bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kurukh
/
Kurukh (पुना गच्छरना NT (BSI))
/
Titus 3
Titus 3
Kurukh (पुना गच्छरना NT (BSI))
← Chapter 2
Jump to:
Chapter 1
Chapter 2
Chapter 3
1
पत्त'ऊ आलारिन सुरता नन्त'आ का आर गे राजी ननुर अरा अक्स'उर ही आकुस नू र'अना र'ई। अरा आरहीन पॆस्रना ती उर्मी दौ नलख गे सपड़ारका र'अना र'ई।
2
आर नेक'आनिम आर ही बिड़दो नू ब'अनुम अम्बोर नठाब'आ, अरा आर अरबानखर'ऊ अम्बोर र'आ। अरा आर गे लुदऊ मन्ना र'ई, अरा ओर्मर गने तमन कोहाँ लेक्खा मला सन्नी लेक्खा ईद'उर र'अना र'ई।
3
नाम हों मुन्द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्जा लिक्कत, अरा नाम नाम नू बैरी रहचकत।
4
लिकिन नमा गे बछाब'ऊ धर्मेसी सोग्गे अरा चोन्हा मंजा।
5
ख़ने आस नमन नाड़ियस। ईद नम्है नंजका बॆस नलख चड्डे मल्ली, लिकिन आसी सोग्गे चड्डे मंजा। अरा आस नम्है पाप गुट्ठिन नूड़ियस ती ओथ्रस चिच्चस। अरा नमन नेम्हा बॊलतस ती दौ उज्जा गे पुना कमचस।
6
धर्मेस नम्है बछाब'ऊ येसु मसीस ती नेम्हा बोलतन नम्है मइय्याँ बग्गे ती बग्गे तइय्यस।
7
आस तंग्है मया ती नमन उजगो आल ऎदस, अरा नमा गे जनमजुग ही उज्जना ख़क्खा गे असरा चिच्चस।
8
इबड़ा कत्था गुट्ठी मानिम हिके। अरा ऎन बेद्ददन का आलर इबड़ा कत्था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू लइक्का र'आ गे चिहुंक ननोर। इबड़ा कत्था गुट्ठी बॆस अरा ओर्मर गे धार'ई।
9
बोया आनानखरना गुट्ठी, अरा पूरखर ही खुटी गुट्ठी, अरा अरबानखरना गुट्ठी अरा यहूदीर ही नॆग ही पॆस्रना ही पत्त नू नग्गानख्रना इबड़ा जम्मा ती तरकूटी र'आ। एन्देरगेका इत्रु मल धार'ई, बेड़न लेका नठाब'ई।
10
आलारिन छिंडुसिन ओंग्होल, दुई हॆल तिगाब'आ ती तरकूटी र'आ।
11
इदन नीन अख़'आ ओंग्दय का एन्ने आलस बेड़ारकादस अरा पपहा र'अदस अरा तान तंगानिम बदी नन्दस।
12
ऎन निंग्है गुसन अरतेमास महले तुख़िखोसिन तइय्योन, एंग्है हेद्दे लॆम नीकुपुलिस बरना ही चिहुट ननके। एन्देरगेका ऎन असानिम पईय्याँ उल्लन पहाब'आ गे तिगचकन।
13
जेनास वकील अरा अप्पोल्लॊसिन तिहा ननरकी मुन्द तइय्के चि'अके। नीन ऎरके ख़ॊजके का आर ही डहरे ऎकना नू आर गे इन्द्रिइम जिनिस अम्बो खंग्र'आ।
14
नम्है आलर हों चाड़ गुट्ठिन पुराब'आ गे बॆस नलख नू लइक्का र'आ गे सिख्रना र'ई। आर ही उज्जना बिगर ख़ंजपा ती अम्बो र'आ।
15
एंग्है गने र'ऊ जम्मर निमन मोंजरा नन्नर। एम्है गने चोन्हा ननू पत्त'ऊ आलर गे मोंजरा नन्दन। निम्है ओर्मर मइय्याँ मया मन्ते र'आ नेकअन।
← Chapter 2
Jump to:
Chapter 1
Chapter 2
Chapter 3
All chapters:
1
2
3
Recommended Reading
Commentary
Titus Commentaries
→
Devotional
Titus Devotional Guide
→
Get This Bible
BSI Study Bible
→