bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Numbers 32
Numbers 32
Krio (Krio Fɔs Oli Baybul)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Di Rubɛnayt ɛn di Gadayt dɛn we bin gɛt bɔku animal dɛn fɔ mɛn, si se Jezɛ ɛn Giliad na fayn ples dɛn fɔ dɛn animal dɛn fɔ de.
2
So dɛn go to Mozis ɛn Ɛlieza di man we de mek sakrifays fɔ pipul sin ɛn to di lida dɛn na di kɔmyuniti ɛn tɛl dɛn se,
3
Ataroth, Dibɔn, Jezɛ, Nimra, Ɛshbɔn, Ɛliaylɛ, Sebam, Nibo ɛn Biɔn,
4
di ples dɛn we PAPA GƆD bin fɛt fɔ gɛt fɔ di Izrɛlayt dɛn na ples dɛn we fayn fɔ animal dɛn fɔ de ɛn dat dɛn gɛt animal dɛn.
5
Dɛn tɛl Mozis dɛn se if dɛn gladi wit dɛn, lɛ dɛn gi dɛn dɛn ples dɛn de as dɛn yon prɔpati. Dɛn beg Mozis dɛn se mek dɛn nɔ bɔda krɔs di Riva Jɔdan.
6
Mozis aks di Gadayt ɛn Rubɛnayt dɛn if dɛn kɔmpin dɛn fɔ go fɛt we dɛn sidɔm de.
7
I tɛl dɛn se dɛn want fɔ pwɛl dɛn kɔmpin Izrɛlayt dɛn at ɛn mek dɛn nɔ go oba na di land we PAPA GƆD dɔn gi dɛn.
8
I tɛl dɛn se na da sem tin de dɛn fɔstɛm-papa dɛn bin du di tɛm we i bin sɛn dɛn fɔ go wach di land frɔm Kedɛsh Bania.
9
I tɛl dɛn bɔt aw afta dɛn bin dɔn pas na di Ɛshkɔl Vali fɔ wach di land, dɛn pwɛl di ɔda Izrɛlayt dɛn at ɛn nɔ mek dɛn want fɔ go na di land we PAPA GƆD bin dɔn gi dɛn.
10
Dat bin mek PAPA GƆD vɛks bad ɛn swɛ se,
11
wans dɛn nɔ fala am wit ɔl dɛn at, nɔn pan di man dɛn we dɔn pas twɛnti ia we bin de we dɛn kɔmɔt na Ijipt nɔ go si di land we i bin dɔn swɛ to Ebraam, Ayzak ɛn Jekɔb se i go gi dɛn.
12
Mozis tɛl dɛn se, PAPA GƆD se dɛn nɔn, pas Kelɛb we na Jɛfunɛ we na Kɛnizayt in bɔypikin ɛn Jɔshwa we na Nɔn in yon bɔypikin bikɔs dɛn ɔltu fala am wit ɔl dɛn at.
13
I se na dɛn fɔstɛm pipul de mek PAPA GƆD vɛks bad pan di Izrɛlayt dɛn we mek dɛn gɛt fɔ wirɔn na di ɛmti land we pɔsin nɔ go ebul tap fɔ fɔti ia te dɛn ɔl we bin sin day.
14
Naw dɛnsɛf de tinap bifo am, lɛkɛ aw dɛn fɔstɛm pipul dɛn bin du fɔ mek PAPA GƆD vɛks pasmak pan di Izrɛlayt dɛn. I tɛl dɛn se dɛn de biev lɛk dɛn fɔstɛm-papa dɛn. Ɛn
15
if dɛn nɔ fala PAPA GƆD, i go lɛf dɛn ɔl na di ɛmti land we pɔsin nɔ go ebul tap ɛn da tɛm de na dɛn ɔlman go blem.
16
We i tɛl dɛn dat nain dɛn se, dɛn go lɛk fɔ bil os fɔ dɛn animal dɛn de ɛn mek siti fɔ dɛn uman dɛn ɛn pikin dɛn.
17
Dɛn se dɛn rɛdi fɔ go fɛt wit di ɔda Izrɛlayt dɛn te dɛnsɛf rich di ples we dɛn fɔ sɛtul. Dɛn se we dɛn nɔ de, dɛn uman dɛn ɛn dɛn pikin dɛn go tap na siti dɛn we sikyɔ so dat di pipul dɛn na di land nɔ go ambɔg dɛn.
18
Dɛn se dɛn nɔ go tɔn bak te ɔl di Izrɛlayt dɛn dɔn gɛt ples we na dɛn yon.
19
Dɛn se, dɛn nɔ go gɛt pan di prɔpati dɛn we de oba Riva Jɔdan as dɛn dɔn gɛt dɛn yon na di ist sayd pan di Riva.
