛn ɔl tay dɛnsɛf ɛn se swɛ go de pan dɛn if dɛn nɔ fala wetin PAPA GƆD in lɔ, we i bin gi in savant Mozis, se. Dɛn se dɛn go mek shɔ se dɛn go biev aw dɛn fɔ biev ɛn du ɔl wetin PAPA GƆD we na wi Gɔd dɔn se na da lɔ de.

30Dɛn se, “Wi prɔmis se, wi nɔ go lɛ wi gyal pikin dɛn mared to fɔrina ɛn wi nɔ go mek wi bɔypikin dɛnsɛf mared fɔrin uman dɛn.

31“Wɛn dɛn treda frɔm ɔda kɔntri briŋ tin fɔ sɛl di de we mek sɛvin we na blo, wi nɔ go bay bikɔs na de de wi fɔ blo ɛn nɔ du natin. If ivin dɛn kam ɛni ɔda de we wi se na oli de, wi nɔ go bay. We wi dɔn wok na wi fam dɛn fɔ siks ia wi nɔ go wok de fɔ ɛni ia we mek sɛvin. Da ia de wi go lɛf ɔl udat o wi.

32“Wi de prɔmis se wi go du ɔl wetin yu ɔda wi fɔ du, dat na fɔ mek wi gi smɔl tin lɛkɛ wan pat pam tri shɛkɛl ɛvri ia to PAPA GƆD in os,

33dis go mek bred de na di tebul; dɛn go ebul mek dɛn sakrifays we dɛn de pul gren ɛn dɛn sakrifays we na fɔ bɔn, fɔ dɛn sakrifays we dɛn kin mek di de we mek sɛvin we na fɔ blo, di Nyu Mun Fɛstival ɛn dɛn ɔda de dɛn we dɛn dɔn pik, fɔ dɛn sin sakrifays we na fɔ beg fɔ Izrɛl ɛn fɔ ɔl di ɔda tin dɛn we dɛn go gɛt fɔ de du na PAPA GƆD in os.

34“Wi, di man dɛn we kin mek sakrifays fɔ di pipul dɛn sin, di Livayt dɛn ɛn ɔl di ɔda pipul dɛn, dɔn balɔt fɔ no ustɛm di difrɛn difrɛn famili go briŋ wud, as dɛn yon kɔntribyushɔn, na wan patikla tɛm insay di ia we go de bɔn na PAPA GƆD in ɔlta lɛkɛ aw i rayt na di lɔ.

35“Wi de tinap bak se, wi go de briŋ ɛvri ia, di vɛri fɔs tin we wi de avɛst pan di tin dɛn we wi plant ɛn pan ɔl dɛn tik we de bia frut kam na PAPA GƆD in os.

36“As dɛn rayt na PAPA GƆD in lɔ bak, wi go mɔs briŋ di fɔs-bɔy-pikin ɛn di fɔs wan pan wi ship, got, kaw ɛn ɔda animal dɛn we wi de mɛn, kam na PAPA GƆD in os fɔ gi PAPA GƆD fɔ di man dɛn we go de mek sakrifays fɔ pipul sin.

37“Pantap dat, we go kip sɔm tin dɛn na di sto we de na PAPA GƆD in os. Wi go briŋ flawa, sɔm gren fɔ ɔfrin, frut dɛn we kɔmɔt pan ɔl dɛn tik, nyu wayn ɛn ɔyl. Wi go de gi wi tayth pan di tin dɛn we wi plant to di Livayt dɛn as na dɛn rɛspɔnsibul fɔ gɛda am no ɔl di siti dɛn we wi de wok.”

38Wan pan dɛn man we de mek sakrifays fɔ pipul sin, we kɔmɔt na Erɔn in famili layn gɛt fɔ de wit di Livayt dɛn we dɛn de tek di tayth dɛn. Di Livayt dɛnsɛf fɔ gi wan pat pan tɛn pat pan di tayth we dɛn gɛda fɔ kip na di sto, na di trɛzhri, na PAPA GƆD in os.

39Ɔl di Izrɛlayt dɛn wit di Livayt dɛnsɛf miks fɔ briŋ ɔl wetin dɛn de kɔntribyut, dat na gren, nyu wayn ɛn ɔyl, kam kip am na di sto usay dɛn kip dɛn ɔda tin dɛn we dɛn de yuz na PAPA GƆD in os ɛn usay di man dɛn we na dɛn tɔn fɔ mek sakrifays, di getman dɛn ɛn dɛn wan we di siŋ de. “Wi nɔ go fɔgɛt bɔt PAPA GƆD in os.”

← Chapter 9 Jump to: Chapter 11 →