20
Mozis se if dɛn dɔn rɛdi fɔ du wetin dɛn se, dɛn dɛn fɔ rɛdi fɔ fɛt fɔ PAPA GƆD
21
dɔn da tɛm de ɔl di Izrɛlayt go rɛdi fɔ fɛt oba Riva Jɔdan wit PAPA GƆD te dɛn win ɔl dɛn ɛnimi dɛn,
22
ɛn we dɛn dɔn win dɛn ɛn tek di land, dɛn di Gadayt ɛn Rubɛnayt kin tɔn bak ɛn dɛn go fri bifo PAPA GƆD ɛn di ɔda Izrɛlayt dɛn. Da tɛm de dɛn go tɛl PAPA GƆD se na dɛn gɛt di land.
23
Mozis tɛl dɛn se if dɛn nɔ rɛdi fɔ du wetin dɛn se bɔt kɔntinyu fɔ sin bifo PAPA GƆD, dɛn fɔ no se dɛn go mɔs pe fɔ dɛn sin.
24
Mozis tɛl dɛn fɔ mek di siti dɛn fɔ dɛn uman ɛn pikin dɛn ɛn bil os fɔ dɛn animal dɛn as dɛn bin dɔn prɔmis.
25
Di Gadayt ɛn di Rubɛnayt dɛn tɛl Mozis se dɛn go du wetin i se as in na dɛn masta.
26
Dɛn se dɛn pikin ɛn wɛf dɛn ɛn ɔl dɛn animal dɛn go lɛf de na Giliad,
27
bɔt dɛn, dat na ɔl di man dɛn, go rɛdi fɔ go fɛt. Dɛn se dɛn go krɔs go oba Riva Jɔdan fɔ fɛt bifo PAPA GƆD jɛs lɛk aw Mozis tɛl dɛn.
28
So Mozis tɛl Ɛlieza di man we de mek sakrifays fɔ pipul sin ɛn Jɔshwa we na Nɔn in bɔypikin ɛn di big wan na di famili dɛn, ɛn gi dɛn ɔda.
29
I tɛl dɛn se if di Gadayt ɛn Rubɛnayt dɛn man dɛn krɔs wit dɛn oba Riva Jɔdan ɛn fɛt wit dɛn bifo PAPA GƆD, dɛn wɛn dɛn dɔn gɛt di land, dɛn fɔ gi Giliad to di Gadayt ɛn Rubɛnayt dɛn fɔ bi dɛn yon.
30
Mozis se if dɛn nɔ go oba wit di ɔda Izrɛlayt dɛn fɔ fɛt, dɛn fɔ tek wetin dɛn gi dɛn as dɛn yon na Kenan.
31
Di Gadayt ɛn Rubɛnayt dɛn ansa se dɛn go du wetin PAPA GƆD se.
32
Dɛn se dɛn go krɔs oba go na Kenan go fɛt fɔ PAPA GƆD bɔt dɛn yon prɔpati go de usay dɛn de so.
33
So Mozis gi di Gadayt, di Rubɛnayt ɛn af ɔf Manasɛ we na Josɛf in pikin in fambul dɛn, di ples usay Sayɔn we na di Amɔrayt dɛn kiŋ ɛn di ples usay Ɔg we na kiŋ na Beshan wit ɔl di siti dɛn we de rawnd dɛn.
34
Di Gadayt dɛn bil Dibɔn; Ataroth, Aroa,
35
Atroth Shofan, Jezɛ, Jogbɛa,
36
Bɛth Nimra ɛn Bɛth Eran as di siti dɛn we dɛn sikyɔ ɛn bil os dɛn fɔ dɛn animal dɛn.
37
Dɔn di Rubɛnayt dɛn mek Ɛshbɔn, Ɛliaylɛ ɛn Kiriathaim bak
38
wit Nibo ɛn Baal Mɛɔn we dɛn chenj dɛn nem ɛn Sibma. Dɛn gi ɔl di siti dɛn we dɛn bil bak dɛn yon nem.
39
Maka we na Manasɛ in bɔypikin in yon jɛnareshɔn dɛn go Giliad usay dɛn drɛb ɔl di Amɔrayt dɛn we bin tap de ɛn kapchɔ di land.
40
So Mozis gi Giliad to di Makarayt dɛn we na Manasɛ in jɛnareshɔn, ɛn dɛn sɛtul de.
41
Jeir, wan pan Manasɛ in jɛnareshɔn dɛn kapchɔ di say we dɛn sɛtul ɛn kɔl am Evɔth Jeir.
42
Noba in kapchɔ Kinath ɛn ɔl di ples dɛn we de rawnd am fɔ sɛtul ɛn gi am in nem.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36